Ayup 4:3 - Ala Wone Peenok Peebi Mbanak

³ Kat nen aakumi ambik aret mamunirage, Ineenggi ndeyak wonogwe iinok, inomaawi eerogo piige,

Ayup 4:3 Iomraidhean Croise

Etara 6:22

Ndi, it Iterali iniki ale'nggen nggwok mbaruwak nduk, at Aliku ALA nen aakumi Atiyut mendek inowe endagembogut inikime eeppege mbareegi, Iterali inogoba Ala awi wukwi nogo yeenggwaaragagerak me, iniki ale'nggen nen laago endage, Oroti Piika'lek Mendek, ne aa'nduk nen nok ne 7 kuli aret lako nogogwaarak.

Ayup 16:5

Noone paga kiniki eyak wappinagage, Aaninggin kinoba wonage nogo tayok yuwak nduk, Kinabuwa mbake logonet, yokkirage, Eeke logonetak o.

Ayup 29:11

Aap inamendek lek tebenak wonogwe nogo nen, Yeenggwa niret o, yinuk, Inoone nggwok paga yogwe iinok inagap ndake, Wologwe-komologwe moono yeenggwaaraga'lek iinok, yeenggwaarage, Eeke nagagirak me, An nabok inaruk konembunuk, Wi! yogwe, Inigen pe'neenok, nendage tiyappanugwi, Eeko nogogwaarak o.

Ayup 29:15

Inigen mbuk iinok, inigen kwak an aret age, Iniyok yilugu iinok, iniyok kwak an aret age,

Ayup 29:16

Elege moono iinok, inogoba kwak an aret age, Aap nggiru ineebe neenggo'lek kwe, alom liippunuk, inawone mbangge,

Ayup 29:21

Ne ti eyom paga noone ari neegak, Aakumi nen inabolok lek logonet konenggwi, Inaruk wake neegak, inoone lek waganggwi,

Ayup 4:4

Yigeebu wanggwi iinok, koone paga nen iniki eyak wappiige, Inowak lek agaatak kenok, pigiren nage, Eeke menggendak kwe,

Kini Wuppiige 10:21

Aap iniki abe koonak inoone paga nen aakumi ambik iniki kole eerogo piigo menggaarak kwe, Aap iniki lek wi nogo perak, iniki lek me, we aret kanggo menggaarak.

Kini Wuppiige 15:7

Aap iniki warak nen agan nugwi paga yi wone ndi wone ineenu eeppiinet nugu menggaarak kwe, Aap iniki lek wi kenok perak, togop eekulik o.

Kini Wuppiige 16:21

Aap iniki warak kenok, “Wone mbet-mbet yelok kaga o,” yinuk, yogwe, Ndi, aap wone kigirikwe ari paga nen, “Aap ti, abet aret ari,” mbakwi, Eeko menggaarak.

Yetaya 35:3

Kineenggi ndeyak aago wonogwe, kinendop yilugu wonogwe, eerak wonogwe yi, kinomaawi eekkologo logonip o.

Yetaya 50:4

Aakumi inomaawi lek agaarak wonogwe nogo iniki eyak wappiyoorak wone neenu arikit nduk, Aliku Itok Menggerak ALA nen, “Ndogop yu o,” yinuk, mamunnake menggerak o. Ko'lu-kii'me kubondendok paga neenik eerogo panege, Aap ambi mamunirage kenok, apuri inaruk liirogon konenggo mengga kwak, naruk liirogon konengge logokit nduk, eeppanege, Eeke menggerak.

Yetikiyen 13:22

An nen iniki aaninggin eeppiiga'lek neegak, it pilit pugunit nogwe paga aap iniki abe koonak nogo, iniki aaninggin ndugu eerogo piinet nogwe, ndi, it aap maluk eeka nogo, it maluk eerit nugwi mbo punuk, inagap ndakkologwe iyo, iniki nomonogo piigwi, eeko nogogwaarak me,

Tepaniya 3:16

Ne ti eyom ari wage kenok, it aakumi nen at Yerutalem yogo logonet, “Kat Tiyon yi wae. Kagabiti nen komanggen tayok ari ti, mage o.

Lukat 22:32

kat kiniki noba panggombunuk, abet nombake nogo, lek age kero, an kake tamban eekirak o. Yungguninuk kiyok paga nowagam wage logomenggendik perak, kawuri yi, iniki eyak wappiige logomunggun o,” yinuk, yoreegerak.

Lukat 22:43

Yoge mbareegi, malayikat ambi mbogut paga nen at owagam tena'me ari wage nagagerik, iniki eyak wappereegerak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Pelaareegerak 3:28

Yo'nege nagagerik, at Yotuwa eeriyak yo'nege logonet, At Yotuwa nen nggween kat kenegen kamenggendak nogo it aakumi Iterali ineyate kwak unde logowak nduk, aa'nduk a'nuk wogoren enebaga wunda nagin me, iniki kwi'ndak nu'lek logowak nduk, kini wuppet o, yinuk, yo'nereegerak.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.

Iberani 12:12

Togop me, kinaganak nuk-nuk kirage logonet, kineenggi-kiniyok ndeyak eekkinake nogo kinomaawi eekkologo logomonggotik,