Matiyut 3:6 - Ala Wone Peenok Peebi Mbanak

⁶ inomaluk paganggwi iinok, at Yaya nen yi Yoraran inikime wuppiige nagagerak.

Matiyut 3:6 Iomraidhean Croise

Etara 10:1

At Etara nogo Ala awi wurik enaame taati ena wanduk yagak eeke logonet, tamban eeke, omaluk pagangge, le ari, eeke me, it Iterali mendek ambik lombok aago kumi-aap inom, wologwe-komologwe inom, at owagam kuwak ari wogo nogogwaarik, togop aret inoone nggwok paga leenggu maareegwaarak.

Ndawi 32:5

Togop aret ee'nakerak me Maluk eekirak nogo yokkege, Nomaluk kiraappunuk wonaga'lek kin paga pege, “An nen Kaliku ALA koone tagambunuk, Maluk eekirak nogo paganogo yokkirikit o,” Yinuk, paganogo yokkege, Eeke mbaki, Kat nen nomaluk lek eerogo panggendak o.

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Ndaniyen 9:4

Tamban eeke logonet, nogoba Aliku Ala yoge, nomaluk pagangge, eereegirak nogo yi aret. “Nogoba wae. Kat abu tiyanak kayuk warak aret o. It aakumi iniki kunik eekkakwi, koone yugu liirogon porogo logonet eekwi, eekwi iinok, inabuwa mbake logonet, kinom wone koonogo pege nogo mbeyok ariilik a'me nggelok mban eeppiige menggendak, kat Ala aret o.

Ala Unde 16:21

eenggi imbirak waganogo kambin eenik wonage nogo anobak paga lumbunuk, it aakumi Iterali mendek maluk eeko logomenggaarak inom, mage yugu kagak taganogo punuk eeko logomenggaarak inom, inake inomaluk abok aret paganogo kambin nogo oba pege logomenggerik, aap ambi leenogo pugu nogo nen kambin nogo teerogo karume time pi nawak nduk, wogoruwak o.

Ala Unde 26:40

Togop eeppiige logogin kwe, it inombomini inom nen an noone yugu taganogo nambokan laganggo logonet, At oone eeriyak nineebi o, yinuk, inogogumbuk wonogwe iinok, an togon nogogumbuk a'nuk, inom wim mbanak inenggela'me logowak nduk nappiyaminggirak nogo inomaluk ti, aap inagabolo mbanogo mbo nappogo mengga kwak, iniki wogoppakwi nogo mbo punuk, iniki tebeppakwi, ndi, Nit maluk eekoorak paga aret eeppinanege o, yinuk, inomaluk paganggwi, eekwi iinok,

Linggineegwaarak 5:7

ore maluk eeppemenggerak nogo enggaanom paganogo punuk, awi yakkage logonet, obaga lunogo ambinom seperlima aret aap maluk eeppemenggerak nogo wogoruwak o.

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Marakut 1:5

Yorage nogome wonage me, it yi aakumi ndi aakumi o Yureya nen, kota Yerutalem nen, abok aret at Yaya owagam nogo nogogwaarik, inomaluk paganggo mbareegwa, yi Yoraran paga niyome wuppiige nagagerak.

Lukat 1:16

At nen aakumi Iterali mendek apit aret yungguninuk inogoba Ala owagam ka woraawak nduk, eeppiige logogin o.

Lukat 3:16

at Yaya nen it apit yorage logonet, “An we yiime mban wuppinagage minggirak o. At ambi woraagin nogo perak, Aberiniki inom, kani inom, kinoba pinagi woraagin me, at nggwok aret o. An we mbuuluk me, at iyogogut nggerenak piiniyak meek o.

Nappiigak 11:16

ninogoba Yetut nen ari logonet, At Yaya yiime wuppiige nagagerak kwe, peebi an nen Aberiniki kinoba wuppi woraagin o, yereegerak wone nogo aret niniki abekirak o.

Nappiigak 19:18

It aakumi ambik abet mbareegwaarak nogo wogo nagaatik, “Nit togon maluk togop aret eeko nogoorak o,” yinuk, nggwok paga paganggo nogogwaarak.

Nappiigak 22:16

Ndi, yogondak komaluk nogo kogoba kookkabuwak nduk, mbet-mbet yoru o. Yiime wuppagawam, kiniki yungguppegak eerugun o, yinuk, yo'nereegerak o,” yoragagerak.

1 Korindut 10:2

Nit Keritut oone waganggwi mendek mbaruwak nduk, niyome wanggo monggo kwak, it Muta oone waganggwi mendek yelok iyaawak nduk, ndugwi nen nobaarogo piige, niyo mogonogo piige, eereegerak.

Kolote 2:12

Keritut kinom kunik logonet, kambunuk ndoome mambiigo menggam nen kinom kineenik agago mippinagareegerak nogo kwak, yiime wanggo nogogutik, lagi wogogutak nogo o. Kit kambunuk ndoome mambiigo menggam negen wonogwe me, Ala nen Keritut kambunuk nogo menggam nen at omaawi paga eenik agago mippereegerak me, “At omaawi ti paga at ninom nineenik agago mippinanigin kogo o,” yinuk, abet mbareegutak paga kineenik agago mippinagareegerak wonogo ogotik o.

Iberani 9:10

It yi mendek ndi mendek Ala wogori wogo nogogwaarak nogo ti, ineebe op logowok nduk, “Mbi inom, niyo inom, ndogop eerogo punuk nunggwi, kinabin ndogop eerogo kookwi, eeko logonip o,” yinuk, wone yugu kagak alik eeko nagaatik, onggo pi wagak eeko nogogwaarak me, peebi wone ngget mendek kin ari wage kenok, lek eerogo puwak nduk, eeko nogogwaarak kwe,

Yakobut 5:16

Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.

Yotuwa 7:19

Oba age mbareegi, at Yotuwa nen at Akan nogo yoge logonet, “Kat eekendak nogo kumaapporogo logorak ti abu mage o. Ata, at Aliku Iterali inogoba Ala enggaanom paga ayuk wuke logonet, kat eekendak nogo paganogo yo'niru o, naput.”

1 Peterut 3:21

Ndi, it ineebe 8 niyo ndonggoninake kero, niyo nen wogoren laganeegerak paga inagap ndareegerak nogo ndak-ndak, nit yogondak niyome wuppinanugwi paga ninagap ndake ti, we ninagabolo mili kenok, koo'ninabuwak nduk, eekwi lek o. Ata, nit nen Ala yogo logonet, “An pilit lek, abet aret yiluk-maluk mbo pigirak me, kat kabu'me logokit o,” yinuk, Ala enggaanom paganggwi niinok, niyome aret wuppinanugwi, ndi, at Yetut Keritut eenik eerogo mippereegerak paga ninagap ndake menggerak ndak-ndak, niyome nen pilanogo mippinanugwi, eeko menggaarak o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.