Matiyut 7:1 - Ala Wone Peenok Peebi Mbanak

¹ Yorage nagagerik, ambinom yorage logonet, “Ala nen perak togon, Kit maluk eekotak o, yinuk, yokkirage kero, kit nen aap ambi eeremenggerak paga, Kat maluk eekendak o, yinuk, kinoone omaawi paga perak togon yoriyak mage o.

Matiyut 7:1 Iomraidhean Croise

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.

Matiyut 7:5

Aap pilit pugungga kit aret o. Eyo obate mbanak kinigen me milinik wonage nogo, aa'nduk mbo nappunuk, kinore enegen anggup worekkoorak tena'me kaamunggup o.

Lukat 6:37

Yorage nagagerik, ambinom yorage logonet, “Kit kinoone omaawi paga perak togon aakumi yorogo logonet, Kit maluk o, yinuk, yoraagup o. Kinoone omaawi paga perak togon yorogwe lek kiinok, Ala nen perak togon, Kit maluk o, yinuk, yokkiraagin lek o. Kit nen aakumi inenggali wappiyaagup o. Inenggali wappiiga'lek kiinok, Ala nen kit kinenggali wappinagagin lek o. Kit nen it aakumi maluk eeppinagagwi nogo kinami eerogo pogo logonip o. Kinami eerogo pugwi kiinok, Ala nen kit kinomaluk lek eerogo pinagagin o.

Lukat 6:41

Eyo obate mbanak kinigen me milinik wonage nogo maloppega'lek logonet, kit kinore enegen anggup nonggop togon maloppogo ogotik?

Yaya 8:7

Liiru mbangge me, it nen, “Yu ubi!” nabenak mban yogo mbareegwa, at mi'na'nuk, it yorage logonet, “Aap kinenggela'me yime ambi maluk eekeelik kenok, at aa'nduk yugum paga kwe yi wariyok o.”

Yakobut 3:1

Nowe-nawot o. Ala nen ninowak loongge logonet, nit aakumi mamuninako monggoorak nogo eeko logomonggoorak abu liippinaninuk, aaninggin nggwok ninoba pinanigin nineenu me, kit abok aret, “An mamuniraga mendek logokit,” mbarugup o.