Matiyut 2:4 - Ala Wone Peenok Peebi Mbanak

⁴ Wake mbareegi, at Keroret nogo nen it Yakuri mendek inogobamini Ala unde inoweewi inom, it Ala wone liiru mbanak unde inom, abok aret kuwak eeppiige nagagerik, “At Ala nen leenogo mippereegerak Mesias nogo, o nggeeme nda'narigin liiru mbanak kogo monggotak o?” yinuk,

Matiyut 2:4 Iomraidhean Croise

2 Mbinineegwaarak 34:13

yi mendek ndi mendek wa nagak eekwi nogo inarum logorak mippiigwi, it o wuka nen nano mendek eeriyak age kenok eekwi iigak, inarum logorak mippiigwi, ndi, it Lewi mendek ando liiru mbangga inom, wone koonogo piiga inom, tu unggwogo menggam arum waka inom, mippiigwi, eereegwaarak.

2 Mbinineegwaarak 34:15

Kwaakkage nagagerik, at Kilikiya nen aap endagembogut ake liiru mbangga Tapan nogo yoge logonet, “Aliku ALA nen eeko logorak yereegerak mbuku paga liiru mbanak at awi wurik me wonage me kwaakkagarak yi o,” yinuk, aap Tapan nogo wogoreegerak.

2 Mbinineegwaarak 36:14

It Ala unde inarum menggaarak inom, it aakumi inom, logonet-logonet it kunduk Ala mugurok noolik mbo punuk, yi aakumi ndi aakumi ogole warak mendek eerit nogwe nogo mugurok nogwe, Aliku ALA awi wurik o Yerutalem leenogo pereegim nogo maluk eerogo pugwi, eereegwaarak.

Etara 10:5

Yoge mbareegi, at Etara nogo mi'nage nagagerik, it aap Ala unde inengga warak inom, Lewi mendek inom, it Iterali abok aret inom, yoreegerak nogo ndak-ndak it eeko logorak kumbuk mbanuwak nduk, yorage mbareegi, “Eeko logowok o,” yinuk, kumbuk mbaneegwaarak.

Etara 7:6

At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.

Nekemiya 12:7

Talu, Amok, Kilikiya, Yeraya. It aap yi, aap Ala unde inowe Yetuwa wonage kagak, aap Ala unde inoweewi inoreewi inom wogogwaarak ti aret.

Ndawi 2:2

At Aliku ALA tebenogo pugwi, At Amburu Eerogo Mippereegerak nogo maluk eeppugwi, Eeruwok nduk, Aap inendagembogut yi o ndi o nen pipuk eekwi, Aakumi inoweewi nagawan-nagawan kuwak eeppunuk, Wone koonogo pugwi, Eekwi nogo ti, Nonggop nduk eeko agaarik o?

Yeremiya 8:8

It aap liiru mbangga nen eeko logorak wone Naliku ALA yoragagirak nogo liiru mbanggo logonet, Eebe yugu kagak alik pugunogo liiru mbaneegwaarak kagak waganeegwaarak me, Eeko logorak wone Aliku ALA nen yereegerak nit porogo wonogwe me, niniki warak aret o, Yinuk, yogwe ti, nonggop togon yogwe mbakop?

Maleyaki 2:7

It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,

Matiyut 13:52

Yogo mbareegwa, at Yetut nen, “Ti kenok, it Ala wone liiru mbanak unde abok aret at mbogut paga abu'me piyoorak wone nogo waganggwi iinok ti, aap inowe ambi nen awuri yabu eeko logowak nduk, amendek iniki kunik ngget mendek inom, maan mendek inom, pege menggim nen waganogo wumbege menggerak nogo pogom aret o,” yinuk, yoragagerak.

Matiyut 2:3

Yinuk, kin waganggo mbareegwa, aap endagembogut Keroret nogo, aruk konembunuk, agabiti nen aganak nugege mbareegi, it aakumi o Yerutalem menggaarak abok aret inom inaganak wareegerak.

Matiyut 2:5

kin wogiige mbareegi, it nen, “At aap Ala yoge kagak yoraga nogo nen ari logonet, It Yekura wonogo menggam tini Mbe'lekem kat yi wae. Kat paga nen aap wone unde ndomba ndegeninako mengga kwak An napuri aakumi Iterali mendek ndegeninake logowak nduk, ambi mi'narigin me, It aap Yekura inawi kota yo'nggok enggela'me kat yaga'lelo Mbe'lekem ti mbuuluk me, meek kombariyak lek o, yinuk, yereegerak liiru mbaneegerak ndak-ndak, at Keritut nogo o Yureya tini Mbe'lekem time aret nda'narigin mbako o,” yinuk, yoreegwaarak.

