2 Tamuwen 8:4 - Ala Wone Peenok Peebi Mbanak

⁴ Tebenogo piinok, at Ndawut nen anggweendo wim eeka kuda nen nikkenok nega nogo seribu piginake, awuri ineegin warak kuda paga yarugu nogo menggaarak ineebe tujuh ribu piginake, ndi, it aap wim eeka iniyok paga nugu menggaarak ineebe dua puluh ribu piginake, eeke nagagerik, kuda piginabeegerak nogo, abok aret iniyok andelen inomanggen mbanogo piige logonet, eegu we 100 mban nggweendo wim eeka nigiren nugu logowak nduk, teppiyareegwaarak.

2 Tamuwen 8:4 Iomraidhean Croise

Wakkagagerak 49:6

Kinanini nen aap inookwi, Kiniki mba'nuk tapi-lembu iniyok omanggen mbanogo piigwi, Eeko monggotak me, An ninom niniki ambit eeppunuk, ninom kuwak eeke, Ninom wone koongge, Eeke logogin lek o.

1 Endagembogut 10:26

Ti eekwi iigak, at Talomo nen nggweendo wim eeka ineebe seribu empat ratus inom, kuda wim eeka dua belas ribu inom, kuwak eeppiige nagagerik, o kota-kota nggweendo wim eeka logorak wureegim nogome piige, at wonage me o Yerutalem piige, eereegerak.

1 Mbinineegwaarak 18:4

Tebenogo piinok, anggweendo wim eeka nogo seribu wagangge, awuri ineegin warak kuda paga yarugu nega ineebe tujuh ribu piginake, ndi, it aap wim eeka iniyok paga nega ineebe dua puluh ribu piginake, eeke nagagerik, kuda piginabeegerak nogo, abok aret iniyok andelen inomanggen mbanogo piige logonet, eegu we 100 mban nggweendo wim eeka nigiren nugu logowak nduk, teppiyareegerak.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Pelaareegerak 17:16

Aap ti, mippugwi kiinok, at nen kuda ambik unde wakkolage, ndi, Aliku ALA nen, Ne ambi paga kit o Metit yime kiniyokan woroorak mage o, yinuk, yokkiragagerak kagak, at nen kit yokkirage logonet, O Metit paga kuda kuni nanip o, yinuk, yokkirage, eeke logorak mage o.

Yotuwa 11:6

Inawooliya wukkola wogo mbareegwa, at Aliku ALA nen Yotuwa yoge logonet, “O ko'lu yi eyom paga aret it aakumi ti, an nen waganogo kit wokkirage neenok, ineebe inoorogo piigwi, inaguda iniyok andelen mbanogo piigwi, ndi, inanggweendo ti, kani kunogo piigwi, eerumunggup me, aakumi ti, ineebe paga kinagabiti mbarugup o,” yoreegerak.

Yotuwa 11:9

Inoorit nogo logonet, at Aliku ALA nen Yotuwa yoreegerak nogo ndak-ndak aret kuda nogo iniyok andelen mbanogo piigwi, inanggweendo nogo kani kunogo piigwi, eereegwaarak.