Ayup 1:3 - Ala Wone Peenok Peebi Mbanak

³ Ndi, at aanggumi kambin-ndomba tujuh ribu. Unta ti, tiga ribu. Tapi mbere'mbo lingginik lima ratus. Keledai kooli lima ratus. Ndi, ayeloman mini ti, ambik lombok aret wonogogwaarak. It aakumi oonegen wundi wage menggim pa'nggwe wonogwe ti, inenggela'me aap nggwok eenggi warak lombok at alik aret wonagagerak.

Ayup 1:3 Iomraidhean Croise

Wakkagagerak 12:16

Wonok pi nogo mbareegwa, at aap endagembogut nogo nen kwe Tarayi nogo, “Koloorak,” mbake logonet, iniki obeelom paga Abaram imbirak lambungge nagagerik, kambin-ndomba inom, lembu-tapi inom, keledai ngguunok-kooli inom, ayeloman kumi-aap inom, unta inom, abok kuwak eerogo Abaram wogoreegerak.

Wakkagagerak 13:6

Ndi, it Abaram Lot imbirak inaanggumi apit ogogwaarak paga o taganak mbuuluk aret me, imbirak o ambi'me logorak meek aret age mbareegi,

Wakkagagerak 24:35

At Aliku ALA nen nogoba Abarakam ale'nggen oba pege logonet, aanggumi tapi-ndomba inom, keledai-unta inom, mbuti wu perak-emas inom, ayeloman mini kumi-aap inom, alik negen ngginu-ngginu eerogo wogoreegerak paga aap nggwok eenggi warak aret agagerak wonage o.”

Wakkagagerak 25:6

at kangga'lek awo eenik logonet, it kumi ando wogonabeegerak inaagalogwe aap kenok, inabuwa nen amendek ambitak tumburirage nagagerik, Itak inom lambunik wonogwe iyo nduk, o Kanan oonegen wundi wage menggim pa'nggwe o nda time nappiyareegerak.

Wakkagagerak 29:1

Nogo abu aret eeppege nagagerik, at Yakup noorak mbareegim it aakumi o Kanan ambo'me oonegen wundi wage menggim pa'nggwe wonogo menggam nogome aret nagagerak.

Wakkagagerak 32:14

kambin kooli dua ratus, ndi, ngguunok 20 inom, ndomba kooli dua ratus, ndi, ngguunok 20 inom,

Wakkagagerak 34:23

Ti eeppunuk, ninom logonet, it inaanggumi kambin-ndomba inom, it inamindik-inamendek inom, inaanggumi alik mendek inom, nit unde arugun nogo lek mbakop? Unde arugun aret me, yagaarak nogo ti, Op aret o, yinuk, eekwi niinok, ninom aret logogun o,” yorogogwaarak.

2 Tamuwen 12:2

Aap eenggi warak nogo aanggumi kambin-ndomba inom, lembu-tapi inom, ambik aret wonagagerak.

1 Endagembogut 4:30

it aap oonegen lagi wage menggim pa'nggwe inom, it aap Metit mendek abok aret inom, at Eteraki mendek Etan inom, at Makon apuri Keman inom, Kalikon inom, Ndarara inom, it yi aap ndi aap abok aret iniki warak yi wone ndi wone abok aret ineenu kwe, at Talomo kwak ambi wonogo logolik o. At Talomo nogo ti, iniki warak yi wone ndi wone abu iya negen eenu wonagagerak me, endage yi aakumi ndi aakumi enaagan-ambokan wonogwe me nogome wiganinuk nage nagagerak.

2 Endagembogut 15:20

At Menakem wu wogoreegerak nogo ti, it Iterali mendek abok aret oone omaawi paga wu pi woraawak nduk yorage logonet, it aap ineenggi warak nogo perak, inalitak lombok wu nggwok mbuti perak aaninggin oolo irimbaga wakkagak pi woraawak nduk, yoragagerak iri wogo mbareegwa, aap Atiyut mendek inowe endagembogut nogo wogoge mbareegi, o time logolik ame aret nagagerak.

2 Endagembogut 3:4

Ndi, it aakumi o Mowap mendek inowe endagembogut Meta nogo aanggumi ndomba unde wonagagerak. Unde wonagagerak me, at nen ndomba aagalogwe seratus ribu inom, ndomba ngguunok seratus ribu ineeruwak mbanak inom, inarum wonage onggo Iterali inowe endagembogut wogoge nagagerak.

1 Mbinineegwaarak 27:30

Unta ambik wonogwe inarum wonagagerak nogo ti, aap Itamayen mendek Obin aret. Keledai ambik wonogwe inarum wonagagerak nogo ti, aap o Meronot mendek Yekereya aret.

2 Mbinineegwaarak 32:29

ndi, at Ala nen eenggi warak lombok eerogo pereegerak me, o nambit-mbit wurogo pit nage, kambin-ndomba inom, tapi-lembu inom, ambik kunogo pit nage, eereegerak.

Ayup 1:10

Kat nen at inom, aaganapuri inom, amindik-amendek abok aret inom, mangga wagak yengget-wangget yagat wurogo piigendak nogo lek a? Wurogo piige nagandik, at eerit nage nogo abe mban arit nage logowak nduk, kale'nggen oba pege menggendak paga at wonage menggim aanggumi kambin-ndomba ambik lombok wigak yegerak nogo o.

