Matiyut 1:11 - Ala Wone Peenok Peebi Mbanak

¹¹ ndi, it aakumi Iterali o Mbaben wogoret nogogwaarak eyom paga at Yotiya nogo nen Yoyakin awuri inom ndaganake, eerit wundi wogogwaarak.

Matiyut 1:11 Iomraidhean Croise

2 Endagembogut 23:31

At Yowakat nogo ndarak kagak tahun 23 age paga endagembogut a'nuk, o Yerutalem logonet, wone lengganogo yorage kagak, tut kenagan peneneegerak. At agalo ti, awi Libana mendek aap Yeremiya apuluk kwe Kamutan aret.

2 Endagembogut 24:14

it aakumi ineebe ndeyak ambi eeriyak ineenggo'lek kero mban, mbo piinok, aap ineegin warak inoweewi inom, aap wim wakaa'ngget inom, o wuka inom, mbuti paga yi mendek ndi mendek ogobakkigika inom, it Yerutalem mendek abok aret ineebe lambunik sepuluh ribu wogonake, eereegerak.

2 Endagembogut 25:11

Pit nogo nogogwaarik, aap endagembogut eebe wonok nega inowe Nebutararan nogo nen it aakumi ando iigak nogogwaarak o kota time wonogwe nogo inom, it aap Mbaben inowe endagembogut inom ogogwaarak inom, ndi, it aakumi ugun nggininik iigak nogogwaarak nogo inom, wogoren nawak nduk koonogo piige,

2 Mbinineegwaarak 36:10

Tahun ambi eeppunuk, ambi eerikit nduk eeke kagak, endagembogut Nebukanetat nogo nen at Yoyakin wonok woraawak nduk, aap nappiya wagagerak wogo nogogwaarik, aap Yoyakin nogo waganggwi, yi mendek ndi mendek onggo nggwok Aliku ALA awi wurik me wonage nogo waganggwi, eeko nogogwaarik, wonok o Mbaben pi nogogwaarak. Ndi, at Nebukanetat nen aap Yoyakin ogobaluk Yerekiya nogo aap Yekura mendek inom, Yerutalem mendek inom, inowe endagembogut logowak nduk, mippereegerak.

2 Mbinineegwaarak 36:20

Eeke nagagerik, it Yekura mendek ando mbuuluk inoorulik teppiyareegerak nogo wogoren o Mbaben piya nage nagagerik, at inom, at apuri nogo inom, nen inayeloman mini eerogo piinok wonogwe iigak, aap Peritiya mendek inowe endagembogut nogo wage nagagerik, it Mbaben mendek tebenogo piinok, at abu'me aret piyareegerak.

Yetaya 13:1

It o Mbaben mendek eeppiyoorak Ala nen Amot aput Yetaya abinggaanggo paga yoreegerak nogo yi aret.

Yeremiya 39:9

Ti eerogo pogo nogogwaarik, aap endagembogut eebe wonok nega inowe Nebutararan nogo nen, it aakumi ando iigak nogogwaarak o kota time wonogwe nogo inom, it at inom ari wogogwaarak inom, it aakumi ugun nggininik iigak nogogwaarak nogo inom, wogoren o Mbaben naakit nduk, koonogo piige,

Ndaniyen 1:2

Oonda mbani unggwage kagak, at Ala nen aakumi Yekura mendek inowe endagembogut Yoyakim tebenogo puwak nduk, eeppege mbareegi, tebenogo punuk, Ala awi wurik me eekak ake nogo ando waawak nduk eeppege mbareegi, wagangge nagagerik, wonok o Mbaben at agugi alut eeke menggim yime pi woranuk, at agugi awi wurik me yi mendek ndi mendek abe kenok pege menggim nogome mambereegerak.

Matiyut 1:12

It aakumi Iterali o Mbaben wogoret nogogwaarak wonogo logonet, at Yoyakin nen Teyalitiyen ndake, Teyalitiyen nen Terubaben ndake,

Matiyut 1:17

Ti kenok, aap Abarakam nda'nagagerak kuli paga nen nok, Ndawut nda'nagagerak kuli paga, aap inombomini ineebe 14 aret nda'narit wundi wogwe, ndi, at Ndawut nda'nagagerak kuli paga nen nok, aakumi Iterali mendek o Mbaben wogoret nogogwaarak kuli nogo paga inombomini ineebe 14 aret nda'narit wundi wogwe, ndi, aakumi Iterali mendek o Mbaben wogoret nogogwaarak kuli paga nen nok, Keritut nda'nagagerak kuli paga inombomini ineebe 14 aret nda'narit wundi wogwe, eereegwaarak ti aret.