Matiyut 17:3 - Ala Wone Peenok Peebi Mbanak

³ it Muta Eliya imbirak Yetut inom wone mbanggwi mban inigen iyareegwaarak.

Matiyut 17:3 Iomraidhean Croise

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 17:2

inenggaanom paga at eebe alik negen age logonet, enete oonegen pogom pindanggage, ndi, ayum o eya pogom laambu lombok age, eeke kagak,

Matiyut 17:4

Wone mbanggwi iigo nogogwaarik, at Peterut nen Yetut yoge logonet, “Nogoba wae. Nit yime wonogwe ti, obeelom aret me, kit logobagip nduk, an nen ooliya kenagan ambi kat, ambi Muta, ndi, ambi Eliya, wurogo pinagarak op aret mbaken ilik, lek a?”

Marakut 9:4

it Eliya Muta imbirak Yetut inom lambumbunuk, wone mbanggwi iyareegwaarak.

Lukat 1:17

Aberiniki aap Eliya oba age nagagerik, omaawi paga eerit nege nagagerak nogo, at Yaya oba a'nuk, ninogoba Ala woroorak nduk eeke kagak, at aa'nduk eeppiinet nage logonet, inapuri-inogobamini inom lambuninake, it aakumi inogogumbuk menggaarak nogo, it aap iniki abe koonak nen iniki warak logonet, eerit nugwi it ndak-ndak eeko logowak nduk, eeppiige, ndi, ninowe Yetut awuri logowak nduk, ake pipuk eerogo piige, eerit nage logogin o,” yinuk, yoreegerak.

Lukat 16:16

Aap Yaya waga'lek kagak, Ala wone yugu liiru mbanak nogo inom, it aap Ala nen yorage kagak yorogo nogogwaarak inoone nogo inom, eerit nogo nogogwaarak. Ndi, aap Yaya wagagerak kuli paga perak, Ala abu'me piyoorak wone obeelom wone yoranet nugwi me, it aap abok aret lin wako logonet, Ala abu'me piige menggim unggwi wogo agaarik.

Lukat 24:27

Keritut wage kenok, “Togop eerigin o,” yinuk, wone Muta liiru mbaneegerak nogo kuli nen it aap Ala yorage kagak yoraga nen yorogo nogogwaarak liiru mbaneegwaarak nogo abok aret amburu mbaniragagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Lukat 9:33

Iigo mbareegwa, it aap mbere nogo Yetut mbo punuk, lagi noorak nduk eekwi iigak, Peterut nen Yetut yoge, “Nogoba wae. Nit yime obeelom aret wonogwe me, kit logobagip nduk, ooliya kenagan, ambi kat, ambi Muta, ndi, ambi Eliya, wurogo pinagarak op aret o,” yinuk, yoreegerak. (Ti yoreegerak nogo we ugun eenggo'lek me, yoreegerak.)

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Pelaareegerak 18:18

kat nen an noone yorage menggendak kokwak, aap ambi it mendek inenggela'me nen aret an yoge neegak yorage logorak ambi leenogo mippege logominggirik, an noone, Yogop yoret o, yinuk, inikime pege neenok, yoriminggirak nogo abok aret mbininogo at owe-awot yorage logogin o.

Pelaareegerak 34:10

Ndi, at Muta nogo Aliku ALA imbirak engga kunna'nuk wone mbangge, at Aliku ALA nen o Metit paga nappege mbareegi, Pirawun inom, inom yabu eeko menggaarak inom, yi awi ndi awi at unde menggim inom, ineenu agak inagabiti warak eerubok mendek eeppiige, ndi, it aakumi Iterali mendek abok inenggaanom at omaawi paga eerit nage, eerubok mendek eeke kenok, Wi, ugwi nogo mendek eeke, eeke nagagerik, kambeegerak nogo kokwak, aap Ala wone yaga Muta kwak, aakumi Iterali inenggela'me ambi mi'naga'lek aret menggerak o.