Matiyut 2:2 - Ala Wone Peenok Peebi Mbanak

² “Aap Yakuri inowe endagembogut nda'nagaarak nogo eebe ngge o? Oonegen lagi wage menggim nen at elaaluguragan wunggerak ninigen kogo nogoorik, ayuk wurogo alut eeruwok nduk wogo o.”

Matiyut 2:2 Iomraidhean Croise

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Yetaya 60:3

Yi aakumi ndi aakumi abok aret pelen-pelen ka wogwe, At eya abinak lan agan lagangge kenok, yi aap ndi aap inendagembogut owagam wogwe, Eeko logogun o.

Yeremiya 23:5

Aliku ALA nen ari logonet, “Agarip kwak Ndawut paga iniki abe koonak nda'naruwak nduk, kin eeppuurak eyom panggoni wage agaarik o. Wage logomenggerik, at endagembogut a'nuk, iniki warak logonet, wone lengganogo yorage, O yime obeelom mban eeppiinet nage, A'me nggelok liirogon mban eeppiige, Eeke logogin o.

Yeremiya 30:9

Ata, Naliku inogoba Ala an inom, at Ndawut mippiminggirak inowe endagembogut inom, Nit mban ninayeloman logonet, eeko logogun,” yegerak o.

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.

Linggineegwaarak 24:17

At eebe kage kwe, yogondak lek o. Eebe liippege kwe, nda lombok wonage o. Yakup ombowologwe wiganak inenggela'me nen ndowan ambi wundi wage, Iterali inenggela'me nen ineenu agak muun mbanak ambi kin age, Eeke logomenggerik, Aakumi Mowap inoweewi inenggaawak yigirogo piige, Aap Tet ombowologwe abok aret inanobak aan lebenogo piige, Eerit nage logonet,

Matiyut 2:3

Yinuk, kin waganggo mbareegwa, aap endagembogut Keroret nogo, aruk konembunuk, agabiti nen aganak nugege mbareegi, it aakumi o Yerutalem menggaarak abok aret inom inaganak wareegerak.

Matiyut 27:11

At Yetut nogo aap o unde gubernur owagam mi'nari wage mbareegi, at gubernur nogo nen eegwa'me wagangge logonet, “Yakuri inowe kendagembogut kat aret ilik?” Yoge mbareegi, at Yetut nen, “Ti kat nen aret yagan o.”

Lukat 19:38

Keekok agan wogo logonet, “Ninogoba Ala nen ninowe endagembogut nappi wage yi, endage wogoppuwok o. It mbogut paga menggaarak nogo iniki tayenak logonet, inale'nggen mbakwi, Ndi, it mbogut irimbaga lombok menggaarak nogo Ala tiyappugwi, Eeko logowak o,” yinuk, agan wogogwaarak.

Lukat 2:11

kinagap ndaka ninogoba Keritut nogo Ndawut nda'nagagim amulok paga nogome kinake o yogondak aret nda'naga o.

Lukat 23:3

Yogo mbareegwa, at Pilatut nen Yetut yoge logonet, “Aap Yakuri inowe endagembogut kat aret ilik?” Yoge mbareegi, at Yetut nen, “Yagandak ti aret o.”

Lukat 23:38

Ndi, wone ambi, “Yakuri inowe endagembogut yi aret o,” yinuk, liiru mbanogo anobak irimbaga nabembereegwaarak.

Yaya 1:49

Yoge mbareegi, at Natanayen nen, “Ngguru wae. Ala aput aakumi Iterali inowe endagembogut kat aret keegi o.”

Yaya 12:13

eyo wono engga pendenogo wonok Yetut ka wunggo nogogwaarik, inom wogo logonet, “Otana o! Ninogoba Ala endage paga wage yi, wogoppuwak o. Nit aap Iterali ninowe endagembogut yi, wogoppuwok o,” yinuk, keekok agan wogogwaarak.

Yaya 18:37

Yoge mbareegi, at Pilatut nen, “Ti kenok, kat aap kendagembogut aret ilik?” Yoge mbareegi, at Yetut nen, “Kendagembogut yo'negendak ti, abet aret yo'negen o. An togop aret logokit nduk nda'nagagirak. Ndi, Ala ndogop menggerak wone paganogo yokkirage logokit nduk, o nggween paga yime wambi wagagirak nogo o! Ala ndogop menggerak, wone yorage nogo waganggwi iinok, Ala apuri aret me, an noone konenggo menggaarak o.”

Yaya 19:19

Piigo mbareegwa, at Pilatut nen, “Yetut Nataret mendek it aap Yakuri inowe endagembogut yi aret o,” yinuk, liiru mbanogo eyo karo-karo aago paga nabenogo puwak nduk yoragagerak.

Yaya 20:28

Yoge mbareegi, Tomat nen at yoge logonet, “Ai! An nogoba Ala kat aret keegi o.”

Yaya 5:23

Aakumi nen Ala tiyappogo mengga kwak, aput an kunduk ndak-ndak tiyappanugo logowak nduk, mippaneegerak. It aap nen Ala aput an tiyappanugwi lek iinok ti, at nappani wagagerak an nogoba nogo tiyappugwi lek o, yinuk, mondok abet aret yokkiragi o.”

Yaya 9:38

Yoge mbareegi, aap nogo nen, “Ai, nogoba o. Niniki koba panggombunuk, abet kombake agarik o,” yinuk, ayuk wureegerak.

Iberani 1:6

Ata, Ala nen at aput ambolom ndarak nogo, o nggween paga yime wuppi woraakit nduk, eeke logonet, “Kit an nayonggo nugu monggotak malayikat abok aret at mban alut eeko logonip o,” yinuk, yorage,

Wayu 22:16

Kit an napuri yi awi ndi awi kuwak eerit nogo monggotak nogo, peebi eeriyak wone yi, paganogo yokkira woraawak nduk, nayonggo nege menggerak malayikat ambi nappi wagarak nogo ti, an Yetut nen aret o. O weerikit nduk eeke kagak, laaluguragan ambiret kere ari nogo pogom anebunu Ndawut paga wiganak agarip ndarak nogo an aret o,” yinuk, yo'negerak.