Matiyut 26:4 - Ala Wone Peenok Peebi Mbanak

⁴ at Yetut kote aret pippunuk, waruwok nduk, inom wone mbanggo logonet,

Matiyut 26:4 Iomraidhean Croise

Wakkagagerak 3:1

Ndi, at Aliku Ala nen yi mendek ndi mendek inigen mbolok kwi endekem nugu menggaarak ogobakkigireegerak nogo obeelom wonogwe iigak kwe, at waalo oone amburu ndik-ndik ari menggerak nogo nen kwe nogo yori wage logonet, “At Ala nen eyoonggen-kalenggen yabume yime yarak abok aret mbanogo noorak mage o, yokkiragaarak nogo abet ilik, lek a?”

Ndawi 2:2

At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Kini Wuppiige 24:15

Aap maluk mendek nen aap iniki abe koonak ame ungguurak enaake menggi kwak, At wonage menggim minogo punuk, amindik-amendek kabekko'nok wungge menggi kwak, Eeriyak mage o.

Matiyut 12:14

Obeelom age mbareegi, it Pariti mendek nogo nen wundi nogo nogogwaarik, “Nonggop eerogo waruwok o?” yinuk, wone mbaneegwaarak.

Matiyut 23:33

Kit waalo muuru nogo mendek awi wiganak yi, Ala nen owak loonogo kani omoonuk wunuk mban ari menggim time nappinagage kenok, nonggop togon kole mbaganumunggup o? Abu meek aret o.

Marakut 14:1

Laago Obaga Mbo Nagagerak inom, laago Roti Piika'lek Mendek inom, lariyak eyom nogo mbere yinuk, laruwok nduk eekwi me, it Ala unde inoweewi inom, it Ala wone liiru mbanak unde inom, “At Yetut nonggop togon kote pippunuk warumun o?” yinuk, abok mbanggo logonet,

Yaya 11:53

Yoragagerak ne ti eyom paga nen Yetut mondok wariyak nduk, iniki ambit eeppunuk wone mbaneegwaarak.

Nappiigak 13:10

“Kat Ibilit aput yi, maluk eeke logonet, obeelom eeriyak keebi mbake menggendak kat aret o. Pilit pugungga iyagalo kat aret me, aakumi inambokan laganikit nduk, yi wone ndi wone ugun pugunogo yorenet nage menggendak. Ala oone abet mban ari menggerak nogo abut lagangge logokit, mbake menggendak nogo, puk arikit mbaka'lek nonggop nduk, ari mban menggendak?

Nappiigak 7:19

Mi'nage nagagerik, ninombomini inambokan lagangge logonet, ale-pale eeginake, Elege nda'nogwe iinok, kambuwak nduk, endekem mbo piigak eeko logonu o, yinuk, yorage, eeke nagagerak.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.