Matiyut 3:7 - Ala Wone Peenok Peebi Mbanak

⁷ Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Matiyut 3:7 Iomraidhean Croise

Wakkagagerak 3:15

Ndi, kat waalo yi, kwe yi kimbirak ogoorak wonogwe, ndi, kit kimbirak ndaganabumonggotak kunduk ogoorak mban wonogwe, eeko logomunggup nduk, an Naliku Ala nen aret piyanogo pinagagi o. At kwe yi ndaremenggerak nogo nen kat kanobak aambelenogo pagage, ndi, kat nen at ndaremenggerak nogo iyok unggut keyak mbangge, eeko logomunggup o,” yoreegerak.

Kini Wuppiige 28:4

It aap wone yugu mbo pugwi nogo nen it aap maluk mendek tiyappiigo menggaarak kwe, It aap wone yugu liirogon porogo wonogwe nogo nen aap maluk mendek inoone lek eerogo piigo menggaarak.

Yetaya 59:5

Waalo aakumi inooka ako pege nagaatik, tubungge menggi kwak, Laa'nggi awi wuke menggi kwak, Kit maluk eeriyak mban kiniki koonggwi ti, togop aret me, Kiniki koonggwi ako pugu kwak ti, aakumi nunggwi iinok, aret kanggwi, Ndi, ako ambi tubungge kenok, waalo aakumi inooka aret wundi wage kogwe, Eeko menggaarak.

Yeremiya 51:6

“Togop me, Naliku an ALA nen it aakumi o Mbaben eekwi onggo aaninggin inoba piyoorak koonogo pereegirak eyom ari wagaarak me, At maluk eeke nagagerak onggo oba pege logonet, it an napuri inom nggelenogo piyookwak, It aakumi Mbaben wonogwe inenggela'me nen mbaganggwi, Inili eekko'nok kole mbaganggwi, Eeko logowak o.

Yeremiya 6:10

“Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Matiyut 12:24

Yogwe nogo ti aap Pariti mendek nen inaruk konenggo nogogwaarik, “Ia! Aap yi, kugi iyagalo Mbeletebut nogo nen yoreegerak paga mban kugi nggiginogo wumbiige menggerak kogo o,” yinuk,

Matiyut 12:34

Waalo aakumi inooka kuwak eerak pogom kit aret o. Ninikime uum kilu-kilu wungge logonet, ninambe paga yogo monggoorak me, kit abu maluk logonet, kinoone paga nonggop togon wone obeelom yuurak? Meek o.

Matiyut 15:12

Yorage mbareegi, at oone waganggwi nogo, wogo nogogwaarik, at yogo logonet, “Wone yoragandak nogo ti, it aap Pariti inaruk konembunuk, ineebi kombakwi iigendak a, lek a?”

Matiyut 16:1

Wage mbareegi, it aap Pariti mendek inom, aap Taruki mendek inom, Yetut ka nogo nogogwaarik, abut mbanuwok nduk yogo logonet, “Nineenu ariyak mbogut paga mendek ambi eeke keyaawi o.”

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

Matiyut 22:15

Ti'nuk, it aap Pariti mendek nen Yetut oone ambi yemenggerak paga yilunogo punuk, waruwok nduk, it mban-mban wone mbani nogogwaarak.

Matiyut 22:23

It aap Pariti nogo Yetut teppunuk, mbaganggo mbareegwa, “Aakumi kanggwi ineenik a'nuk, mi'narugun lek o,” yogo menggaarak aap Taruki ando nen ne ti eyom paga Yetut eegwa'me waawok nduk owagam wogo nogogwaarik, at yogo logonet,

Matiyut 22:34

It aap Pariti mendek nen Yetut aap Taruki inoone taganeegerak inaruk konenggo nogogwaarik, kuwak eeppunuk,

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

Matiyut 5:20

It Ala wone liiru mbanak unde inom, aap Pariti mendek inom, obeelom eeko menggaarak ti, kit togop ndak-ndak mban eekwi kiinok, at mbogut paga mendek abu'me piige menggim unggwi namunggup lek o. Ata, it mbuuluk negen eeko menggaarak kagak, kit nggwok togon eekwi kiinok perak, unggwi noorak op aret yokkiragi o,” yoragagerak.

Marakut 12:13

Teppunuk, nogo nogogwaarik, it Pariti mendek ando inom, it Keroriyan mendek ando inom, nen at oone ninggin yemenggerak paga yilinogo oba puwok nduk nappiya wogogwaarak.

