Matiyut 10:2 - Ala Wone Peenok Peebi Mbanak

² It aap 12 nappiyareegerak nogo inendage yi aret. Aa'nduk ti, Timon endage ambi Peterut toonak nogo awot Andereyat imbirak nappiige, Tebereyut aput Yakobut awot Yaya imbirak nappiige,

Matiyut 10:2 Iomraidhean Croise

Matiyut 17:1

Yorage nagagerik, ti'nuk, nogo 6 yippunuk, ko'lu at Yetut nen Peterut inom, Yakobut inom, ndi, Yakobut awot Yaya inom, wogoret puurom ambi nggorek paga lagi nage nagagerik, inalik time wonogwe me,

Matiyut 20:20

Yorage mbareegi, at Tebereyut apuri inagalo nogo aagalogwe inom Yetut owagam wogo nogogwaarik, abu'me tebe yinuk, kwe nogo nen Yetut yoge logonet, “An ambi ngginogiri o.”

Matiyut 26:37

Yorage nagagerik, Peterut inom, at Tebereyut apuri mbere nogo inom, wogoret nage nagagerik, iniki puru ari logonet, aaninggin lombok agagerak.

Matiyut 4:18

Aap oweeluk-awuluk Timon endage Peterut toonak nogo, awot Andereyat imbirak ikan waganggo menggaarak me, at Yetut yi yenggenak Nggalileya aa'nggi paga nage logonet, ikan waawok nduk, yum ikan wagangga nogo yiime wuppugwi enegen iyareegerak.

Matiyut 4:21

Inom nogo logonet, Tebereyut apuri mbere Yakobut Yaya oweeluk-awuluk aret me, inogoba Tebereyut inom yiiro paga logonet, yum ikan waganggo menggaarak ogobakkigikwi enegen iige nagagerik, “Ninom nawok o,” yoragagerak.

Marakut 1:29

It Yakuri tamban eeko menggam nogome nen wundi nogo nogogwaarik, Yaya Yakobut imbirak Timon Andereyat iname nogome inom unggwi nogogwaarak.

Marakut 13:3

At Yetut nogo Ala awi wurik ena wunggagak puut Tayitun nogo paga lagangge nagagerik, alik taati, kwi'ndak wonage me, at Peterut togon, Yakobut togon, Yaya togon, Andereyat togon, inalik nen kin wakkogo logonet,

Marakut 6:30

At Yetut nappiyareegerak nogo iniyok paga at Yetut owagam wogo nogogwaarik, it eerit nogo nogogwaarak wone inom, mamuniranet nogo nogogwaarak wone inom, mbininogo yoreegwaarak.

Lukat 11:49

O nggween yi wakkagagerak paga nen, it aap Ala yorage kagak yoraga aap Kaben amiya wambeegerak kuli nen nok, Ala ake warogo kani kunggo menggam Ala awi wurik me oolo muundak aap Takariya amiya wambeegerak kuli, it abok inamiya wambeegerak nogo inane'me kit aakumi yogondak wonogwe yi aret kinoorikit nduk, at yi mendek ndi mendek abok eenu menggerak Ala nen ari logonet, An noone yorage neegak yoraga inom, yonggo nappiya wage minggirak inom, nappiya wage neenok, ando inookwi, ando piginabuwak nduk, muguret nugwi, eekwi, kiyaagin o, yinuk, yereegerak nogo ti, it aap aa'nduk inamiya wambit nagagerak nogo inane'me kit aakumi o yogondak wonogwe yi aret kinoorikit nduk, yereegerak me, yokkiragi o.

Lukat 22:14

Larogo pereegwaarak nogo noorak eyom panggoni wage mbareegi, Yetut nen nappiigak leenogo piyareegerak nogo inom kwi'nogogwaarak.

Lukat 22:8

at Yetut nen Peterut Yaya imbirak nappiige logonet, “Laago Obaga Mbo Nagagerak nit noorak pipuk eerogo pugwi a nanip o.”

