Matiyut 8:3 - Ala Wone Peenok Peebi Mbanak

³ Yoge mbareegi, at Yetut eenggi nderogon aap nogo pigagangge logonet, “Obeelom eekkaburak mbakirak me, obeelom agago pagagi o,” yinuk, awo yoge kagak, at awin aaga'ne kunik nogo lek aret a'nuk, obeelom agagerak.

Matiyut 8:3 Iomraidhean Croise

Wakkagagerak 1:3

Wiga agan nege kagak, at Ala nen, “O eya aruwak o,” ari kagak, o eya aret agagerak.

2 Endagembogut 5:11

Yoreegerak nogo yori nage mbareegi, at Naman nogo anini aago nage logonet, “At neya wundi wage logomenggerik, nawin andime eenggi tebembaninuk, Aliku ogoba Ala nggino yoge kenok, nawin lek arigin mbakirak kwe,

2 Endagembogut 5:14

Yogo mbareegwa, Naman nogo niyo Yoraran inikime unggwi nage nagagerik, Ala wone liirogon eeka nen wone yoreegerak nogo ndak-ndak, ne 7 kuli kuruk yagak mban eeke mbareegi, awin nogo lek aret age logonet, agabolo obaane'me obeelom wologwe inagabolo negen aret agagerak.

Wundeegwaarak 4:7

Kage mbareegi, Aliku ALA nen, “Keenggi kayum eraanu nggiginggenom obaane'me mambu o.” Yoge mbareegi, mambunuk, nggiginggage nagagerik, awin nogo lek age logonet, at agabolo wonage menggi kwak aret agagerak.

Matiyut 12:13

Yorage nagagerik, aap nogo yoge logonet, “Keenggi nggingget o,” yoge mbareegi, ngginggage nagagerik, eenggi nogo peenok ndak-ndak obeelom aret agagerak.

Marakut 1:41

Yoge mbareegi, at Yetut nen aap nogo abuwa mba'nuk, eenggi nderogon pigagangge nagagerik, “An obeelom eekkaburak mbakirak me, obeelom agago pagagi o,” yinuk,

Marakut 4:39

Yogo mbareegwa, eenik a'nuk wiya nogo mberege nagagerik, niyo nogo, “Kabolok lek puk aru o,” yoge mbareegi, o wiya nogo abolok lek age, niyo nogo puk age, eereegerak.

Marakut 5:41

Unggwi nogo nogogwaarik, Yetut nen kolaga nogo eenggi pippunuk yoge logonet, “Talita kum,” yoreegerak. Ti, nit ninoone paga, “Kolaga yi wae. Mi'na'nok nduk yokkigi o,” yinuk, yoreegerak.

Marakut 7:34

ena mbogut paga ni'nage logonet, “Ai!” mbake nagagerik, “Epata o,” yoreegerak. Ti yoreegerak ti, nit ninoone paga, “Paa'naru o,” yoreegerak.

Marakut 9:25

Yoge mbareegi, Yetut eeke me, aakumi kuwak ari wogwe nogo Yetut enegen iige nagagerik, kugi nogo mberege logonet, “Aakumi inaruk logu eeginake, wi eeginake, eeke menggendak kat kugi yi, wundi nak o. Wundi nage logomenggendik, ti'nuk, peebi unggwi woroorak abu mage yokkigi o,” yinuk, yoreegerak.

Lukat 4:27

Ndi, Ala yoge kagak yoraga Elita wonage eyom paga aakumi Iterali iname time apit aret inawin aaga'ne kunik wonogogwaarak kwe, it ambi inawin obeelom aganabulik aret o. Aap Naman o Tiriya mendek nogo, alik mban awin obeelom eereegerak o, yinuk, abet aret yokkiragi o.”

Lukat 5:13

Yoge mbareegi, at Yetut eenggi nderogon pigagangge logonet, “Obeelom eekkaburak mbakirak me, obeelom agago pagi o,” wone awo yoge kagak, at awin aaga'ne kunik nogo lek aret agagerak.

Lukat 7:14

Yoge nagagerik, aap eewurik wonok wogwe me panggo yi nage nagagerik, eenggi pigaganeegerak. Eenggi pigagangge mbareegi, aakumi eewurik wonok wogwe nogo puk ogo mbareegwa, at Yetut nen, “Wulaga! Mi'na'nok nduk, yokkege agarik o.”

Yaya 11:43

Yoge nagagerik, at oone nggwok paga, “Latarut wae! Wundi mok o.”

Yaya 15:24

An it inenggela'me logonet, eekulik mendek eeke logonetak lek en, it maluk ineenggo'lek ugun aret logonetak kwe, yogondak perak, an eeke nagagirak nogo, it muk neego nagaarik, an nogoba nimbirak aret ineebi ninombako agaarik o.

Yaya 5:21

Nogoba nen aakumi kanggaatak ineenik agago mippiige menggi kwak, aput an niniki nen aap ambi eenik eeppuurak mbake kenok ti, eenik agago mippigin aret o.