Matiyut 26:2 - Ala Wone Peenok Peebi Mbanak

² “Nogo mbere yippunuk, laago Obaga Mbo Nagagerak lariyak kineenu me, lakwi eyom paga an aap aret nda'nagagirak yi, eyo karo-karo paga nabembanuwak nduk, neebe pigogo aakumi wogoraagin o,” yinuk, yoragagerak.

Matiyut 26:2 Iomraidhean Croise

Wundeegwaarak 34:25

An nowagam wogo logonet, nake warogo wo'nugwi amiya inom, yi mendek ndi mendek ragi punuk worarak inom, wo'niri woroorak mage o. Ndi, nake warogo laago endage Obagambo Nagagirak nogo lako logonet, eegu wonage kagak ko'lu o weeriyak mage o.

Matiyut 10:4

“Ninalik aruwok,” yaga mendek ambi endage Timon, ndi, Yetut onggo mbaneegerak Yurat Ikariyot nogo imbirak nappiige, eereegerak.

Matiyut 17:22

O Nggalileya time kuwak eeko nogogwaarik, Yetut nen at oone waganggwi nogo yorage logonet, “An aap aret nda'nagagirak yi, it aakumi nen nooruwak nduk, an neebe pigogo wogorage kenok,

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

Lukat 22:15

Kwi'nogo nogogwaarik, Yetut nen it yorage logonet, “An noba aaninggin-paaninggin eeppanega'lek kagak, laago Obaga Mbo Nagagerak larak yi, ninom nawok lak ao, lombok mbake minggirak o.

Yaya 11:55

Wonage me, it Yakuri laago Obaga Mbo Nagagerak lariyak eyom panggoni wage mbareegi, laka'lek iigak, it aakumi inabin kooppunuk, ugun nawok nduk, iname lombok nen o Yerutalem wogogwaarak.

Yaya 12:1

Nogo 5 yippunuk, laago Obaga Mbo Nagagerak lariyak eyom panggoni wage kagak, at Yetut o Mbetaniya aap Latarut kambeegerak eenik agago mippereegerak wonage me nagagerak.

Yaya 18:2

Yetut at oone waganggwi mendek inom eyo tayitun yarak me nogome kulinik aret nogo nogogwaarak me, at Yetut onggo mbanigin Yurat nogo kunduk, eyo yarak me time eenu wonagagerak.

Yaya 18:32

Wone yoreegwaarak nogo ti, Yetut nen, “An nonggop eerogo nookwi iinok, kambigin,” yoragagerak nogo, a'me lik yuwak nduk, yoreegwaarak.

Yaya 2:13

Nogome wonogwe me, it aap Yakuri laago Obaga Mbo Nagagerak lariyak eyom panggoni wage mbareegi, at Yetut o Yerutalem wambi wagagerak.