Matiyut 9:2 - Ala Wone Peenok Peebi Mbanak

² aap ambi eenggi-iyok nggunanak me, at nogo yege menggerak nogo paga aret eewu'nuk, Yetut owagam pi wogo mbareegwa, at Yetut nen it iniki at abet ombakwi yelok iige nagagerik, aap eenggi-iyok nggunanak nogo yoge logonet, “Naput wa! Komaluk nogo lek eerogo pagagirak me, kiniki kwi'ndak logot o.”

Matiyut 9:2 Iomraidhean Croise

Wone Alom Kibingga 9:7

Togop aret me, kit eekwi nogo Ala nen, “Op aret o,” yinuk, o yogondak aret kinombake me, kinale'nggen nen kinambi nunggwi, Kinale'nggen paga kinanggur amburu nunggwi, Eeko logonip o.

Yetaya 44:22

Tit aagi wiya nen wonok nggarek ari menggi kwak, it maluk eerit wogo nogogwaarak nogo, lek eerogo piige, Ndugwi o wiya nen wonok nage menggi kwak noone taganogo punuk, maluk eeko nogogwaarak nogo lek eerogo piige, Eeke nagarik, Wondet eerogo piigirak me, iniyokan yungguninuk neya woraawak o,” yinuk, yegerak me, yokkiragi o.

Matiyut 14:27

Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Matiyut 8:10

Yoreegerak nogo at Yetut aruk konengge nagagerik, “Wi!” yinuk, pi wake logonet, at inom wogwe nogo yorage logonet, “It Iterali mendek inenggela'me nen aap iniki mondok iya lombok abet nombake yogop ambi an kaga'lek aret agarik o, yinuk, abet aret yokkiragi o.

Matiyut 8:16

Ti'nuk, o kiyoma age kagak, it kugi inikime lik yereegerak ineebe ambik aakumi nen wogoret, at owagam piya wogo mbareegwa, Yetut oone paga it kugi nggiginogo wumbiige, it andi kunik mendek abok aret obeelom eeginake, eereegerak.

Matiyut 9:22

Pigagangge mbareegi, at Yetut ena logurogon enegen pekkage nagagerik, “Napuluk wa! Kiniki kwi'ndak logot o. Kat kiniki noba panggombunuk abet nombakendak paga obeelom agan o,” yinuk, yoge mbareegi, kwe nogo ti eyom paga aret obeelom agagerak.

Matiyut 9:5

Komaluk lek eerogo pagagi, yoriyak ti, iya ilik, Mi'na'nuk, nege logot, yoriyak ti, iya a? Kit yinip nda!

Matiyut 9:6

Ala nen an aap aret nda'nagagirak nogo nggween paga aakumi inomaluk lek eerogo piyoorak unde mippaneegerak kineenu arubagip nduk, yogirak me,” yinuk, yorage nagagerik, aap eenggi-iyok nggunanak nogo yoge logonet, “Mi'na'nuk, kat nogo yege menggendak ndoonak ti, ko'nok, kame nak o.”

Marakut 1:32

Kiyoma-kiyoma oonegen kilu yi nage kagak, it kugi andi inom, it kugi inikime lik yereegerak inom, abok aret wogoren Yetut owagam piya wogogwaarak.

Marakut 10:49

Yogak mban ari mbareegi, at Yetut nogo yungguk togon puk age nagagerik, “Wi'nip o,” yorage mbareegi, it nen aap enegen mbuk nogo wiigo logonet, “Kat wiigege me, Nagabiti, yugun o. Mi'na'nuk nak o.”

Marakut 5:34

Paganogo yoge mbareegi, at Yetut nen, “Nawuluk o! Kat kiniki noba panggombunuk abet nombakendak paga obeelom agan o. Andi eekkake nagaarak nogo muk lek agaarak me, kinikiigun kame nak o,” yoreegerak.

Marakut 6:50

It abok aret at wage inigen kogo nogogwaarik, inaganak wake kagak, “Kinogut li o,” yorage nagagerik, “An neebe aret wage me, kinagabiti arugup o.”

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Yaya 21:5

Yetut nen it yorage logonet, “Napuri wae. Kit ikan ambi waganggotak ilik, lek a?” Yorage mbareegi, “Abu woolik o.”

Nappiigak 14:9

at Pawulut wone yorage aruk konengge wonage me, Pawulut nen enegen looge nagagerik, “Aap yi obeelom ee'naburak mba'nuk iniki Ala oba panggombunuk abet mbake,” yelok kage nagagerik, at yoge logonet,

Nappiigak 19:12

Iya tit eeke nagagerak ti, at ayum liigak kookak inom, ambogoyum oba pereninuk nege menggerak inom, wonok nogo nagaatik, it aakumi kugi andi nogo, inoba labumbiigwi iigak, kugi andi nogo lek age, kugi inikime unggwegetak nogo nggik togon wungge, eeke nagagerak.

Nappiigak 23:11

Nogo ambi yinuk, ko'lu, o kiip age mbareegi, nogome wonage me, ninogoba Yetut at Pawulut owagam wage nagagerik, mi'ndak logonet, “An noone o Yerutalem liirogon yorage nagandak nogo ndak-ndak, peebi o Oroma time yora noorak me, kiniki nu'lek logot o,” yoreegerak.

Oroma 5:11

Ti eereegerak paga mban ninale'nggen mbako logorak lek o. Ata, ambi nit ninowe Yetut Keritut eereegerak nogo paga Ala ninom lambunogo pinaneegerak me, “Ala wa,” yinuk, ninale'nggen mbako logowok o.

Yakobut 2:18

Togop aret kwe, kit ambi nen, “Kat abet mban mbake kwe, an perak, eebe inom aret eeke o,” yinuk, yogwe kiigirak me, wologo wae. Kit abet mbakwi nogo, eebe inom eeka'lek kiinok, “Yi aap abet mbaka'lek aret,” kinombarugun kwe, an perak, abet mba'nuk eebe inom aret eeke me, “Yi aap abet mbake aret,” nombarugun yi kogo ogotik?