Lukat 5:10

At Peterut oreewi Tebereyut apuri Yakobut Yaya imbirak nogo inom inagabiti mbakwi iigak, Yetut nen Timon yoge logonet, “Kagabiti mbarugun o. Ikan wagangge menggendak kwak, o yogondak nen aakumi wogonake logomunggun o,” yinuk, yoreegerak.

Lukat 9:10

It aap nappiyareegerak nogo iniyok paga wogo nogogwaarik, eerit nugu nogogwaarak nogo Yetut mbininogo yoreegwaarak. Yogo mbareegwa, at Yetut nen inalik wogoret o kota ambi endage Mbetayira tayo yi nogogwaarak.

Yaya 12:22

Yogo mbareegwa, at Piliput nen Andereyat yori nage nagagerik, ti'nuk, imbirak Yetut yori nogogwaarak.

Yaya 13:23

Inigen pet-pet yogo logonet, aap at oone waganggwi mendek ambi Yetut iniki kunik wonage nogo Yetut imbirak tabonak kwi'ndak wonage me,

Yaya 20:2

Kage nagagerik, puu'nuk Timon Peterut inom, aap Yetut oone waganggwi mendek ambi iniki kunik wonagagerak nogo inom, iya wage nagagerik, yorage logonet, “Wologwe! Ninogoba eebe ndoome nen waganogo nggeeme pi nagaarak nogo nit nineenggo'lek o.”

Yaya 21:2

At Timon Peterut inom, Tomat endage ambi Kulu'mbere toonak nogo inom, Natanayen o Nggalileya awi Kana mendek nogo inom, at Tebereyut apuri inom, aap Yetut oone waganggwi mbere ambi inom, ambit me kuwak aago logonet,

Yaya 21:20

Yoge mbareegi, nogo logonet, at Peterut ena logurogon pe'nage nagagerik, at Yetut oone waganggwi mendek ambi at iniki kunik aa'nduk mbi nunggwi me, Yetut imbirak tebenak logonet, “Nogoba wae. Ta nen konggo mbanigin o?” yoreegerak nogo, inambokan wage Peterut enegen kagagerak.

Yaya 21:24

Aap Peterut nen Yetut oone waganggwi mendek ambi nogo enegen kenok, Yetut yoreegerak nogo ti, an neenok aret yoreegerak o. An nogo nen nenegen kage nagagirak nogo paganogo yokkirage, ndi, wone yugu liiru mbanogo pinagage, eekirak yi nogo ti, nit nineenu me, abet aret yokkiragi o.

Yaya 6:67

Mbaganggo mbareegwa, Yetut nen at oone waganggwi 12 nogo yorage logonet, “Kit kunduk mbaganiyak mbaka'lek ogotik?”

Yaya 6:70

Yoge mbareegi, at Yetut nen, “An nen kit aap 12 miikkinabeegirak nogo lek a? Aap 12 miikkinabeegirak kwe, kit kinenggela'me ambi Ibilit aput aret kagi o,” yinuk, yoragagerak. (

Yaya 6:71

Ti yoragagerak nogo ti, aap Timon Ikariyot aput Yurat it aap at oone waganggwi 12 ambi nogo aret kwe, peebi Yetut onggo mbanigin at aret me nduk yoragagerak.)

Yaya 6:8

Yoge mbareegi, at oone waganggwi ambi Timon Peterut awot Andereyat nogo nen Yetut yoge logonet,

Nappiigak 1:13

O kota Yerutalem unggwi wogo nogogwaarik, it wonogo menggam tilaabaga nogome lagi nogogwaarak. It lagi nogogwaarak nogo ineebe ti, Peterut Yaya imbirak, Yakobut Andereyat imbirak, Piliput Tomat imbirak, Mbarotolomeyut Matiyut imbirak, Alepeyut aput Yakobut togon, at “Ninalik aruwok o,” yaga Timon togon, Yakobut aput Yurat togon, nogo aret.

