Matiyut 21:3 - Ala Wone Peenok Peebi Mbanak

³ Ndi, aap ambi nen, Kit nonggop nduk eeko ogotik? yokkirage kenok, kit nen yogo logonet, Ninogoba keledai lek me, Wa nanip o, yo'nirage mbaki, wa wogo o, yogwi kiinok, at nen, Ti kenok, mbet-mbet wonok nanip o, yokkirage kenok, wonok woraamunggup o,” yinuk, eerogo nappiyareegerak.

Matiyut 21:3 Iomraidhean Croise

1 Endagembogut 17:9

“Kwe togwe ambi o Tiron yaga'lelo Tarabat mendek nen kambi wokkege logowak nduk, an nen yogirak me, time logonok nduk, o yogondak time nak o.”

Etara 1:1

Aap Koret it aakumi Peritiya mendek inowe endagembogut a'nuk, tahun aa'nduk eerak paga, at Aliku ALA nen at yoge kagak yoraga Yeremiya yoge kagak yoragagerak nogo, a'me nggelok yuwak nduk, aap Peritiya mendek endagembogut Koret nogo nen at wone lengganogo yorage menggim yorage, liiru mbanogo nappit nage, eeke logowak nduk, Aliku ALA nen inikime manabeegerak nogo yi aret.

Etara 1:5

Nappit nage mbareegi, pekkogo nogogwaarik, it Yekura mendek ndarak ndegek inoweewi inom, Mbeniyamin mendek ndarak ndegek inoweewi inom, aap Ala unde inom, it aap Lewi mendek inom, Aliku ALA awi o Yerutalem wuriyak at Ala nen inalitak lombok inikime eeginabeegerak nogo woraawok nduk, pippuk eereegwaarak.

Etara 7:27

Ndi, liiru an Etara nake mbaneegerak nogo woppunuk, pekkage nagarik, “Ala wa,” yinuk, yoge logonet, “Kaliku ALA kawi wurik o Yerutalem wonage nogo obeelom eerogo puwak nduk, aap endagembogut inikime mambege, ndi, kat an nabuwa mba'nuk aap endagembogut inom, inom wone koongga inom, inom eeko menggaarak inendage warak nagawan-nagawan inom, abok aret yeenggwa niruwak nduk, eeppiige, eekendak me, Kaliku ninombomini inogoba Ala kendage tiyappagage agarik o.” Ari nagarik, at Aliku nogoba Ala eenggi nggorek paga nobappanogo wonagagerak me, nogogumbuk a'nuk, aakumi Iterali inenggela'me nen inoweewi ninom woraakit nduk, kuwak eeppiinok, ninom wogogurak ti aret.

Ndawi 24:1

At Aliku ALA nen Niyo yenggenak abena kagak, Nggween ogumbaga ndoonogo pege, Niyo nage irimbaga nu'lek eerogo pege, Eereegerak me, Nggween inom, yi mendek ndi mendek nggween paga wonage abok aret inom, Aliku ALA unde wonage. O nggween yi inom, yi aakumi ndi aakumi nggween paga wonogwe abok aret inom, At mban unde wonage, Eeke menggerak o.

Matiyut 21:2

“O yaga'lelo irukuna time nanip o. O time awo mbo unggwi nanuk, keledai keeleluwi mbarenak aagaluk imbirak wonogwe iigo logomonggotik, piinogo wogoret niri wa'nu o.

Matiyut 21:4

Ti eerogo nappiyareegerak nogo ti, at Ala nen yoge kagak yoraga nogo nen ari logonet, “Kinowe endagembogut keledai amborowak paga kwi'ndak kinowagam wage o. At iniki yanggonak logonet, yokkirage menggerak nogo, Keledai aagaluk amborowak paga kwi'na'nuk, wage ti kaanip o, yinuk, O Tiyon aagalogwe nogo yoraanip o,” yinuk, yoragagerak nogo a'me lik yuwak nduk, eerogo nappiyareegerak.

Yaya 17:2

An kaput, yi aakumi ndi aakumi abok tigitogon unde logonet, aakumi wo'nereegindak nogo mondok-mondok ineenik eeginabikit nduk, mippaneegindak o.

Yaya 3:35

Ogoba nen aput iniki kunik menggerak me, yi eekak ndi eekak apit aret at eeke logowak nduk, unde eeppereegerak.

Nappiigak 17:25

At nen mban yi aakumi ndi aakumi ineenik eeginake, ambe aagi wogorage, yi mendek ndi mendek wogorage, eeke menggerak me, at amendek lek kenok, aakumi inamendek ambi at wogoriyak abu lek o.

2 Korindut 8:16

Nit nen kinoba aberak me, yeenggwaagiroorak mbako monggoorak nogo kokwak, aap Titut togop aret yeenggwaagirage logowak nduk, Ala nen iniki koonggerak me, “Ala wa,” yoge minggirak.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

1 Tamuwen 10:26

Nappiige mbareegi, at Tawun kunduk, ame o Nggibeya nogome nage me, it aap wakaa'ngget inom nawak nduk Ala nen inikime eeppiyareegerak nogo, inom aret nogogwaarak.