Matiyut 12:3 - Ala Wone Peenok Peebi Mbanak

³ Yogo mbareegwa, Yetut nen, “At Ndawut inom nogwe nogo mbi abu aganake mbareegi, eereegwaarak nogo, Ala wone liiru mbanak paga pekkaga'lek ogotik?

Matiyut 12:3 Iomraidhean Croise

Ala Unde 10:20

Yoge mbareegi, Muta nen wone ti konengge nagagerik, “Op aret yigi,” mba'nuk, puk agagerak.

Matiyut 12:2

Nenet nogwe it aap Pariti mendek nen inigen iigo nogogwaarik, Yetut yogo logonet, “Tamban eekwi paga yi eekak ndi eekak eeriyak mage yugu kagak, it kat koone waganggwi mendek nen ugun eekwi yi iyet o.”

Matiyut 12:4

At Ndawut nogo nen Ala awi wurik me unggwage nagagerik, roti Ala ake pugu nogo, at kunduk, at inom nogogwaarak nogo kunduk, Noorak lek, Ala unde inalik mban nonggo logorak yugu kagak aret nunggugwaarak o.

Matiyut 12:5

Ndi, Tamban eekwi paga puk logorak, yugu kagak, it Ala unde nogo nen tamban eekwi paga Ala awi wurik me yabu eeko menggaarak kwe, Ala nen, Kit maluk o, yinuk, yoraga'lek we teppiige nogo, Ala wone yugu liiru mbanak malenggo logonet, pekkaga'lek ogotik?

Matiyut 19:4

Yogo mbareegwa, Yetut nen, “At o aa'nduk togon yi mendek ndi mendek wakkage logonet, aap wakkage, kwe wakkage, eerogo piige nagagerik, ari logonet, Togop me, aap nen agalo-ogoba teppiinok, akweeluk imbirak lambunna'nuk, it ineebe mbere kwe, ambit aret arugun o, yinuk, yereegerak liiru mbanak nogo, kit pekkaga'lek monggotak ya?

Matiyut 21:16

“It wologwe yi yogwe nogo, kat karuk konengge agandik a?” Yogo mbareegwa, at Yetut nen, “E o. Naruk konengge agarik o. It elege awo ngget ndarak inom, elege awo inelak nunggwi inom, nen kendage tiyappagago logowak nduk, koonogo piyareegindak o, yinuk, yereegerak Ala wone liiru mbanak nogo, kit pekkaga'lek ogotik ya?”

Matiyut 22:31

Ndi, it aakumi kanggwi ineenik agago mippiyaagin nogo ti, Ala nen ari logonet, Abarakam inom, Itak inom, Yakup inom, inogoba Ala ti, an aret o, yinuk, kit aret yokkiragagerak liiru mbanak nogo, pekkaga'lek ogotik ya? At Ala ti, aakumi kambunuk lek agaatak inogoba lek o. Ata, aakumi ineenik menggaarak inogoba aret mbako logonip o,” yinuk, yoragagerak.

Marakut 12:10

It yugum paga o wuka nen, O wuko logonet, yugum ambi mbo pereegwaarak nogo, Yugum ogowa ndoonnaga o.

Marakut 12:26

It aakumi kanggwi ineenik agago mippiyaagin nogo ti, at Muta nogo eyo ku'mbanak alome kani wunuk ari kagak, wonage me, Ala nen at yoreegerak wone nogo liiru mbangge logonet, Abarakam inom, Itak inom, Yakup inom, inogoba Ala ti, an aret o, yinuk, yoreegerak liiru mbaneegerak nogo kit pekkaga'lek ogotik ya?

Lukat 10:26

Yoge mbareegi, at Yetut nen, “Ala wone yugu liiru mbanak ti, nonggop mbanak o? Kat nonggop pekkage menggendak?”

Lukat 6:3

Yorogo mbareegwa, at Yetut nen, “At Ndawut inom, at inom nogogwaarak inom, mbi abu mbareegi, Ala awi wurik me unggwage nagagerik, roti Ala ake pugu nogo it weelek noorak lek Ala unde kenok mban nonggo logorak yugu kagak, waganogo nengge nagagerik, ando at inom nogwe wogoragagerak nogo, liiru mbanak kit pekkaga'lek ogotik?”