Matiyut 19:3 - Ala Wone Peenok Peebi Mbanak

³ Obeelom eeginake me, it aap Pariti mendek ando nogo nogogwaarik, Yetut abut mbanuwok nduk, at yogo logonet, “Alom ndogop eekwi iinok, aap nen inakuwi mbo piyoorak op o, yinuk, wone yugu Muta liiru mbaneegerak ambi wonage a, lek a?”

Matiyut 19:3 Iomraidhean Croise

Matiyut 16:1

Wage mbareegi, it aap Pariti mendek inom, aap Taruki mendek inom, Yetut ka nogo nogogwaarik, abut mbanuwok nduk yogo logonet, “Nineenu ariyak mbogut paga mendek ambi eeke keyaawi o.”

Matiyut 22:35

aap it mendek ambi Ala wone liiru mbanak unde nen Yetut abut mbanikit nduk, kin wokkage logonet,

Marakut 10:2

Mamunirage me, it Pariti mendek ando at owagam wogo nogogwaarik, abut mbanuwok nduk yogo logonet, “Aap nen inakuwi mbo piyoorak op o, yinuk, Ala yereegerak Muta nen liiru mbaneegerak ambi wonage ilik, lek a?”

Marakut 12:13

Teppunuk, nogo nogogwaarik, it Pariti mendek ando inom, it Keroriyan mendek ando inom, nen at oone ninggin yemenggerak paga yilinogo oba puwok nduk nappiya wogogwaarak.

Marakut 12:15

Teppuurak op a, mage a?” Yogo mbareegwa, it iniki laakot logonet yogwi yelok iige nagagerik, it yorage logonet, “Kit nonggop nduk, At yemenggerak paga yilinogo puwok, mba'nuk yo'nogo ogotik o? Mbuti wu nenegen kaakit nduk wo'niri woraanip o.”

Yaya 8:6

Wone ti yoreegwaarak nogo ti, Yetut wone ambi yemenggerak paga yilumbunuk enggali wappuwok nduk, yoreegwaarak.) Yogo mbareegwa, at Yetut wone onggo yoraga'lek we ena wu'nage logonet, eenggi paga nen nggween paga liiru mbaneegerak.

1 Korindut 7:10

Ndi, kit kinakuwi warak nogo perak, ambi yokkira o. “Kit aap nen kinakuwi mbo piyoorak ti mage o. Ndi, kit kumi kunduk, kinogonggelomini mbo piinok, mbaganiyak ti mage mban. Kit kumi nen kinogonggelomini mbo piinok, mbaganggwi kiinok ti, tawe aret logorak ilik, kiniyokan kinogonggelomini iya woroorak a, ti op aret kwe, aap alik koloorak ti perak, mondok lek o,” yinuk, yokkirage ti, an nen lek o. Ata, ninowe nen yo'nege kenok wone lengganogo yokkiragi o.

Iberani 3:9

Karume time tahun 40 paga kinombomini inenggela'me eerit wage nogo, inigen kogo logonet kwe, Anini wungge kaamun ilik, lek a? yinuk, liirit-laarit yogak mban eeko nogogwaarak me,