Matiyut 1:16 - Ala Wone Peenok Peebi Mbanak

¹⁶ Yakup nen Yutup kwe Mariya ogonggelo nogo ndake, ndi, kwe Mariya nen nit Keritut yogo monggoorak Yetut nogo ndake, eerit wundi wogogwaarak ti aret o.

Matiyut 1:16 Iomraidhean Croise

Matiyut 1:15

Eliyut nen Eleyatat ndake, Eleyatat nen Matan ndake, Matan nen Yakup ndake,

Matiyut 16:16

Yorage mbareegi, at Timon Peterut nen, “At eenik menggerak Ala aput Mesias nogo kat aret o.”

Matiyut 16:20

Yoge nagagerik, “An Keritut neegotak nogo aakumi abu yoraagup o,” yinuk, at oone waganggwi nogo inaruk wareegerak.

Matiyut 2:13

Iname nogwe iigak, Yutup abi paga Ala yonggo nappiya wage menggerak malayikat ambi nen at owagam wage nagagerik, yoge logonet, “At Keroret nen elege yi wariyak nduk kwaari woraagin me, mi'na'nuk, elege yi agalo imbirak wogoret o Metit time kole nanip o. Namonggotak time wonogwe me, an awo yokkira waga'lek neenok, o taati aret logonu o,” yinuk, yoge kagagerak.

Matiyut 27:17

it aakumi kuwak eeko mbareegwa, at Pilatut nen, “Nit eeruwok lak, at mban eerit nage yi nineebi a,” yinuk, at Yetut wonok wogwe yelok iige nagagerik, it yorage logonet, “Kit kiniki nen ta piinogo wokkiroorak mbakop? At Mbarabat ilik, Yetut endage Keritut yogwe nogo piinogo wokkiroorak a?” yoragagerak.

Matiyut 27:22

Yogo mbareegwa, at Pilatut nen, “Ndi, ti kenok, at Yetut endage Keritut yogwe yi, an nonggop eerogo pi o?” Yorage mbareegi, it abok nen at yogo logonet, “Eyo karo-karo paga nabenogo puurak aret o.”

Marakut 6:3

“At kwe Mariya aagaluk o wuka yi aret nogo lek a? At awuri Yakobut inom, Yotet inom, Yurat inom, Timon inom, nogo lek a? Ndi, at awurilogwe komologwe ninom monggoorak nogo lek a?” yinuk, at Yetut ineebi mbareegwaarak.

Lukat 1:27

Kwe tawe ambi aap kigin waka'lek endage Mariya Ndawut ombooluk endage Yutup miireegerak nogo wonage me, nappi wagagerak.

Lukat 2:48

Agalo-ogoba nogo nen wulaga nogo kwaakkogo nogogwaarik, “Ia!” yinuk, agalo nen, “Naagaluk o. Kat nonggop nduk, togop eeppinanggendak o? Kogoba nimbirak niniki piirik logonet, kwaakkabit wogoorak yi, niyet o.”

Lukat 2:7

aagaluk manggu aap aret ndareegerak. Ndake nagagerik, o aakumi nogo yugu menggam yagabit age mbareegi, elege nogo yum perenogo kambin-ndomba iname iri'ngga nonggo menggam nogome wimbereegerak.

Lukat 3:23

At Yetut eerikit nduk wagagerak nogo tahun 30 eeppunuk aret wareneegerak. It aakumi nen Yetut ti, Yutup aput mbareegwaarak. Ndi, Yutup ti, Eli aput.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Yaya 4:25

Yoge mbareegi, at kwe nogo nen, “At Mesias endage Keritut yogo monggoorak nogo woraagin an neenu aret o. At wage logomenggerik, yi wone ndi wone apit aret mbininogo yo'nirage logogin o.”