2 Tamuwen 7:5 - Ala Wone Peenok Peebi Mbanak

^5-7 “Kat nen, At Aliku ALA nen wone, Ndogop yegerak, nayeloman Ndawut yori nanok nduk, yokkiri o. O maan it aakumi Iterali o Metit nen wogoret wundi wagagirak kuli nok, yogondak yi kuli paga, an logorak o abe wurogo panulik ooliya-ooliya mban wurogo panit nugu menggaarak o. Aakumi Iterali abok aret ninom yagak-ndagak nugu logonet, it ndomba ndegeninako mengga kwak an napuri Iterali ndegeninako logowak nduk, yoragagirak inoweewi inarum wonogwe nogo, ambiriluk ambi yoge logonet, Nonggop nduk an nawi eyo abe nggabina paga wuppanega'lek agandik, yoreegirak ya? Lek aret me, at nen aret wurogo paniyak ari agaarik?

2 Tamuwen 7:5 Iomraidhean Croise

2 Tamuwen 7:4

Yoreegerak kwe, oonikiya ti eyom paga at Aliku ALA nen Natan owagam wage nagagerik, yoge logonet,

1 Endagembogut 5:17

Ndi, Ala awi owak kwippuurak yugum yo'nggok mondok omaawi mendek loonogo punuk, wonok woraawak nduk, at endagembogut nogo nen wone lengganogo yoragagerak.

1 Endagembogut 6:12

“Kat o wuke yime logonet, eeke logorak wone ambi yokkiri o. Wone lengganak nogo mugurok nage, eeko logorak wone yugu nogo eerit nage, ndi, Yogop ee'nu ndogop ee'nu, yugu nogo abok aret liirogon porogo logonet mugurok nage, eeke keenok, kat kogoba Ndawut eeppuurak koonogo yoreegirak nogo aret eeppagage logogin o.

1 Mbinineegwaarak 17:4

“At Aliku ALA nen wone, Ndogop yegerak o, yinuk, nayeloman Ndawut yori nanok nduk, yokkiri o. O maan it aakumi Iterali o Metit nen wogoret wundi wagagirak kuli nok, yogondak yi kuli paga, an o abe wurik me wonageelik inawooliya wuppunuk wonogwe iinok, an time wonage, mininuk, nanuk wukwi iinok, an time ari nage, eerit nage minggirak nogo o. Iterali abok aret ninom yagak-ndagak nugu logonet, it ndomba ndegeninako mengga kwak an napuri Iterali ndegeninako logowak nduk, yoragagirak inoweewi inarum wonogwe nogo, ambiriluk ambi yoge logonet, Nonggop nduk an nawi eyo abe nggabina paga wuppanega'lek agandik, yoreegirak ya? Lek aret me, at nen aret wurogo paniyak ari agaarik? Lek aret mbaki o.

1 Mbinineegwaarak 28:3

at Ala nen an yo'nege, Kat wim eeka logonet, aakumi inooke nagagindak inamiya keenggi paga wonage me, an nendage ki logowam kat nen an nawi wuriyak lek o, yo'nereegerak.

Kini Wuppiige 16:1

Aakumi nen eeriyak inikime koonogo pogo menggaarak kwe, Eebe eeriyak perak, Aliku ALA nen aret, “Eeriyak op o,” yinuk, yorage menggerak.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?