Nappiigak 1:26

tamban eeppogo nogogwaarik, “Aap yi mippuwok a, at yi mippuwok a?” yinuk, imbirak inendage liiru mbanogo punuk, Matiyat endage mbanak nogo waganggo nogogwaarik, it aap 11 nappiyareegerak nogo inom logowak nduk at Matiyat aret leenogo mippereegwaarak.

Nappiigak 12:2

“At Yaya owe Yakobut nogo, tege wooluwak paga wa'nip o,” yinuk, yoragagerak wako mbareegwa, kambeegerak.

Nappiigak 3:1

Ne ambi paga o kiyoma oonegen 3 paga tamban eeko menggaarak me, tamban eeruwok nduk, Peterut Yaya imbirak Ala awi wurik me nogogwaarak.

1 Korindut 15:7

Nogo nigiige nagagerik, ti'nuk, Yakobut nikkage, ti'nuk, it nappiyareegerak nogo abok aret nigiige, eereegerak.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

Iberani 3:1

Togop me noreewi o. At mbogut paga menggerak nogo nen kinayonggo pege nagagerik, at apuri leenogo pinagareegerak me, nit wone abet mba'nuk, mugurok nogwe niigak, Ala unde ninowe nggwok logonet ninake eeke logowak nduk, nappi wagagerak Yetut nogo, liippogo logowok o.

1 Peterut 1:1

Kit Ala iniki mba'nuk miikkinabeegerak o Pondut inom, Nggalatiya inom, Kaparokiya inom, Atiya inom, Mbitiniya inom, o time yi awi ndi awi mbaganit nogogutak aap nggiru negen wonogwe nogo, at Yetut Keritut ayonggo nappiigak mendek eerogo paneegerak an Peterut nogo nen wone ambi yokkira o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

2 Yaya 1:1

Ala nen miikkabeegerak niriluk kat kaagalogwe kinom an Ala apuri inarum logokit nduk, mippaneegerak nogo nen, kit abet aret niniki kunik eekkinake minggirak me, wone ambi yokkira o. An nen mban niniki kunik eekkinake ti lek o. Ata, it aakumi nen Ala ndogop menggerak wone waganeegwaarak nogo abok ninom nen niniki kunik eekkinako o.

3 Yaya 1:1

Noreeluk Nggayut wae. “Ala ndogop menggerak o,” yinuk, wone nimbirak waganeegurak paga kat niniki kunik me, an Ala apuri inarum logokit nduk, mippaneegerak nogo nen wone ambi yokkiri o.

Wayu 1:1

At Ala nen yi eeriyak ndi eeriyak logonuk lek mbet-mbet eeriyak wone nogo, nit at ayeloman mini nineenu eeppinanuwak nduk, Yetut Keritut yoge mbareegi, at nen paganogo yo'niragagerak wone nogo yi aret o. Ala nen Yetut Keritut yoge mbareegi, ti'nuk, Ala ayeloman an Yaya nogo neenu eeppanuwak nduk, Yetut Keritut nen at ayonggo malayikat ambi wuppi wagagerak.

Wayu 1:9

Kit aaninggin-paaninggin kinoba pinagagwi iigak kwe, “Ala abu'me pinanigin me, op aret o,” yinuk, Yetut kinom kunik kiniki nu'lek logonet, waganggo monggotak nogo ti, an kinore Yaya togop ndak-ndak eeppanugwi iigak, wagangge minggirak nogo nen Ala wone yorage, ndi, Yetut wone ari nagagerak nogo paganogo yorage, eeke minggirak nogo paga, niyo yenggenak oolo kup mbanak o endage Pa'mot pani wogogwaarak yime agarik o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 22:8

Wone agan wagaarak naruk konengge, eerit wagaarak nenegen kage, eekirak nogo ti, an Yaya aret me, naruk konengge, nenegen kage, eeke nagarik, at peebi eeriyak wone yo'negerak malayikat nogo alut eerikit nduk, abu'me tebe ari mbaki,