Matiyut 21:15

Obeelom eeginake mbareegi, it Ala unde inoweewi inom, it Ala wone liiru mbanak unde inom, nogo nen at Yetut yi iya tit, ndi iya tit, eeke inom, ndi, it wologwe mbuulogwe nen Ala awi wurik awoore'nggam time ina'mit yogo logonet, “Ndawut ombooluk Otana yuwok o,” yogwe wonogwe nogo inom, inigen iigo nogogwaarik, inanini agaket yogo logonet,

Matiyut 21:23

At Yetut nogo Ala awi wurik me unggwage nagagerik, aakumi mamunirage kagak, it Ala unde inoweewi inom, aakumi inoweewi inom, Yetut owagam wogo nogogwaarik, at yogo logonet, “Kat yi eekak ndi eekak eeke yi ti, ta oone paga eeke menggendak? Ta nen yokkereegerak paga eeke menggendak?”

Matiyut 26:3

Yorage kagak, it Ala unde inoweewi inom, aakumi inogobamini inom, aap Ala unde inowe nggwok endage Kayapat awoore'nggam time kuwak eeko nogogwaarik,

Matiyut 26:47

At Yetut awo yorage kagak, it Ala unde inoweewi inom, it aakumi inogobamini inom, nen aap ambi aago paloowi waganggwi, mbim mbanak waganggwi, ee'nuk, Yetut wa nawak nduk, nappiyareegwaarak nogo it aap 12 mendek yendennagagerak Yurat nogo inom aret nogogwaarak.

Matiyut 27:1

O weege mbareegi, it Ala unde inoweewi abok inom, it aakumi inogobamini inom, Yetut wari yak wone amburu mbambunuk,

Marakut 8:31

Inaruk wake nagagerik, wone yorage logonet, “An aap aret nda'nagagirak yi, mondok noba aaninggin-paaninggin agago panugun o. It aap inanggok inom, it Ala unde inoweewi inom, it Ala wone liiru mbanak unde inom, ineebi nen nooko mbaremengga, nogo mbere yippunuk, ko'lu neenik arigin o,” yinuk,

Lukat 20:19

It Ala wone liiru mbanak unde inom, it aap Ala unde inoweewi inom, nen, “Wone eegu laarogo yegerak ti, nit niinok yigi o,” yinuk, yelok kogo nogogwaarik, ne ti eyom lombok Yetut pigaawok nduk, eereegwaarak kwe, aakumi inagabiti nen puk ogogwaarak.

Lukat 23:10

Puk aret wonage mbareegi, it Ala unde inoweewi inom, it aap Ala wone liiru mbanak unde inom, ta logonet, inoone mondok maluk at oba pogo nogogwaarak.

Yaya 18:3

Eenu wonagagerak me, it aap Ala unde inoweewi inom, aap Pariti mendek inom, nogo nen aap yigin unde ambi aago inom, aap Ala awi wurik arum waka inom, nappiigo mbareegwa, yigin-wooluwak waganggwi, nggawi wa'na wuninik waganggwi, ndi wuninik waganggwi, eeko mbareegwa, Yurat nen wogoren eyo yarak me nogome aret nagagerak.

Yaya 3:10

Yoge mbareegi, at Yetut nen, “Kat aakumi Iterali mendek mamunirage menggendak aret kwe, an wone yokkege yi, liippega'lek agandik?

Yaya 7:32

Aakumi kuwak aago nen yagap wone paga Yetut abok mbanggwi it Pariti mendek konenggo nogogwaarik, it inom, it aap Ala unde inoweewi inom, nen Yetut pigaawok nduk, inawuri Ala awi wurik arum waka nogo nappiyareegwaarak.

Yaya 8:3

Mamunirage wonage me, it aap Ala wone liiru mbanak unde inom, it Pariti mendek inom, nen kwe ambi mbabi eeke me kwaakkogogwaarak nogo, wonok Yetut owagam wogo nogogwaarik, kwe nogo oolo punuk,

Nappiigak 23:9

Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.

Nappiigak 4:5

Nogo yippunuk, ko'lu it Yakuri inoweewi inom, inanggok inom, it Ala wone liiru mbanak unde inom, at Ala unde inowe nggwok Kanat inom, Kayapat inom, Yaya inom, Alekandet inom, Ala unde inowe nggwok nogo owe-awot ando inom, abok aret o Yerutalem kuwak eeppunuk,

Nappiigak 6:12

Wogorogo mbareegwa, wone ti, agan it aakumi inom, inanggok inom, Ala wone liiru mbanak unde inom, inikime manabi wogo mbareegwa, inanini nen aap Tepanut nogo piganok, aap wone amburu mbangga inowagam pi nogogwaarak.