Nappiigak 1:12 - Ala Wone Peenok Peebi Mbanak

¹² Yorogo mbareegwa, it Yakuri tamban eekwi paga tu nda noorak kenok, “Ti kuli mban ari nogo logorak,” yugu nogo ndak-ndak aret it puut Tayitun paga nen o Yerutalem iniyok paga wambi wogogwaarak.

Nappiigak 1:12 Iomraidhean Croise

Takariya 14:4

Ne ti paga at iyok o Yerutalem oonegen wundi wage menggim pa'nggwe puut Tayitun paga pi wambi wage kagak, puut Tayitun ti, oonegen wundi wage menggim pa'nggwe nen nok, oonegen kilu yi nage menggim pa'nggwe nggoguk ari mbaremenggi, puut peenok nggaganak langgo narok o omarip paga pa'nggwe ari nage, peenok nggaganak nogo langgo narok o ame pa'nggwe ari nage, eeke kagak, oolo time kobak kole aret nonggologo pigin o.

Matiyut 21:1

It Yetut inom wogogwaarak nogo, o Yerutalem panggo yi wogo logonet, o Mbetapage puurom Tayitun paga ari wogo nogogwaarik, nogome logonet, Yetut nen at oone waganggwi mbere nappiige logonet,

Matiyut 24:20

It kole mbaganiyak nogo, o mayu tit kunik eeke paga ilik, tamban eekwi paga a? age kero, tamban mban eeko logowak o.

Matiyut 24:3

Ti'nuk, puurom Tayitun paga lagangge nagagerik, alik taati kwi'ndak wonage me, at oone waganggwi nogo owagam ka nogo nogogwaarik, at yogo logonet, “Togop arigin o, yo'niragandak nogo, mandenom arigin o? Ndi, kat woroorak inom, o age yobok ariyak inom, panggoni wage kenok, nineenu ariyak mendek nano eeke kaagun? Yo'niret o.”

Matiyut 26:30

Yorage nagagerik, ndawi wappunuk, wundi nogo nogogwaarik, puurom Tayitun paga lagi nogogwaarak.

Lukat 19:29

puut endage Tayitun eegwa'me o yaga'lelo Mbetapage inom, Mbetaniya inom, panggo yi wogo nogogwaarik, at oone waganggwi mbere nappiige logonet,

Lukat 21:37

At Yetut nen o liingge paga Ala awi wurik me wone mamunirage, ndi, o kiip age kenok, wundi nanuk, puut endage Tayitun nogome nogo yi nage, eeke nagagerak me,

Lukat 24:50

Yorage nagagerik, o kota nen wundi nanuk, wogoret o Mbetaniya koorok time ari nage nagagerik, eenggi nippege logonet, ale'nggen inoba piyareegerak.

Lukat 24:52

Lagangge kogo nogogwaarik, Ala ayuk wuko logonet, endage tiyappogo nogogwaarik, inale'nggen ambik mbakak iniyok paga o Yerutalem wogogwaarak.

Yaya 11:18

O Mbetaniya ti, kota Yerutalem korotok tu noorak kilometer kenagan negen wonagagerak me,