2 Tamuwen 7:25 - Ala Wone Peenok Peebi Mbanak

²⁵ Togop aret me, Kaliku Kitok Menggendak nogoba Ala wae. An kayeloman inom, napuri-nombowologwe wigannarugun inom, eerogo pinaniyak wone koonogo yo'negendak nogo, a'me lik togon aret eeppinanege logomunggun o.

2 Tamuwen 7:25 Iomraidhean Croise

2 Tamuwen 7:24

It aakumi Iterali mendek ti, kat kapuri mondok-mondok logowak nduk, koonogo piyareegindak me, Kaliku inogoba Ala kat aret agagindak o.

2 Tamuwen 7:26

Kat kendage mondok-mondok tiyanak logowak nduk, wone yagandak nogo ti, a'me nggelok togon eeke keenok, it aakumi nen, At Omaawi Lombok Menggerak Aliku ti, aakumi Iterali inogoba Ala aret kogo, yinuk, yogo logogun o. Ndi, kat kenegen wo'ninake keegak, an kayeloman Ndawut napuri-nombowologwe wiganak nen mban it kapuri Iterali mondok-mondok inarum logogun o.

1 Endagembogut 2:4

ndi, at Aliku ALA nen an eeriyak wone abuk nggaruk togon yo'nege logonet, Kat kapuri-kombowologwe nen it eerit nugwi nogo liippunuk, iniki inom, ineebe inom, abok aret noba panggombunuk, wone an yorage nogo ndak-ndak liirogon aret eekwi iinok, it Iterali inoweewi inendagembogut logonet, wone lengganogo yorogo menggam aap alik ambi mi'narigin lek kapuri-kombowologwe mban aret kobaane'me mi'narit wundi wogo logogun o, yinuk, yo'nereegerak nogo a'me nggelok ari, eeke kaamunggun o.

1 Endagembogut 8:26

Togop aret me, aakumi Iterali inogoba Ala wae. Kayeloman nogoba Ndawut wone koonogo yoreegindak nogo, o yogondak aret kin aruwak nduk, eerit nage logot o.

2 Mbinineegwaarak 6:17

Togop aret me, Kaliku aakumi Iterali inogoba Ala wae. Kayeloman nogoba Ndawut wone koonogo yoreegindak nogo, o yogondak aret kin aruwak nduk, eerit nage logot o.

Ndawi 119:38

It aakumi kayuk wuko logowak nduk, An kayeloman yi, wone koonogo yo'nireegindak nogo Ndak-ndak eerogo panege,

Ndawi 119:49

Niniki ambi lunik logokit nduk Wone koonogo pereegindak me, An kayeloman yo'nireegindak nogo aberu o.

Yetikiyen 36:37

At Aliku Itok Menggerak ALA nen yegerak nogo yi aret. “Aa'nduk it Iterali mendek nen, Nineebe ambik wigannaruwok o, yinuk, yo'nogo mbareegwa, ambik eerogo piyareegi kwak, ambinom yo'niriyak, Op aret, mbake neegak yo'nugwi iinok, ndomba ineebe ambik lombok mengga kwak,

1 Tamuwen 1:23

Yoge mbareegi, at Elakana nen akwe nogo yoge logonet, “Kat eeriyak op mbakendak ti aret eeru o.” Yoge nagagerik, “Yilak mbaniyak tokkage keegak, Aliku ALA nen yokkegerak nogo ndak-ndak aret aruwak o.” Yoge nagagerik, at akwe-apuri ando nogo inom wogwe iigak, at Kana nogo oome logonet, aagaluk elak wogoge nagagerak. Ndi, yilak mbaniyak eyom panggoni wage mbareegi, yilak mbaneegerak.