Matiyut 13:3 - Ala Wone Peenok Peebi Mbanak

³ at Yetut nen yi wone ndi wone apit aret eegu laarogo yoragagerak. Yorage logonet, “Aap awi yumbungge menggerak nen awi yumbunikit nduk nage nagagerik,

Matiyut 13:3 Iomraidhean Croise

Ndawi 49:4

Woneelom ambi naruk paga pege kenok ari, Nggitat eeke logonet, wone eegu laarogo yokkirage, Eerigin nogo yi o.

Ndawi 78:2

An nen wone eegu laarak wone yokkirage, O maan aa'nduk nen eerit wogogwaarak alom wone mamunggirage,

Yetikiyen 17:2

“Aakumi nen ndarak yi wae. Wone wakkagak yorage, wone eegu laarogo it Iterali mendek mbininogo yorage, eeke logot o.

Yetikiyen 20:49

Yo'nege mbareegi, an nen at yoge logonet, “Kaliku Kitok Menggendak ALA, ao! An yorage neenok it nen nabok yogo logonet, At yi, wone eegu laarogo mban yo'nirage menggerak nogo lek a? yinuk, yogo agaarik,” yoreegirak.

Mika 2:4

Ne ti eyom paga it aakumi nen, Op togon eeppinagagi, yinuk, yorogo logogun o. Nineebe lek eerogo pinanege, ninanggween mbanogo wogorage, Ndinggolage nagagerik, it aap tebenogo pinanugwi nogo wogorage, eereegerak o, Yinuk, yogwe nogo inomaani mbanggo logonet, Kayik a! yinuk, le ndawi paga inanep pogo logogun o,” yinuk, Aliku ALA nen yegerak me, yokkiragi o.

Abakuk 2:6

It aakumi at owagam kuwak eerogo piyamenggerak nogo nen at meek eerogo pugwi, agi'ndok kanggwi, eerugun nogo lek a? Eeko logonet, At aap at amendek lek aakumi inamendek kuwak eerogo pati wage, Aakumi inamendek kolaakit nduk, oone omaawi yorage paga eenggi warak eekkolage, Eeke nogo, abuwa o! Ti eeke kagak, ne mande ari nagin o?

Matiyut 13:4

yumbunit nage kagak, ando tu paga wambit nagagerak. Tu paga wambit nagagerak nogo ti, towe wogo logonet, abok aret nenet nogogwaarak.

Matiyut 13:53

At Yetut wone eegu laarak nogo, abok aret yorage nagagerik, o ti mbo punuk,

Matiyut 22:1

At Yetut nen wone eegu laarogo ambi yorage logonet,

Matiyut 24:32

Yorage nagagerik, ambi yorage logonet, “Eyo wuli anggup larikit nduk eeke menggerak nogo kiniki wakkaanip o. Eno'mbak paga agarip wungge nagaatik, anggup lake kenok, O kiniyak muk panggo yegerak kagi o, yogo monggotak nogo pogom,

Marakut 12:1

Yorage nagagerik, wone eegu laarogo yorage logonet, “Aap ambi nen anggur awi yappunuk, yagat wuke, amburu mburunogo wuraburak tenggap mendaake, ndi, tum wakak eyo ndoongge, eeke nagagerik, anggen mbanak ando it kologwe, ando at wogogwi, eeko logowak nduk, at eyabu aago me arum piinok, o nda alik me time nagagerak.

Marakut 12:12

Yorage mbareegi, it nogo nen, “Wone eegu laarogo ti, nit niinok, ari,” yinuk, yelok kogo nogogwaarik, pigaawok nduk eereegwaarak mendek, aakumi ambik mbareegwa, inagabiti nen teppunuk nogogwaarak.

Marakut 3:23

Yogo mbareegwa, at Yetut nen it aap ti, woraawak nduk wiirage nagagerik, at owagam kuwak ari wogo mbareegwa, wone eegu laarogo yorage logonet, “At Ibilit nen Ibilit aret nonggop togon nggiginogo wumbuurak mbakop?

Marakut 4:13

Yorage nagagerik, Yetut nen it yorage logonet, “Wone eegu laarogo yokkiragarak ti, alom liippogotak ilik, lek a? Liippega'lek kiinok, peebi wone eegu laarogo yokkirage neenok, nonggop togon liippumunggup mbakop?

Marakut 4:33

Yi wone ndi wone aakumi yorage nogo liippunuk waganggwi iinok, Ala wone eegu laarogo negen yorage nagagerak.

Lukat 12:41

Yorage mbareegi, Peterut nen Yetut yoge logonet, “Nogoba o. Wone eegu laarogo yo'niragandak yi ti, nit mban yo'niragan ilik, it aakumi abok aret yoragan a?”

Lukat 8:10

Yogo mbareegwa, at Yetut nen, “Ala abu'me pinagarak wone inikime lubuk mban wonagagerak nogo kineenu arubagip nduk, Ala nen kilikkiroorak mbake menggerak kwe, it aap ando nogo nen perak, Inigen kogwe kwe, yelok kogwe, Ndi, inaruk konenggwi kwe, inikime waganggwi, Eeko logokwak, wone eegu laarogo mban yorage minggirak o,” yoragagerak.

Yaya 16:25

Yetut nen ambinom yorage logonet, “Wone yi yokkirage nogo eegu laarogo mban yokkirage kwe, an nogoba abok nogo kin paga paganogo yokkiroorak eyom panggoni woraagin nogo paga an wone eegu laarogo ambinom yokkirage logogin lek o.