Marakut 12:18

Ti'nuk, “Aakumi kanggwi ineenik a'nuk mi'narugun lek,” yogo menggaarak it Taruki mendek nogo nen at owagam wogo nogogwaarik, yogo logonet,

Marakut 8:15

Yetut nen, “It aap Pariti mendek inom, at Keroret inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.

Lukat 16:14

Yorage mbareegi, it aap Pariti nen Yetut wone yoragagerak nogo konenggo nogogwaarik, wu inikilom me, Yetut meek agago pereegwaarak.

Lukat 18:11

Imbirak Ala awi wurik me unggwi nogo nogogwaarik, aap Pariti nogo nen mi'na'nuk, tamban eekkolage logonet, Ai, nogoba Ala! It aakumi yogoot wagangga inom, maluk eeka inom, mbabi eeka inom, ndi, aap o unde inake wu kuwak eeka yi nogo inom, an togop kwak lek me, wa yokkege agarik o.

Lukat 7:30

Togop kwe, it aap Pariti mendek inom, Ala wone liiru mbanak unde inom, nogo perak, Yaya nen it yiime wuppiiyoolik me, Ala nen it eeko logorak inombareegerak wone nogo mbo pereegwaarak.

Yaya 1:24

It nappiyareegwaarak nogo ti, aap Pariti mendek inom aret nappiyareegwaarak.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Yaya 9:40

Yoragagerak nogo it Pariti mendek inom wonogogwaarak nogo, inaruk konenggo nogogwaarik, “A puk! Nit kunduk, ninigen mbuk ninombakendak ya?”

Nappiigak 15:5

Mbininogo yorogogwaarak kwe, it Pariti mendek wone abet mbareegwaarak ando nogo nen mi'nogo nogogwaarik, “Lek o. It endekem mendek kunduk, inagabolo mbanogo punuk, Ala wone yugu Muta liiru mbaneegerak nogo eeko logowak nduk yoroorak aret o,” yinuk, yorogogwaarak.

Nappiigak 20:31

Togop me, kiniki tum wakkologo logonip o. O liingge nen, oonikiya nen, puk aga'lek kinale ari logonet, kinalitak lombok kurumbi yokkirage neegak, tahun kenagan eereegirak nogo abeko logonip o.

Nappiigak 26:5

Nit Yakuri wone yugu woppunuk eeko monggoorak ti, it ando inoone omaawi agan nugu menggaarak Pariti mendek nogo, an togon it ninom agan nege nagagirak nogo, o maan nen ineenu me, paganogo yokkiroorak mbakaarak kenok ti, yokkiraawak o.

Nappiigak 5:17

Ti'nuk, it Ala unde inowe nggwok awuri aap Taruki mendek abok inom nen, “Nit togop eeko logowok lak, it mban eekwi yi, nineebi a!” yinuk,

Oroma 1:18

It aakumi maluk eeka nen Ala wone ineebi mba'nuk, maluk mban eerit nogo logonet, Ala ndogop menggerak wone aakumi waganggwi iyo nduk, non mbambiigo menggaarak me, Ala agi mbogut paga nen anini wuppi wagaatak kin age paga nineenu age menggerak.

Oroma 5:9

Ndi, yogondak at amiya paga Ala nen, “Aap yi, oba lek o,” yinuk, obeelom agago pinaneegerak me, “Peebi Ala nen ninagap ndarigin lek, anini eeppinanigin o,” yinuk, yogo ogotik? Mondok lek o. Ninagap ndarigin aret mbako logowok o.

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.

Iberani 6:18

At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, at pilit puguniyak abu meek me, wone yugu alom mbere, lek eerogo puurak lek mendek aret yoreegerak. Ti yoreegerak paga at Ala nen, “An alik eeriyak niniki koombunuk, yokkiraagin lek o,” yinuk, nit ninagap ndarak mendek, “Wo'niraagin,” yo'niragagerak niniki lunik mugurok nogo monggoorak nogo nen abet mba'nuk, mugurok nogo logowok nduk, abok yoreegerak me, nit mondok mugurok nogo logowok o.

1 Yaya 3:10

Ala apuri inom, Tile apuri inom, nano paga nineenu ariyak nogo yi aret. It aakumi obeelom eeka'lek maluk mban eekwi, inowe-inawot iniki kunik eekwi lek ineebi mbakwi, eekwi iinok ti, Ala apuri lek aret yelok iigo monggoorak.