2 Tamuwen 8:10 - Ala Wone Peenok Peebi Mbanak

¹⁰ at Towu Kararetet awuri inom wim mbanak wonagagerak me, Ndawut nen inooreegerak paga, “Ninili eekendak me, wa!” yinuk, keyage warogo mbuti perak inom, emas inom, tembaga inom, nogo paga yi mendek ndi mendek ogobakkigirik abok aret aap endagembogut Ndawut wogoruwak nduk, aput Yoram wonok nappi wagagerak.

2 Tamuwen 8:10 Iomraidhean Croise

Wakkagagerak 43:27

Keyage wappogo mbareegwa, at Yutup nen, “Kit kineebe nonggop wonogwe?” yinuk, kin wogiige logonet, “Kit kinogoba aap anggok wonage yo'nogotak nogo at eebe eenik wonage ilik?”

2 Tamuwen 8:11

At Yoram nen wonok aap endagembogut Ndawut iri wage mbareegi, Ndawut nen it aakumi Erom mendek inom, Mowap mendek inom, Amon mendek inom, Pilitin mendek inom, Amalek mendek inom, yi aakumi ndi aakumi tebenogo piyareegerak abok aret inagugun wogo mbuti emas inom, perak inom, Aliku ALA ake leenogo pege nagagerak ti kokwak, aap Yoram yi mendek ndi mendek wonok iri wagagerak inom, it Toba mendek inowe endagembogut aap Erekop aput Kararetet tebenogo pege logonet kugun waganeegerak nogo inom, Aliku ALA ake leenogo pereegerak.

2 Tamuwen 8:9

Wonok wagagerak wonage me, “At Ndawut nen aap Kararetet awuri wim eeka abok aret inookerak o!” yogwe nogo aap o Kamat mendek inowe endagembogut Towu nogo, aruk konengge nagagerik,

1 Endagembogut 1:47

Ndi, aap endagembogut Ndawut inom yabu eeko menggaarak nogo, ninowe endagembogut Ndawut owagam nogo nagaarik, Ninogoba wa! yinuk, keyage wappogo logonet, at yogwi, Kogoba Ala nen kendagembogut tiyappagage logonet, kat wone lengganogo yorage menggenom nggwok aret eerogo pagage nagagerak kwe, mbuuluk negen o. Ndi, at kaput Talomo perak, endage tiyappege logonet, at wone lengganogo yorage logowam abu nggwok lombok eerogo pege logogin o. Yogo mbaka, aap endagembogut Ndawut nogo, nogo yege menggim nen ena wanduk yinuk, Ala alut eeke logonet,

1 Mbinineegwaarak 18:10

at Kararetet awuri inom wim mbanak wonagagerak me, Ndawut nen inooreegerak paga, “Ninili eekendak me, wa!” yinuk, keyage warogo mbuti emas inom, perak inom, tembaga inom, nogo paga yi mendek ndi mendek ogobakkigirik abok aret aap endagembogut Ndawut wogoruwak nduk, aput Karoram wonok nappi wagagerak.

2 Mbinineegwaarak 32:23

Ndi, it aakumi ambik lombok nen Aliku ALA ake wonok o Yerutalem pi wogwe, yi mendek ndi mendek onggo nggwok mendek wonok it Yekura mendek inowe endagembogut Kitikiya iri wogwe, eeko nogogwaarak. Eereegerak ti kuli nen yi aakumi ndi aakumi apit aret at tiyappogo nogogwaarak.

Ndawi 129:8

Aakumi tu ti paga nogo logonet, “Aliku ALA ale'nggen koba wonage o,” yinuk, yogwi, “Nit kunduk Aliku ALA endage paga Ninale'nggen koba pagawi o,” yinuk, yogwi, Eerugun lek aret o.

Yetaya 39:1

Ne ti eyom paga aap Mbaben inowe endagembogut Mbalaran aput Merorak-Mbalaran nogo, Kitikiya andi eeke nagagerik, obeelom eereegerak konembunuk, liiru mbanak inom, ale'nggen mbaruwak nduk amendek inom, nappiya wagagerak wonok iri wogo mbareegwa,

1 Tamuwen 13:10

Awo kungge nagagerik, wonage me, Tamuwen nogo nage mbareegi, at Tawun nen keyage wappikit nduk ka wage me,