Ayup 1:4

Apuri wologwe nogo nen ne ambi paga at ambi ame inale'nggen nen laago lakwi, ne ambi paga at ambi ame inale'nggen laago lakwi, eerit nogo logonet, iniriwi kumi kenagan nogo inom aret noorak nduk, inayonggo piigaatak wogwe iinok, inom aret mbi inom, niyo inom, nonggo nogogwaarak.

Ayup 21:28

Kit nen an yo'nogo logonet, Aap nagawan awi wonagagim ngge o? It aap maluk eeka inawi wuppatinuk, wonogogwam nogo nggeeme wonage o? Yinuk, yo'nugwi kiigirak me,

Ayup 29:25

Ndogop eeko logonip o, yinuk, koonogo piige, An inowe logonet, inarum wonage, Ineegin warak inenggela'me inowe endagembogut kwak, An togop aret inenggela'me wonage, Aakumi iniki wakkologwe me, iniki eyak wappiiga kwak age, Eeke nagagirak o.

Ayup 31:25

Neenggi warak wonage me, niniki ale'nggen nggwok mbake, Eerit nage nogo paga Namendek ambik kuwak eerogo pakirak kenok, niniki tiyappake,

Ayup 31:37

Nengga teerogon at owagam nanuk, Eerit nage nagagirak nogo mbinik-mbenak eerogo yoge, Ee'netak o.

Ayup 42:10

At Ayup nen oreewi inake tamban eeke mbareegi, ti'nuk, Aliku ALA nen at Ayup amendek aa'nduk wonagagerak nogo obaane'me wogoge logonet, oba luunogo ambik lombok aret wogoreegerak.

Ayup 42:12

At Aliku ALA nen Ayup aa'nduk eenik wonage kagak ale'nggen oba pege nagagerak kwak lek peebi eenik wonage kagak ale'nggen ambik oba pereegerak. Pege kagak, aanggumi kambin-ndomba empat belas ribu inom, unta enam ribu inom, lembu mbere'mbo seribu inom, keledai kooli seribu inom, unde wonagagerak.

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.

Yeremiya 49:28

O Kerat inom, it Katot mendek inoweewi inendagembogut inabu'me piigo menggam inom, aap Mbaben mendek inowe endagembogut Nebukanetat nen tebenogo piyareegerak wone nogo yi aret. At Aliku ALA nen nen ari logonet, “At nen pilak ari logonet, o Kerat oonda mbani unggwage, It o oonegen lagi wage menggim pa'nggwe wonogwe nogo, lek eerogo piige, Eeruwak o.

Linggineegwaarak 23:7

Iya wage nagagerik, at Mbileyam nen ore warak negen peebi eeriyak wone nogo yoge logonet, “An puut nggelok-nggobok oonegen lagi wage menggim o Aram pa'nggwe time wonage me, Aap Mowap mendek inowe endagembogut Mbalak nogo nen, An woraawak nduk nayonggo pege logonet, Yakup pulunogo pege, it Iterali yi, pulunogo piige, Eeri mok o! Yo'negerak kwe,

Owak Loongga 6:3

Wonogo logonet, it Iterali mendek kulinik-kalinik yabu eeppunuk, yi mendek ndi mendek yakaatak nogo op age kenok, it aap Miriyan mendek inom, Amalek mendek inom, aap ando karume oonegen lagi wage menggim pa'nggwe wonogwe inom, nogo nen o tebenggolaawok nduk, wogo logonet,

Owak Loongga 7:12

Nogo nogogwaarik, it aap Miriyan mendek inom, Amalek mendek inom, aakumi apit oonegen wundi wage menggim pa'nggwe mendek inom, ineebe murip-malo pogom apit aret o alu'me kobappaga time inawooliya wuppatinuk wonogwe, ndi, it inaanggumi unta togop mban aap ineenggi lingginiyak abu meek, mbini kale'ngga pogom wonogwe, eekwi iyareegwaarak.

Owak Loongga 8:10

Ndi, it aap wim eeka oonegen wundi wage menggim pa'nggwe mendek wim namburuwak nduk, wogogwaarak ineebe seratus dua puluh ribu inookwi iigak, aap lima belas ribu peberagangge aago mbaganeegwaarak nogo aap Teba Talumuna imbirak inom o Karokot time aret wonogogwaarak.

1 Tamuwen 25:2

Nage nagagerik, wonage kagak, aap ambi awi Mawon anebunu Kalep mendek endage Naban. Ndi, at akwe endage Abigayin. Akwe Abigayin nogo eebe abu kigirikwe iniki warak lombok wonagagerak kwe, at ogonggelo Naban nogo perak, ogogun ambik obaabut mondok maluk aret wonagagerak. O Karemen time anggween nggwok eenggi warak lombok me, aanggumi ndomba tiga ribu kuli, ndi, kambin seribu kuli aret wonagagerak. Ne ti eyom paga ndomba ineeruwak mbangge me,

1 Tamuwen 27:9

Ti eerit nogo logonet, aap inom, kumi inom, ineenik ambi teppiigo logolik tigitogon inooko logonet, inaanggumi tapi-ndomba inom, keledai-unta inom, inayum inom, apit aret waganggo nagaatik, iniyokan aap Akit wonage me ka wogo nogogwaarak.