Matiyut 8:2 - Ala Wone Peenok Peebi Mbanak

² aap ambi awin aaga'ne kunik Yetut owagam nage nagagerik, abu'me tebe yinuk, “Ai, nogoba. Kat nen obeelom ee'naburak mbake keenok, obeelom ee'naburak op aret o.”

Matiyut 8:2 Iomraidhean Croise

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

2 Endagembogut 15:5

Ndi, at Aliku ALA nen andi kage logowak nduk, aap endagembogut nogo awin aaga'ne eerogo pereegerak me, awi alik wurogo pereegwaarak time aret wonage logonet, kambi noorak age kagak, at aput Yoram nogo, aap endagembogut awi o nggwok abe wurik nogo unde wonage, ndi, aakumi o time wone lengganogo yorage, eeke nagagerak.

2 Endagembogut 5:1

It Aram mendek inowe endagembogut awuri ineegin warak inowe aap wakaa'ngget lombok Naman aret wonagagerak me, at Aliku ALA nen Naman eegin tiyappege kagak, o Aram obeelom eerogo piige paga ogoba endagembogut nen iniki kunik eeke, wogoppege, eeke nagagerak kwe, awin aaga'ne agabolo paga telek aago wonagagerak.

2 Endagembogut 5:27

Lek aret me, at Naman awin aaga'ne kunik nogo kat kagabolo paga inom, kapuri-kombowologwe wiganak inagabolo paga inom, kinoba aremenggerak mondok-mondok lenggenak aret logogin o.” Yoge mbareegi, at wonage me nen awo wundi nage kagak, awin aaga'ne agabolo paga lenggek ari mbareegi, yanggwi kwak lan ari nagagerak.

Linggineegwaarak 12:10

Nage kagak, ndugwi nogo Ala inom lambungge menggim awooliya wurik me irimbaga wonage nogo lagangge kagak, at Miriyam nogo agabolo awin maaluget kunik yanggwi negen lan ari mbareegi, at Karun nogo ena logorogon Miriyam pekkage nagagerik, awin maaluget agagerak mbareegi, Muta yoge logonet, “Ai, nogoba! Nit wi negen aret yogoorak nogo ti, maluk aret yogoorak me, ninomaluk onggo aaninggin ninoba pinaniyak ti mage o.

Matiyut 10:8

It andi wonogwe iinok, obeelom eeginakwi, kanggwi iinok, ineenik agago mippiigwi, inawin aaga'ne kunik wonogwe iinok, obeelom eeginakwi, kugi inikime lik yereegwaarak kenok, nggiginogo wumbiigwi, eerit nugu logomunggup o. Kit onggo lek we aret kologogutak me, onggo lek we aret eeginabit nugu logomunggup o.

Matiyut 13:58

Ndi, it aap Nataret mendek nen Yetut abet ombaka'lek wonogo mbareegwa, o time eerubok mendek ambitak mban eeke nagagerak.

Matiyut 14:33

Lek aret age mbareegi, it yiiro paga wonogogwaarak nogo nen Yetut ayuk wuko logonet, “Kat Ala aput abet aret keego o,” yinuk, yoreegwaarak.

Matiyut 15:25

Yorage mbareegi, kwe nogo wage nagagerik, ayuk wurogo alut eeke logonet, “Ai, nogoba. Obeelom eeppanu ubi.”

Matiyut 18:26

Yorage at ayeloman nogo aruk konembunuk, aap nogo abu'me enete wanduk ngginnage logonet, Ai, nogoba o. Nawu wonage kenok abok aret wokkirigin me, kiniki yanggo yinuk puk aru o.

Matiyut 2:11

Nogo nogogwaarik, oome unggunuk, elege nogo agalo Mariya imbirak iigo nogogwaarik, ineebe tebe yinuk, elege nogo ayuk wureegwaarak. Ayuk wuko nogogwaarik, inamendek obeelom lombok mbuti emas inom, yibinggami inom, eyo mur amburu inom, kilirogo wogoreegwaarak.

Matiyut 20:20

Yorage mbareegi, at Tebereyut apuri inagalo nogo aagalogwe inom Yetut owagam wogo nogogwaarik, abu'me tebe yinuk, kwe nogo nen Yetut yoge logonet, “An ambi ngginogiri o.”

Matiyut 26:6

At Yetut o Mbetaniya aap Timon awin aaga'ne kunik wonagagerak nogo ame wonage me,

Matiyut 28:17

Yetut iya wage inigen kogo nogogwaarik, ayuk wurogo alut eekwi iigak, it ando nen iniki yungguppegak yogwe wonogwe me,

Matiyut 28:9

Yetut inom aabuk ogo nogogwaarik, it yorage logonet, “Niriwi wa,” yorage mbareegi, it kumi nogo owagam panggo yi nogo nogogwaarik, iyok ineenggi pippunuk, ayuk wurogo alut eereegwaarak.

Matiyut 4:9

“Kat nabu'me tebe yinuk, nayuk wuke keenok, yi abok aret wokkirigin o.”

Matiyut 8:1

At Yetut puurom paga nen wambi wage mbareegi, it aakumi ambik at mugurok wogwe iigak,

Matiyut 8:25

Nogo yege wonage me, at oone waganggwi nogo, nogo nogogwaarik, eenik eeppogo logonet, “Ninogoba! Yi ndonggonninaburak eeke me, mbet-mbet ninagap ndaru o.”

Matiyut 9:18

Yorage nagagerik, awo inom wone mbangge kagak, aap Yakuri tamban eeko menggam unde ambi wage nagagerik, Yetut abu'me tebe yinuk, yoge logonet, “Nogoba o. An napuluk muk kanggerak kwe, eebe keenggi piga nage keenok, eenik aret arigin o.”

Lukat 4:27

Ndi, Ala yoge kagak yoraga Elita wonage eyom paga aakumi Iterali iname time apit aret inawin aaga'ne kunik wonogogwaarak kwe, it ambi inawin obeelom aganabulik aret o. Aap Naman o Tiriya mendek nogo, alik mban awin obeelom eereegerak o, yinuk, abet aret yokkiragi o.”

Yaya 9:38

Yoge mbareegi, aap nogo nen, “Ai, nogoba o. Niniki koba panggombunuk, abet kombake agarik o,” yinuk, ayuk wureegerak.

Nappiigak 10:14

Aruk konembege nagagerik, “A, nogoba. Nunggulik mendek inom, noorak mage yugu mendek inom, an abu nenggeelik me noorak neebi o.”

Nappiigak 10:25

Peterut oore'nggam unggwi nage mbareegi, at Koreneliyut nogo nen at ayuk wuko logonet, abu'me wanduk yi nage mbareegi,

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.