Matiyut 3:1 - Ala Wone Peenok Peebi Mbanak

¹ O ti eyom paga Yiime Wuppiiga Yaya nogo nen o Yureya karume aakumi lek me nage nagagerik, aakumi yorage logonet,

Matiyut 3:1 Iomraidhean Croise

1 Endagembogut 2:34

Yoge mbareegi, at Yoyara aput Mbenaya nogo, Yowap wonage me nage nagagerik, wooluwak paga polonogo wareegerak kambeegerak me, eebe at ame karume endekem time aret nggween taambi nogogwaarak.

Matiyut 11:11

At Yiime Wuppiiga Yaya endage warak lombok nda'nagagerak kokwak, it kumi inaagalogwe togop ti, ambi ndaganakulik kwe, at mbogut paga mendek abu'me piige menggim inendage lek abu tebenak wonogwe nogo ti, Yaya tiyanak kagak at irimbaga lombok aret logogun o, yinuk, abet aret yokkiragi o.

Matiyut 11:7

Yorage mbareegi, it nogo iniyok paga wogwe iigak, Yetut nen it aakumi kuwak aago nogo Yaya eeke abok yorage logonet, “Kit nano mendek kaawok nduk, karume aakumi lek me nogotak? Piinde nogo o wiya nen nage-wage eeke kaawok nduk, nogotak ya?

Matiyut 16:14

Yorage mbareegi, it nen at yogo logonet, “It ando nen, Yiime Wuppiiga Yaya aret, yogwe, it ando nen, Eliya aret, yogwe, ndi, it ando nen, At Yeremiya ilik, aap Ala nen yoge kagak yoraga mendek ambi a? yinuk, yogwe, eeko agaarik o.”

Matiyut 3:8

Kiniki koombunuk kinomaluk mbo pogotak kenok, eyo anggen obeelom mendek yi'nage menggi kwak, kit togop ndak-ndak aret eeko logonip o.

Marakut 1:15

“ Ala eeriyak kooneegerak nogo eyom abu panggo yegerak o. At abu'me pinagarak nogo panggo yi wagaarak me, kiniki koombunuk, kinomaluk mbo pogo logomonggotik, obeelom wone yokkirage yi, abet mbako logonip o,” yinuk, yoranet nege nagagerak.

Marakut 1:2

At Ala yorage kagak yoraga Yetaya nen yorage logonet, “Kat noorak tu yaruwak nduk, An nen yonggo aa'nduk nappege neyaamunggun o.

Lukat 1:76

Ndi, naput kat yi perak, ninogoba eerit nage logorak tu yarit nage logonok nduk, kaa'nduk nage logonet, aakumi inomaluk lek eerogo piige kenok, inagap ndariyak wone nogo, ineenu aruwak nduk, yoranet namenggendak paga kendage, At Tiyanak Lombok Menggerak Oone Yoraga yi aret o, yinuk, yokkogo logogun o.

Lukat 7:24

Yorage mbareegi, it Yaya yonggo nappiyareegerak nogo iname wogwe iigak, Yetut nen Yaya eeke abok aakumi yorage logonet, “Kit nano mendek kaawok nduk, karume aakumi lek me nogotak? Piinde nogo o wiya nen nage-wage eeke kaawok nduk, nogotak ya?

Yotuwa 14:10

Togop aret me, at Aliku ALA nen Muta wone ti yoge mbareegi, yo'nereegerak kagak, aakumi Iterali o karume nugu nogogwaarik, yime ari wogogwaarak kuli ti, tahun 45 aret agagerak me, at Aliku ALA nen wone koonogo pereegerak nogo ndak-ndak, an unde wo'nake kagak tahun 45 aret agagerak o. Togop aret me, an ndarak neegak yogondak tahun 85 aret agaarak wonage yi o.

Owak Loongga 1:16

Aap Keni mendek Muta aru endage Kobap ombowologwe wiganak nogo, it Yekura mendek inom o Nggabunggaame nen it aakumi Yekura inanggween mbanak me karu nabunogo pereegim o ame pa'nggwe o Arat koorok wonogwe time inom logowok nduk, nogogwaarak.