Matiyut 24:2 - Ala Wone Peenok Peebi Mbanak

² at Yetut nen it yorage logonet, “O yayi wurik wonage abok aret kinigen kogwe ilik lek a? Yugum ambi oba lu'luk aago logorak lek o. Abu tigitogon langgunogo nappugun o, yinuk, abet aret yokkiragi o,” yoragagerak.

Matiyut 24:2 Iomraidhean Croise

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.

Yeremiya 26:18

“At Kitikiya it Yekura inowe endagembogut wonage eyom paga aap o Moreteyet mendek endage Mika nogo nen it Yekura mendek abok aret wone yorage logonet, At Omaawi Lombok Menggerak Aliku ALA nen yegerak nogo yi aret. O Tiyon ti, yabu waganggo mengga kwak eerogo pege, O kota Yerutalem ti, yigirik-noonom eerak logonak logowak nduk, eerogo pege, Ndi, puut paga nawi wurik wonage nogo eyoongga tibinik-wandinik eerogo pege, Eerigin, yegerak o, yinuk, yoragagerak.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

2 Peterut 3:11

Yi mendek ndi mendek abok togop aret lek arigin me, nit ninobaabut nonggop logonet eerit nogo logowok mbakop? Lek o. Ninowe wage eyom paga mbogut kani nanet nage, ndi, tut-laaluguragan kani eyak mondok aganggen alik nen amburu tigi-tigi wungge logonet, lek eerogo pege, eerigin me, “Ninowe mbet-mbet woraawak o,” yinuk, tokkogo logonet, nineebe apit Ala ake leenogo punuk, maluk eeka'lek ninobaabut mondok obeelom logonet ninowe mugurok nogo logowok o.

Wayu 21:22

at Omaawi Lombok Menggerak ninogoba Ala inom, at Ndomba Aagaluk inom, Ala awi wurik negen ineebe inenggela'me inom aret wonogwe me, it aakumi Ala ninom wonage mbaruwak nduk, awi wurik nogo lek aret kagarak.