2 Tamuwen 8:13 - Ala Wone Peenok Peebi Mbanak

¹³ Ndi, at Ndawut nogo Mayu Ogup Yenggenak Me kobappaga time it aap Erom mendek ineebe apit delapan belas ribu inooppunuk, iyokan wagagerak paga endage mondok nggwok wiganinuk nage nagagerak.

2 Tamuwen 8:13 Iomraidhean Croise

2 Tamuwen 7:9

Pege nagagirik, at nggeeme noorak iniki koombunuk nage kenok, an nimbirak aret nage, an naa'nduk a'nuk awim mendek inoorogo piige, eeke nagagirik, yogondak it aakumi nggween paga inendage warak mengga kwak, at endage warak togop aret eerogo pigin o.

1 Endagembogut 11:15

Inikime eeppereegerak nogo ti, maan aa'nduk Ndawut nen aakumi Erom mendek inom wim nambuke wonage me, awuri ineegin warak inowe Yowap nogo nen inoorak nogo nggween taambiyaakit nduk, nage nagagerik, aap Erom mendek ineegin warak abok aret inoorogo piinok, at aakumi Iterali abok aret inom nen eegu yumbuninik nogo, aap kero ambi teppiiga'lek abok aret inoorit nogwe iigak, tut 6 peneneegerak.

2 Endagembogut 14:7

Ti'nuk, ne ambi paga at Amatiya nogo, aap ineegin warak Erom mendek inom wim eeke logonet, o Mayu Ogop Menggim kobappaga time aap sepuluh ribu inoorogo piinok, o Tela tebenggolage nagagerik, endage Yoketen toonogo pereegerak o yogondak yogwe wonogwe aret o.

1 Mbinineegwaarak 18:12

At kwe Teruya aagaluk Abitayi nen aap Erom mendek ineebe apit delapan belas ribu aret o Mayu Ogup Yenggenak Me, kobappaga time inoorogo piyareegerak.

2 Mbinineegwaarak 25:11

Nogwe iigak, at Amatiya nogo agabiti lek aret awuri ineegin warak wogoren o Mayu Ogup Menggim Kobappaga time nogo nogogwaarik, it Teyit mendek inom wim nambuko logonet aap ineebe sepuluh ribu inoorogo piyareegwaarak.

Ndawi 60:1

Ala wae. Keebi ninomba'nuk mbo pinanege, Ninobak wurik ndengganogo pege, Kanini ninoba pinanege, Eekendak kwe, Aa'nduk obeelom wonogogu kwak Yogondak togop aret eeppinanu o.