Matiyut 16:3 - Ala Wone Peenok Peebi Mbanak

³ ndi, o kuubondendok mbogut paga ogum eeke kenok, kit nen, Yogondak o mayu nggwok woraakit nduk, eeke kagi, yinuk, yogwe, eeko monggotak o. Mbogut etenggen eeke yomboonggo nogootik, Ndogop eeke kaagun o, yinuk, yogo monggotak kwe, o yogondak ariyak age ti, kineenu ariyak age kwe, yomboombunuk, Ti ndogop aret eerikit nduk eeke kogo o, yinuk, yuurak meek aret kiigi o.

Matiyut 16:3 Iomraidhean Croise

1 Mbinineegwaarak 12:32

Anebunu Itakat mendek nogo nen, “O eraambe yogop age me, Iterali yogop eeruwak o,” yinuk, yogwe nogo ineenu inoweewi ineebe dua ratus aret wogo logonet, inowe-inawot lombok inom aret wogwe,

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 15:7

Kit kiniki laakot logonet yogo monggotak yi wae. Ala nen yoge kagak yoraga Yetaya nen ari logonet,

Matiyut 22:18

Yogo mbareegwa, at Yetut nen it wone maluk lombok koonggwi yelok iige nagagerik, yorage, “Kit kiniki laakot logonet, yogo monggotak yi, nonggop nduk, At yemenggerak paga yilinogo puwok, mba'nuk, yo'nogo ogotik?

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Matiyut 4:23

At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Matiyut 7:5

Aap pilit pugungga kit aret o. Eyo obate mbanak kinigen me milinik wonage nogo, aa'nduk mbo nappunuk, kinore enegen anggup worekkoorak tena'me kaamunggup o.

Lukat 11:44

It aakumi kanggaatak inowak paga mbaka'lek iniyok ugun aan lebenogo pit nogo mengga kwak, kit aret me, kinabuwa!”

Lukat 12:56

Kit kiniki laakot logonet, yogo monggotak yi wae! Mbogut-nggween enete liippunuk, Ti togop aret arigin kagi o, yinuk, yogo monggotak kwe, yogondak yi eyom paga ariyak nogo kit nonggop nduk liippunuk, E! Ti togop aret arigin kagi, yinuk, yaga'lek aret ogotik?” yinuk, yoragagerak.

Lukat 13:15

Yorage mbareegi, ninogoba Yetut nogo nen at yoge, “Kit aakumi kiniki laakot logonet, yorogo monggotak yi wae! Kit abok tamban eekwi paga kinerapi a, kinageledai a, ngga'nggo'na narak me, yi na nawak nduk, tu paarogo punuk wogoret nogo monggotak nogo lek a?

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.