Matiyut 4:3 - Ala Wone Peenok Peebi Mbanak

³ Mbi abu eereegerak wonage me, at aakumi iniki nggagangge menggerak nogo nen wage nagagerik, Yetut yoge logonet, “Kat Ala aput keenok, yugum yi, mbi aruwak nduk, yoru nda!”

Matiyut 4:3 Iomraidhean Croise

Wundeegwaarak 16:3

“Nit o Metit time logonet, ninaanggo larak noorak nduk, ninggirik wonogwe, oroti ndonggok togon nunggwi, eeko logonet, Aliku ALA nen ambi eeppinanege kenok, kambuwok lak, nit Iterali kuwak aago yi, mbi abu nen o karume yime kambuwok nduk wo'niren pinani wogotak nineebi a!”

Matiyut 14:33

Lek aret age mbareegi, it yiiro paga wonogogwaarak nogo nen Yetut ayuk wuko logonet, “Kat Ala aput abet aret keego o,” yinuk, yoreegwaarak.

Matiyut 16:16

Yorage mbareegi, at Timon Peterut nen, “At eenik menggerak Ala aput Mesias nogo kat aret o.”

Matiyut 26:63

Yoreegerak kwe, at Yetut nogo oone lek puk wonagagerak. Puk aret wonage mbareegi, at Ala unde inowe nggwok nen, “Kat Keritut Ala aput kenok, paganogo yo'niraanok nduk, at Ala eenik menggerak endage kumbunuk yokkigi o.”

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Marakut 1:1

At Yetut Keritut Ala aput eerit nage nagagerak obeelom wone aa'nduk lombok wareneegerak nogo yi aret o.

Marakut 5:7

oone nggwok paga kwa ari logonet, “Yetut wae. Kat Ala tiyanak lombok menggerak aput yi, an nonggop ee'nabikit nduk wagan o? An koorigin lek o, yinuk, Ala endage kumbunuk, yo'niru o,” yoreegerak.

Lukat 1:35

Yoge mbareegi, malayikat nogo nen, “Aberiniki koba wambi wage kagak, at Tiyanak Lombok Menggerak omaawi nobakkabi wage mbaremenggi, kabila aret age logomenggendik, at mondok kikak nakeelik Ala ake leenak ndaremenggendak nogo, aakumi nen, Yi Ala aput aret, yogo logogun o.

Lukat 22:70

Yorage mbareegi, it abok aret at yogo logonet, “Ndi, ti kenok, kat Ala aput ilik?” Yogo mbareegwa, at nen, “Kit yogotak ti aret o.”

Lukat 4:3

Mbi abu eereegerak wonage me, Ibilit nogo wage nagagerik, at yoge logonet, “Kat Ala aput aret keenok, yugum yi, mbi aruwak nduk, yoru nda!”

Lukat 4:41

Ndi, it aakumi apit kugi inikime unggwagagerak nogo kunduk, obeelom aganake logonet, “Wundi nanip o,” yinuk, kugi nogo yorage mbareegi, inoone kwa kunik yogo logonet, “Ala aput kat aret o,” yinuk, wundit nogogwaarak. Ala nen leenogo mippereegerak Keritut nogo ineenu me, inoone yogwe iigak kwe, at Yetut nen, “Kinoone ambi yuurak mondok lek o,” yinuk, mberiragagerak.

Lukat 4:9

Yoge mbareegi, Ibilit nen Yetut wonok o Yerutalem Ala awi wurik kirin paga lombok pi lagangge nagagerik, yoge logonet, “At Ala yonggo nappiya wage menggerak malayikat nogo, Karum logowak nduk, wone lengganogo yoramenggerak wogo logomenggaarik, Yugum paga kowak kalok yi wangge keyo, Ineenggi ndoonak paga enaani wambi namunggun o, yinuk, Ala yereegerak liiru mbanak wonage me, kat Ala aput abet aret keenok, yime nen wu'mbo wambu nda!”

