Matiyut 2:11 - Ala Wone Peenok Peebi Mbanak

¹¹ Nogo nogogwaarik, oome unggunuk, elege nogo agalo Mariya imbirak iigo nogogwaarik, ineebe tebe yinuk, elege nogo ayuk wureegwaarak. Ayuk wuko nogogwaarik, inamendek obeelom lombok mbuti emas inom, yibinggami inom, eyo mur amburu inom, kilirogo wogoreegwaarak.

Matiyut 2:11 Iomraidhean Croise

Yetaya 60:6

It o Miriyan nen, o Epa nen, unta awologwe apit aret wonok iri woraagun me, Anggween enete lek eerogo unta mban nugwi, Aakumi Tiyeba nen abok aret mbuti emas inom, obari abe kaga inom, wonok wogo logonet, Naliku ALA nendage tiyappit wogwe, Eeko logogun o.

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Lukat 2:16

Yogo nogogwaarik, puu'nuk Mariya Yutup nogo, elege ndomba iri'ngga nonggo menggam wimbunuk, wonogwe me, pegiya wogogwaarak.

Matiyut 2:2

“Aap Yakuri inowe endagembogut nda'nagaarak nogo eebe ngge o? Oonegen lagi wage menggim nen at elaaluguragan wunggerak ninigen kogo nogoorik, ayuk wurogo alut eeruwok nduk wogo o.”

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Ndawi 72:15

Aap endagembogut ti, mondok-mondok logowak o! Mbuti emas o Teba nen at wogori wogwe, Yi aakumi ndi aakumi at ake tamban eekwi, Inale'nggen nen at oba pugwi iigak o ambik me ari nage, Eeke logowak o.

1 Endagembogut 10:2

aap apit aago inom o Yerutalem wogo logonet, yi mendek ndi mendek ombat abe eeka inom, mbuti emas ambik inom, yugum onggo nggwok mendek inom, apit aret unta amborowak paga nippunuk wonok, aap Talomo wonage me ka wogo nogogwaarik, yi wone ndi wone, “Nonggop togon eeke,” mbake nogo abok aret at Talomo kin wakkagagerak.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.

Matiyut 14:33

Lek aret age mbareegi, it yiiro paga wonogogwaarak nogo nen Yetut ayuk wuko logonet, “Kat Ala aput abet aret keego o,” yinuk, yoreegwaarak.

Wayu 5:8

Wagangge mbaki, it aakumi nen iigulik mendek ineebe 4 nogo inom, mbogut paga wonogwe inoweewi ineebe 24 nogo inom, Ndomba Aagaluk nogo abu'me tebe yinuk,

Lukat 2:38

Ne ti eyom paga lombok kwe nogo wage nagagerik, “Nogoba Ala wa!” yinuk, at ambi nen aakumi Yerutalem mendek piinogo piya woroorak tokkogwe nogo, elege ndarak abok paganogo yorage nagagerak.

1 Tamuwen 10:27

Nogwe iigak kwe, it ndugwi iyak wuka nogo mendek nen yogo logonet, “Aap ninake leenogo mippegaarak yi, ninarum op aret logogin mbakop? Ha!” yinuk, miyuk-meya eerogo pogo logonet, yi mendek ndi mendek ambi abu wogorulik mbo pereegwaarak. Togop eekwi iigak kwe, at Tawun nogo aruk logu mbakak oone lek puk agagerak.

Linggineegwaarak 7:86

ndi, niyo kombet waka emas paga ogobakkigirik obari abe kaga toolak ambit aaninggin wakkogo logorak Ala awooliya wurik o magame koonak wonage nogo ndak-ndak aret wakkogo logonet, aaninggin mbuuluk, seratus sepuluh gram aret me, lambunik nogo ti, aaninggin ambit eeppunuk ambi oolo negen age, eereegerak.

Ala Unde 6:15

it ambit nen nake pugu gandum anggen abe yigirik amburu inom, obari abe kaga nogo inom, ne ambit eenggime woppunuk, Anggen yigirik yi abok kake aret o, yinuk, Naliku ALA nake kani kunemenggerak obari abe kage logonet, nale'nggen kaakit nduk, nake kani kunuwak o.

Wundeegwaarak 30:34

At Aliku ALA nen Muta ambinom yoge logonet, “Obari obeelom eeka eyo kilu negen amburu inom, tagap anggen agabolo inom, eyo wuli amburu inom, obari abu obeelom eyo tin amburu inom, ambi mbuuluk ambi nggwok lek ndak-ndak mban wagangge logomenggendik,

Wakkagagerak 43:11

Yoge mbareegi, it inogoba Iterali nogo nen, “Togop kenok, kit nen aap o Metit unde wonage nogo iniki ale'nggen eerogo wogoriyak yi mendek ndi mendek obari obeelom mendek inom, kundali inom, nggiin amburu inom, yibinggami inom, teno anggen inom, woromo anggen inom, abok aret kuwak eeppunuk, kinegaruna yonggologo wogori nanip o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Ndawi 45:8

Kayum yirike menggendak nogo ti, Eyo yibinggami inom, ni inom, nggoo'nggop inom, Nogo paga obari abu abe eerogo pugu wonage, Kawi o nggwok abe wurik nogo ti, Wam kole gajah eyak paga amuni mbanogo pugu wonage, Eerak kagak, Nggitat paga ndawi wakwi iinok, Kiniki ale'nggen mbake menggendak o.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

1 Endagembogut 10:10

Yoge nagagerik, mbuti emas aaninggin empat ribu inom, yi mendek ndi mendek ombat abe eeka apit aret inom, yugum abinak ambik onggo nggwok mendek inom, aap endagembogut nogo wogoreegerak. At kwe nggwok Tiyeba mendek nen yi mendek ndi mendek ombat abe eeka at endagembogut Talomo wogori wagagerak nogo ti, ambik mondok iya lombok wogori wagagerak me, peebi aap ambi nen at togop wogori woroolik aret o.

Wundeegwaarak 30:23

“Obari obeelom eeka amburu toolak aaninggin 6 inom, eyo nggami aaninggin kenagan inom, en amburu aaninggin kenagan inom,

Ndawi Iya 3:6

Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka'luk kwit agan lagangge menggi kwak O karume nen eerit wage ti, ta o?

Matiyut 1:18

At Yetut Keritut nda'nagagerak nogo ti, yogop aret nda'nagagerak. Agalo Mariya aap Yutup nen miireegerak imbirak awo lambungga'lek kagak, Aberiniki nen eeppereegerak paga kwe nogo abila agagerak kin age mbareegi,

Matiyut 2:10

Ndi, it nen laaluguragan nogo inigen kogo nogogwaarik, iniki ale'nggen nggwok mbarit nogogwaarak.

Matiyut 12:46

At Yetut nen it aakumi kuwak aago nogo, wone awo yorage wonage me, at agalo inom, awurilogwe inom, wogo nogogwaarik, at inom wone mbanuwok nduk, endekem wonogogwaarak.

Yaya 19:39

Wonok nage me, at Nikoremut aa'nduk oonikiya Yetut owagam nagagerak nogo nen iri'ngga obari abe mendek eyo mur amburu inom, nggo'nggop engga obari pogom nogo inom, nenggelak-kenggelak agago aaninggin 34 negen wonok Yutup imbirak nagagerak.