Matiyut 3:4 - Ala Wone Peenok Peebi Mbanak

⁴ At Yaya nogo, ayum ti, unta eeruwak paga ogobakkigirogo yikkolage, ndi, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Matiyut 3:4 Iomraidhean Croise

2 Endagembogut 1:8

Yorage mbareegi, it nen, “At aap ti, ayum amoori warak mendek yirik. Ndi, aa'ndok keele ti, tapi agabolo mendek yirik kogoorak o.” Yogo mbareegwa, aap endagembogut nogo nen, “Ti aap Titebe mendek Eliya nen aret yokkiragaarak kagi o,” yoragagerak.

Yetaya 20:2

tahun ti paga, aap Amot aput Yetaya nen aakumi yorage logowak nduk, Aliku ALA nen at yoge logonet, “Kayum maluk mendek keebe paga yirik ti inom, kiyok ogut inom, nggoorogo pu o.” Yoge mbareegi, at yoreegerak nogo ndak-ndak aret ayum inom, iyogogut inom, nggoorogo punuk, we aret nege nagagerak.

Ala Unde 11:22

wurin inom, taabiya inom, yibila inom, nogo ti, it nonggo logorak op aret kwe,

Takariya 13:4

Ne ti paga it aap, Nabinggaanggo ndogop kagarak o, yinuk, yorogo nogogwaarak abok aret inenggali arugun me, it aap Ala nen yorage kagak yoraga inayum nggorek unta eeruwak paga penggaarak yiko nogogwaarak nogo, pilit kagak abet mbaruwak nduk, yiko nogogwaarak me, it ambinom yikkologo logogun lek aret o.

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 11:18

At Yaya nogo nen mbi inom, anggur amburu inom, nenggeelik wagagerak me, kit nen, Kugi inikime unggwegerak o, yinuk, yogo monggotak.

Matiyut 11:8

Nano mendek kaawok nduk nogotak? Aap ambi yum kigirikwe yirik kaawok nduk, nogotak ya? Wologwe! Yum kigirikwe mban yikwi ti, aap inendagembogut iname time mban yiko menggaarak o.

Marakut 1:6

At Yaya nogo unta eeruwak wiirogo ayum ogobakkigirogo yikkolage, agabolo poorogo agabee'le yikkolage, eeppunuk logonet, at ambi ti, yibila inom, nggiin amburu inom, nengge nagagerak.

Lukat 1:17

Aberiniki aap Eliya oba age nagagerik, omaawi paga eerit nege nagagerak nogo, at Yaya oba a'nuk, ninogoba Ala woroorak nduk eeke kagak, at aa'nduk eeppiinet nage logonet, inapuri-inogobamini inom lambuninake, it aakumi inogogumbuk menggaarak nogo, it aap iniki abe koonak nen iniki warak logonet, eerit nugwi it ndak-ndak eeko logowak nduk, eeppiige, ndi, ninowe Yetut awuri logowak nduk, ake pipuk eerogo piige, eerit nage logogin o,” yinuk, yoreegerak.

Pelaareegerak 32:13

Wogoren wage logonet, Puut-puut lagit nugu logowak nduk, unde wonogwe, Yi mendek ndi mendek yabume yarak anggen mbanogo nenet nogwe, Nggiin amburu yugum enoona nen toologo nunggwi, Eyo tayitun puut paga wundit namenggerak amburu tookkologwe,

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.