Matiyut 5:1 - Ala Wone Peenok Peebi Mbanak

¹ Aakumi ambik inom nogwe nogo Yetut enegen iinok, puurom paga lagangge nagagerik, kwi'na'nuk wonage me, it at oone wagangga nogo owagam nogogwaarak.

Matiyut 5:1 Iomraidhean Croise

Matiyut 13:2

Kwi'nagagerak wonage me, yi aakumi ndi aakumi ambik aago at owagam kuwak ari wogogwaarak me, yiiro paga unggunuk, kwi'nage nagagerik, it aakumi kuwak aago nogo yi aa'nggi paga taati iigak,

Matiyut 15:29

At Yetut nogo o time mbo punuk, tu o Nggalileya yi yenggenak ambet paga wage nagagerik, puurom paga lagi nanuk, time kwi'nagagerak.

Matiyut 4:25

Eeginake mbareegi, aakumi ambik o Nggalileya nen, Ndekapolit nen, Yerutalem nen, Yureya nen, yi Yoraran enebagan nen, ambik aret at inom nogogwaarak.

Matiyut 5:2

Nogo mbareegwa, wone mamunirage logonet,

Marakut 3:13

At Yetut nogo puurom lagangge nagagerik, nogome logonet, at inom nege logorak iniki koonogo pereegerak nogo woraawak nduk wiirage mbareegi, owagam kuwak ari wogogwaarak.

Marakut 3:20

Ti'nuk, at Yetut nogo oome unggwi nanuk, time wonage me, aakumi ambik at owagam kuwak ari wogo mbareegwa, at oone waganggwi nogo inom mbi noorak meek agagerak,

Marakut 4:1

Ti'nuk, ne ambi paga at Yetut niyo Nggalileya yenggenak aa'-nggi paga wone mamuniragagerak. Wone mamunirage wonage me, yi aakumi ndi aakumi ambik aago at owagam kuwak ari wogogwaarak me, it aakumi nogo niyo yenggenak aa'nggi paga taati iigak, at Yetut yiiro paga kwi'nari unggwage nagagerik logonet,

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Lukat 6:17

At Yetut leenogo piyareegerak inom puurom paga nen wambi wogo nogogwaarik, kobappaga time puk ogogwaarak. Puk ogo mbareegwa, at oone waganggwi ando apit inom, aakumi ambik o Yureya nen, o kota Yerutalem nen, o Tirut Tiron yi yenggenak laut aa'nggi paga nogome nen, at Yetut oone konenggwi, kugi andi kunik obeelom eeginake, eeruwak nduk, at owagam kuwak ari wogogwaarak nogo inom, Yetut inom kobappaga taati aret wonogogwaarak. It aakumi kugi ogole warak mendek inikime unggwagak mban eeko nogogwaarak nogo obeelom eeginabeegerak.

Lukat 6:20

Togop eekwi me, Yetut nen at oone waganggwi nogo enegen pegiige nagagerik, yorage logonet, “Kit aap kinamendek lek yi, Ala abu'me pinagarak me, kiniki ale'nggen mbako logonip o.

Lukat 9:28

Wone ti yorage nagagerik, nogo 8 negen yinuk, Yetut nen Peterut kunduk, Yaya kunduk, Yakobut kunduk, wogoret tamban eeruwok nduk, puurom lagi nogogwaarak.

Yaya 6:15

Yinuk, yogo mbareegwa, Yetut nen, “It aakumi wogo logomenggaarik, inogoba nendagembogut logorak neebi mbake neegak mippanugun,” yelok iige nagagerik, alik puut paga time lagi nagagerak.