Matiyut 1:7 - Ala Wone Peenok Peebi Mbanak

⁷ Talomo nen Erekabeyam ndake, Erekabeyam nen Abiya ndake, Abiya nen Ata ndake,

Matiyut 1:7 Iomraidhean Croise

1 Endagembogut 11:43

Eeke nagagerik, ombomini kambunuk nogogwam inom yonggonggola nage mbareegi, ogoba Ndawut agota kanggwi piya unggwogo menggam nogome eebe pi unggwogogwaarak. Pi unggwogo mbareegwa, obaane'me at aput Erekabeyam inowe endagembogut aret agagerak.

1 Endagembogut 14:31

Ti eeko nogogwaarik, at Erekabeyam nogo ombomini kambunuk nogogwam inom yonggonggola nage mbareegi, ombomini kambeegwaarak Ndawut agota piya unggwogogwam nogome inom pi unggwogogwaarak. At agalo ti, kwe Amon mendek endage Naama aret. Ndi, at Erekabeyam obaane'me aput Abiyam nogo inowe endagembogut agagerak.

2 Mbinineegwaarak 12:1

It Iterali nen aap Erekabeyam inowe endagembogut mippogo mbareegwa, wone lengganogo yorage kagak, at abu'me piinok wonage me omaawi age, endage tiyak ari, eeke kagak, at inom, Iterali abok inom, eeko logorak Aliku ALA nen yoragagerak liiru mbanak nogo mbo pereegwaarak.

2 Mbinineegwaarak 13:7

aap iniki lek a'nggan wogonaka inom a'nuk, aap Talomo aput Erekabeyam awo tawe me iniki kwippunuk ko wakak yuurak meek kenok, Kat ninowe endagembogut logorak lek o, yinuk, inom ogookkologogwaarak.

2 Mbinineegwaarak 9:31

Eeke nagagerik, ombomini kambunuk nogogwam inom yonggonggola nage mbareegi, ogoba Ndawut agota kanggwi piya unggwogo menggam nogome eebe pi unggwogogwaarak. Pi unggwogo mbareegwa, obaane'me at aput Erekabeyam inowe endagembogut aret agagerak.

Matiyut 1:8

Ata nen Yotapat ndake, Yotapat nen Yoram ndake, Yoram nen Utiya ndake,

Lukat 1:5

Aap Keroret o Yureya endagembogut wonage kagak, aap Ala unde ambi endage Takariya anebunu Abiya mendek wonagagerak. Ndi, at akwe ti, Karun ombowologwe wiganak mendek endage Elitabet aret wonagagerak.