Matiyut 1:2 - Ala Wone Peenok Peebi Mbanak

² At Abarakam nen Itak ndake, Itak nen Yakup ndake, Yakup nen Yekura owewologwe-awurilogwe inom ndaganake,

Matiyut 1:2 Iomraidhean Croise

Wakkagagerak 25:19

At Abarakam aput Itak nogo nen eereegerak wone yi o. Abarakam nen aput Itak aret ndareegerak.

Wakkagagerak 25:26

Ndi, at peebi nda'nagagerak nogo, nda'nanok wangge logonet, at Etawu iyok unggut eenggi omaawi pugu aret nda'nagagerak paga endage Yakup aret tooneegwaarak. At Itak nogo ndarak kagak, tahun 60 eereegerak paga at apuri ti nda'nogogwaarak.

1 Mbinineegwaarak 1:28

At Abarakam nen apuri aap Itak Itamayen imbirak ndaganabeegerak.

1 Mbinineegwaarak 1:34

At Abarakam nen aput Itak ndareegerak. At Itak nen apuri aap Etawu Iterali imbirak ndaganabeegerak.

Yetaya 41:8

“Togop eerugun kwe, kat nayeloman Iterali yi wae. Kat an leenogo pagareegirak Yakup yi wae. At niniki kunik Abarakam paga wiganak yi wae.

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Linggineegwaarak 1:26

Anebunu Yekura mendek ti, inanebunu ndarak ndegek lombok ndarak iigak tahun 20 nen aginggwe eerit nagaarak wim namburiyak inobam kero, ineebe tujuh puluh empat ribu enam ratus aret inendage liiru mbanggwi,

Matiyut 1:1

At Ndawut Abarakam imbirak inombooluk Yetut Keritut ombomini nda'narit wundi wogogwaarak inendage liiru mbanak yi o.

Matiyut 1:3

ndi, at Yekura nogo nen kwe Tamat paga Peret Tera imbirak ndaganake, at Peret nen Ketoron ndake, Ketoron nen Aram ndake,

Nappiigak 7:8

Yoge nagagerik, Abarakam Ala imbirak wone abuk nggaruk togon mbaneegwaarak nogo aberak logowak nduk, inagabolo mbanggo logorak wone nogo yoreegerak. Yoreegerak paga Itak aret nda'nage mbareegi, nogo 7 yippunuk, ko'lu agabolo mbaneegerak. Ti'nuk, peebi Itak nen Yakup ndake, ndi, at Yakup nen nit ninombomini 12 nogo ndaganake, eereegwaarak.

Iberani 11:11

At kwe Tara kunduk, abu kweegelo aagaluk ndariyak meek aret kwe, at Abarakam nen, “Ala yegetak ndak-ndak eeke menggerak me, yo'niragaarak nogo abet aret eeppinanigin kagi,” mbareegerak paga Ala nen akwe nogo agabolo ki eeppege mbareegi, Abarakam apuluk aret ndareegerak.

Iberani 7:14

At ninowe ti, anebunu Yekura mendek nit abok nineenu o. Ndi, Muta nen, “Peebi aap Yekura mendek ambi Ala unde logogin o,” yinuk, ti yuulik kwe,

Wayu 7:5

anebunu Yekura mendek dua belas ribu leenogo piige, anebunu Uruben mendek dua belas ribu leenogo piige, anebunu Nggat mendek dua belas ribu leenogo piige,