Matiyut 11:2 - Ala Wone Peenok Peebi Mbanak

² At Yiime Wuppiiga Yaya nogo keele maarogo piigo menggam logonet, Keritut eerit nage nogo aruk konengge nagagerik, at oone waganggwi mendek nen Yetut kin waawak nduk, owagam nappiyareegerak

Matiyut 11:2 Iomraidhean Croise

Matiyut 1:17

Ti kenok, aap Abarakam nda'nagagerak kuli paga nen nok, Ndawut nda'nagagerak kuli paga, aap inombomini ineebe 14 aret nda'narit wundi wogwe, ndi, at Ndawut nda'nagagerak kuli paga nen nok, aakumi Iterali mendek o Mbaben wogoret nogogwaarak kuli nogo paga inombomini ineebe 14 aret nda'narit wundi wogwe, ndi, aakumi Iterali mendek o Mbaben wogoret nogogwaarak kuli paga nen nok, Keritut nda'nagagerak kuli paga inombomini ineebe 14 aret nda'narit wundi wogwe, eereegwaarak ti aret.

Matiyut 14:3

At Keroret nogo nen at awuluk Piliput akweeluk kagak, kwe Keroriyat nogo wagangge mbareegi, at Yaya nen Keroret yoge logonet, “Kwe ti, woorak lek yugu kagak waganggendak me, kimbirak logorak mondok mage o.” Yogak mban eeke mbareegi, Keroret nogo nen, “Yaya warikit,” mba'nuk, pigogo keele maarogo mambiigo menggam mambereegerak kwe, it aakumi nen, “Yaya ti, Ala nen yoge kagak yoraga mendek aret o,” yogwe aruk konengge nagagerik, agabiti agagerak.

Matiyut 4:12

Yaya keele maa'nuk wonok nogogwaarak Yetut aruk konengge nagagerik, o Nggalileya nagagerak.

Matiyut 9:14

Yorage nagagerik, wonage me, it Yaya oone waganggwi nogo nen Yetut owagam nogo nogogwaarik, at yogo logonet, “Nit kunduk, it aap Pariti kunduk, mbi nengga'lek ninambe mage negen logonet, tamban eeko monggoorak kwe, it kat koone waganggwi yi perak, nonggop nduk togop eekulik o?”

Marakut 6:17

Ti yereegerak nogo ti, at Keroret nen kwe Keroriyat Piliput awot akweeluk kagak, wagangge mbareegi, at Yaya nen Keroret yoge logonet, “Kat kawot akweeluk woorak lek yugu kagak waganggendak me, kimbirak logorak mage o,” yinuk, yogak mban eeke mbareegi, Keroret nogo nen Yaya keele maaruwak nduk nappiige mbareegi, nogo nogogwaarik, pippunuk aakumi keele maarogo mambiigo menggam mambereegwaarak.

Lukat 3:19

Inaruk warit nage logonet, aap endagembogut Keroret nogo nen at awot akweeluk Keroriyat ndingge, ndi, yi maluk ndi maluk apit eerit nage, eeke mbareegi, at Yaya nen at kunduk mberereegerak me,

Lukat 9:7

Eerit nugwi nogo it aakumi nen iigo nogogwaarik, it ando nen, “At Yaya kanggo menggam nen eenik a'nuk, mi'nagaarak o,” yogwe, ndi, ando nen, “Aap Eliya tena'me agaarak o,” yogwe, ndi, ando nen, “Aap maan Ala nen yorage kagak yorogo nogogwaarak nogo mendek ambi eenik a'nuk, mi'nagaarak o,” yogwe, agan nugwi nogo aap endagembogut Keroret nogo aruk konengge nagagerik, iniki piirik agagerak.

Yaya 4:1

Yetut nen at apuri ambik agago piinok, yiime wuppiige, ndi, Yaya perak, at apuri mbereeret negen agago piinok, yiime wuppiige, eekwi nogo, it aap Pariti mendek inaruk koneneegwaarak. (