Matiyut 10:4 - Ala Wone Peenok Peebi Mbanak

⁴ “Ninalik aruwok,” yaga mendek ambi endage Timon, ndi, Yetut onggo mbaneegerak Yurat Ikariyot nogo imbirak nappiige, eereegerak.

Matiyut 10:4 Iomraidhean Croise

Matiyut 26:14

Yorage mbareegi, it aap 12 mendek ambi endage Yurat Ikariyot nogo nen it aap Ala unde inoweewi inowagam nage nagagerik, yorage logonet,

Matiyut 26:15

“Yetut nogo yi o, yokkirage neenok, onggo ngge wo'nirumunggup o?” yinuk, yorage mbareegi, onggo wu mbuti perak anggen 30 wogoreegwaarak.

Matiyut 26:2

“Nogo mbere yippunuk, laago Obaga Mbo Nagagerak lariyak kineenu me, lakwi eyom paga an aap aret nda'nagagirak yi, eyo karo-karo paga nabembanuwak nduk, neebe pigogo aakumi wogoraagin o,” yinuk, yoragagerak.

Matiyut 26:47

At Yetut awo yorage kagak, it Ala unde inoweewi inom, it aakumi inogobamini inom, nen aap ambi aago paloowi waganggwi, mbim mbanak waganggwi, ee'nuk, Yetut wa nawak nduk, nappiyareegwaarak nogo it aap 12 mendek yendennagagerak Yurat nogo inom aret nogogwaarak.

Matiyut 27:3

Ndi, aakumi nen Yetut waruwak nduk, onggo mbaneegerak at Yurat nogo nen it wone amburu mbangga nen Yetut wariyak kooneegwaarak nogo kage nagagerik, iniki wakko'nok, wu mbuti perak anggen 30 nogo wonok, iyok paga it aap Ala unde inoweewi inom, it aap inanggok inom, inowagam pi wage nagagerik,

Marakut 14:10

Yorage mbareegi, Yetut oreewi 12 mendek ambi endage Yurat Ikariyot nogo, Yetut waruwak nduk wogoraakit mbake nagagerik, it Ala unde inoweewi inowagam nagagerak.

Marakut 14:43

Awo yorage me, it Ala unde inoweewi inom, Ala wone liiru mbanak unde inom, aap inanggok inom, it nogo nen aap ambi aago paloowi waganggwi, yawi mbanak waganggwi, ee'nuk, nappiyareegwaarak nogo, it 12 mendek ambi Yurat nogo inom aret nogogwaarak.

Lukat 22:3

Koonit nugwi iigak, at Ibilit nen it aap 12 ambi endage Yurat Ikariyot inikime unggwagagerak.

Lukat 22:47

Wone ti awo yorage me, it aap 12 mendek ambi endage Yurat nogo aa'nduk nage kagak, aap ineebe aago ambokan nogogwaarak. It nogwe iigak, at Yurat aa'nduk Yetut kambugiriyak nduk, owagam panggo yi nage mbareegi,

Yaya 13:2

At Yetut oone waganggwi mendek inom mbi nunggwi me, Ibilit nen Timon aput Yurat Ikariyot Yetut onggo mbanigin nogo, muk iniki nggagani wage mbareegi,

Yaya 6:64

kit ando perak, kiniki noba panggombunuk, abet nombaka'lek kiigi o,” yinuk, yoragagerak. (Yoragagerak nogo ti, it aap iniki at oba panggombunuk, abet mbaka'lek inom, ndi, at onggo mbanigin nogo inom, aa'nduk nen Yetut eenu me, togop aret yoragagerak.)

Yaya 6:71

Ti yoragagerak nogo ti, aap Timon Ikariyot aput Yurat it aap at oone waganggwi 12 ambi nogo aret kwe, peebi Yetut onggo mbanigin at aret me nduk yoragagerak.)

Nappiigak 1:13

O kota Yerutalem unggwi wogo nogogwaarik, it wonogo menggam tilaabaga nogome lagi nogogwaarak. It lagi nogogwaarak nogo ineebe ti, Peterut Yaya imbirak, Yakobut Andereyat imbirak, Piliput Tomat imbirak, Mbarotolomeyut Matiyut imbirak, Alepeyut aput Yakobut togon, at “Ninalik aruwok o,” yaga Timon togon, Yakobut aput Yurat togon, nogo aret.