Yaya 1:34

an aret nenegen kage nagarik, Yi Ala aput aret o, yinuk, paganogo yokkiragi o,” yoragagerak.

Yaya 1:49

Yoge mbareegi, at Natanayen nen, “Ngguru wae. Ala aput aakumi Iterali inowe endagembogut kat aret keegi o.”

Yaya 20:31

Eeke nagagerak liiru mbanak yi nogo ti, Yetut ti, Ala nen at aput leenogo mippereegerak Keritut aret kit abet mbakwi, ndi, abet mbakwi kiinok, at eekkinabemenggerak paga kineenik mondok mendek kologwe, eeko logomunggup nduk, wone yi liiru mbaneegirak o.

Yaya 9:35

Mugogo wumbereegwaarak Yetut aruk konengge nagagerik, ti'nuk, peebi imbirak lambumbunuk, at yoge logonet, “Wulaga! At aap aret nda'nagagerak nogo kiniki oba panggombunuk, abet mbake agandik ilik, lek a?”

Nappiigak 9:20

ti'nuk, “Yetut ti, Ala aput aret o,” yinuk, it aap Yakuri tamban eeko menggam lombok wone nogo yoranet nege nagagerak.

2 Korindut 1:19

An togon, Tilat togon, Timotiyut togon, nit kinenggela'me logonet, Ala aput Yetut Keritut eeke nagagerak wone yokkirogo nogogurak nogo ti, at nen, “Eerikit,” mbake logonet, “Neebi,” ari, ndi, “Neebi,” mbake logonet, “Eerikit,” ari, togop ari logolik o. Abet aret, “Eerikit,” mba'nuk, ari menggerak nogo ndak-ndak, nit kunduk abet aret, “Woroorak,” mba'nuk, yokkirogogurak o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

1 Tetalonika 3:5

Togop me, an ambinom puk logorak abu meek ee'nake mbareegi, at niniki nggagangge menggerak nogo nen kit kiniki nggaganiyak kagak nit aanom warogo wone yokkirogo nogogurak kero, niniki piirik logonet, kit kiniki abet mbakwi nogo nonggop wonogwe an neenu arikit nduk, aap Timotiyut kinake nappi wagagirak nogo o.

Iberani 12:16

Kit ambi kumi ugun-ugun eeginabit nugwi, ndi, aap Etawu nogo nen Ala wone taganogo punuk, maluk eereegi kwak eerit nugwi, eekwi kiyo, liippogo logonip o. At Etawu nogo nen manggu ndarak kenok ineebe obeelom logowak nduk, awoneninu kiligirogo menggaarak nogo, “Nawuluk kat kilikkiruwak nduk, onggo mbi larak ti, an wo'niru o,” yoge mbareegi, wogoreegerak nogo ne ambit aret nengge nagagerik,

Iberani 4:14

Nit Ala unde ninowe nggwok Ala aput Yetut nogo, mbogut ta'mban-mban aago kagak irimbaga agi lombok tiyarogon kwi'nari lagangge nagagerik, yogondak ninake eeke wonage me, nit wone abet mba'nuk waganeegurak yogo monggoorak nogo, mondok nggirik-nggerok agago porogo logowok o.

Iberani 7:3

At aap Meliketerek nogo ti, agalo-ogoba inom, ndarak alom inom, ne nda'nagagerak inom, ne kambeegerak inom, mbininogo liiru mbanak lek ti paga at Ala aput kwak Ala unde mondok-mondok itok menggerak kogo o.

1 Yaya 3:8

At Tile o maan iyaalok nen maluk eerit wundi wage menggerak me, aap ambi maluk mban eeke menggerak kenok, at Tile aput aret menggerak. Ndi, at Ala aput wambi wagagerak nogo ti, at Tile nen yi eekak ndi eekak eeke menggerak nogo abok aret, mondok lek eerogo pikit nduk, wambi wagagerak.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.