2 Tamuwen 8:6 - Ala Wone Peenok Peebi Mbanak

⁶ Inoorogo piinok, at Ndawut awuri ineegin warak nogo, it aakumi Aram mendek tebembiinok logowak nduk, inawi kota Ndamitik nogome piya nagagerak. Piya nage mbareegi, it Aram mendek nogo, Ndawut abu'me tebenak logonet, inarum wonage onggo wogori wogo nogogwaarak. Ndi, at Ndawut nogo, yi o ndi o wim eerit nege kagak, Aliku ALA nen Ndawut eegin tiyappege nagagerak.

2 Tamuwen 8:6 Iomraidhean Croise

2 Tamuwen 10:19

It aakumi inoweewi inendagembogut aap Kararetet abu'me logonet, oone konenggo nogogwaarak nogo nen yogo logonet, “It Iterali nen abu aret tebenogo pinanugwi iigo o.” Yogo nogogwaarik, it Iterali inom paalungga wappunuk, inabu'me logonet, inoone konenggo nogogwaarak. Ti eereegwaarak paga it aap Aram mendek nen aakumi Amon mendek yeenggwaaroorak inagabiti ogogwaarak.

2 Tamuwen 23:14

Ka nogo mbareegwa, at Ndawut inom yugum pak wurogo pereegim wonogwe, ndi, it Pilitin mendek wim nambuka ando o Mbe'lekem wonogwe, eekwi iigak,

2 Tamuwen 7:9

Pege nagagirik, at nggeeme noorak iniki koombunuk nage kenok, an nimbirak aret nage, an naa'nduk a'nuk awim mendek inoorogo piige, eeke nagagirik, yogondak it aakumi nggween paga inendage warak mengga kwak, at endage warak togop aret eerogo pigin o.

2 Tamuwen 8:14

At Ndawut nogo, it Erom mendek tebembiinok logowak nduk, at awuri ineegin warak nogo, o Erom nogome nappiinet nage mbareegi, it aakumi Erom mendek abok aret Ndawut abu'me tebenak aret wonogogwaarak. Ndi, at Ndawut nogo, yi o ndi o wim eerit nege kagak, at Aliku ALA nen Ndawut eegin tiyappege nagagerak.

2 Tamuwen 8:2

Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

2 Tamuwen 8:7

At Ndawut nen aap Kararetet awuri wim eeka inoweewi inanggeemu mbuti emas mendek paga eerak nogo wagangge, ti'nuk, aap Kararetet unde wonagagim o kota mbere Mbeta inom, Mberotayi inom, nogome nen mbuti tembaga mendek apit aret wagangge, ee'nuk, o Yerutalem wonok wagagerak.

1 Endagembogut 4:21

Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.

2 Endagembogut 1:1

At aap Akap kambeegerak kagak it aakumi o Mowap mendek nen, “Aap Iterali mendek wone lengganogo yo'nirage logorak nineebi o,” yinuk, yereegwaarak.

2 Endagembogut 14:28

At Yerobeyam endagembogut a'nuk wone lengganogo yorage logonet, eerit nage nagagerak inom, inom wim eeke logonet endage nggwok agagerak inom, o Ndamitik Kamat imbirak Yekura unde wonogwe me, ndinogo Iterali wogoragagerak inom, ando abok ti, it aap Iterali inoweewi inendagembogut eeko nogogwaarak liiru mbanak paga, inom mbanak wonage nogo lek a?

2 Endagembogut 18:7

Eeke kagak, at Aliku ALA imbirak wonage me, at eeriyak iniki koonggetak nogo, a'me nggelok mban age nagagerak. At nogo nen, “It Atiyut mendek inowe endagembogut nen wone lengganogo yo'nirage logorak, neebi o,” yinuk,

2 Endagembogut 3:4

Ndi, it aakumi o Mowap mendek inowe endagembogut Meta nogo aanggumi ndomba unde wonagagerak. Unde wonagagerak me, at nen ndomba aagalogwe seratus ribu inom, ndomba ngguunok seratus ribu ineeruwak mbanak inom, inarum wonage onggo Iterali inowe endagembogut wogoge nagagerak.

1 Mbinineegwaarak 18:13

Inoorogo piige nagagerik, it Erom mendek tebembiinok logowak nduk, at awuri ineegin warak nogo, o Erom nogome nappiinet nage mbareegi, it aakumi Erom mendek abok aret Ndawut abu'me tebenak aret wonogogwaarak. Ndi, at Ndawut nogo, yi o ndi o wim eerit nege kagak, at Aliku ALA nen Ndawut eegin tiyappege nagagerak.

2 Mbinineegwaarak 17:2

o Yekura kota-kota pak wurik me nogome inom, o Yekura kota-kota endekenggwe inom, at ogoba Ata o Eparayim kota-kota tebeneegim nogome inom, abok aret at awuri ineegin warak piinet nagagerak.

Ndawi 140:7

Kaliku Kitok Menggendak ALA wae. Kat nagap ndaka komaawi lombok wonage, Nawim nen nooriyak eekwi me, Nanobak kin age neyo, noba'nake, Eeke menggendak me,

Ndawi 60:10

Kat Ala nen aret eeriyak kwe, mbo pinanege, Nawuri wim eeka ninom wundi nogwe me, kat ninom wundi naga'lek puk age, Eeke menggendak nogo o!

Kini Wuppiige 21:31

Wim eeriyak age kero, kuda paga panggombunuk pipuk eerogo pogo menggaarak kwe, Ineegin tiyappege menggerak nogo ti, Aliku ALA nen aret o.

1 Tamuwen 13:3

Ti'nuk, at Yonatan nogo nen aap Pilitin mendek ineegin warak ando o Nggeba time wonogwe me, inoba kwi'nage logonet, inooreegerak. Inooreegerak wone nogo it Pilitin mendek inaruk konenggo mbareegwa, Tawun nen yi o ndi o aakumi Iterali wonogwe me, oone nggwok eeka trompet nogo oone eerit nawak nduk, yoragagerak oone eerit nogo logonet, “Kit Iterali mendek abok aret kinaruk logonip o.

1 Tamuwen 14:1

Ne ambi paga at Yonatan nen wulaga tawe at eegin wonok nega nogo yoge, “It aap Pilitin mendek enebaga tum wakwi me wunda nawok nduk, omok o.” Yoge nagagerik, ogoba yo'nuk lek aret wunda nagagerak.

1 Tamuwen 14:15

Ti inooreegwaarak paga it aakumi Pilitin mendek nogo kogo nogogwaarik, inawooliyana wonogwe inom, ineyabume wonogwe inom, it tum wakwi wonogwe inom, it aakumi inamendek ndingga nogo inom, abok aret inaganak warit nage, nggween inom nuk-nuk eeke, eereegerak. Ti eereegerak nogo ti, Ala nen aret eereegerak.

1 Tamuwen 14:6

At Yonatan imbirak puut ti paga ari nanuk, aap tawe eegin wonok nega nogo yoge, “Aliku ALA nen aakumi mbereeluk kenok, Aaninggin o, yinuk, mbo piigeelik mbereeluk aago inom, apit aago inom, ndak-ndak aret yeenggwaarage menggerak me, ninom a'nuk, it aap inagabolo mbana'lek Pilitin mendek tum wako menggam wonogwe me time nawok nduk, omok o.”