2 Tamuwen 7:24 - Ala Wone Peenok Peebi Mbanak

²⁴ It aakumi Iterali mendek ti, kat kapuri mondok-mondok logowak nduk, koonogo piyareegindak me, Kaliku inogoba Ala kat aret agagindak o.

2 Tamuwen 7:24 Iomraidhean Croise

Wakkagagerak 17:7

Yoge nagagerik, “Kat inom, kapurilogwe wigannaremenggaarak inom, kinogoba Ala an aret logogin o,” yinuk, “Kat nimbirak wone abuk nggaruk togon mbaneegurak nogo ti, kat kombowologwe ninom mbaneegurak negen aret me, lek arigin lek mondok-mondok aret logogin o.

Wakkagagerak 17:8

Kat aap nggiru negen menggenom o Kanan nggwok yi abok aret, kat inom, kombowologwe wigannaremenggaarak nogo inom, mondok-mondok unde logomunggup nduk wokkiraagin o. Ndi, kombowologwe wigannaremenggaarak nogo inogoba Ala an mondok aret logogin o.”

2 Tamuwen 7:23

Kat Ala nen it aakumi Iterali inagap ndarogo kat kapuri lombok aruwak nduk, o Metit paga tebenak wonogwe me, wondet eerogo piige, kendage tiyak yuwak nduk eeke, ndi, kat kaa'nduk a'nuk, mondok iya lombok tam warak negen eeke logonet inawim mugogo wumbiige, inagugi tebenogo piige, eereegindak me, o nggween paga yime abok aret it kapuri Iterali pogom ambi wonogwe lek aret o.

2 Tamuwen 7:25

Togop aret me, Kaliku Kitok Menggendak nogoba Ala wae. An kayeloman inom, napuri-nombowologwe wigannarugun inom, eerogo pinaniyak wone koonogo yo'negendak nogo, a'me lik togon aret eeppinanege logomunggun o.

1 Mbinineegwaarak 17:22

It aakumi Iterali mendek ti, kat kapuri mondok-mondok logowak nduk, koonogo piyareegindak me, Kaliku inogoba Ala kat aret agagindak o.

Ndawi 48:14

Puut yi paga menggerak Ala nogo ti, Mondok-mondok ninogoba Ala aret me, At nen ndegenninabit wundi wage tit kagak, Kambi noorak kuli aret ari woraagin o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Wundeegwaarak 6:7

An nen Abarakam inom, Itak inom, Yakup inom, nggween wogoroorak abet mbaruwak nduk, nendage kunogo yoragagim nogome napuri piya nage logominggirik, unde logowak nduk wogoraagin o, yinuk, Naliku an ALA nen aret yagi, yegerak, yoret o,” yinuk, yoreegerak.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 32:38

It an napuri aret ogwe, ndi, an nen it inogoba aret age, eerugun o.

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Yaya 1:12

Eebe wagangga'lek aret wonogogwaarak kwe, it ando iniki at oba panggombunuk, abet mbako nogogwaarik, waganeegwaarak nogo yorage logonet, “Kit mondok-mondok Ala apuri aret logomunggup o,” yinuk, it abok at apuri aret aganabeegerak.

Pelaareegerak 27:9

Yorogo nogogwaarik, at Muta inom, it aap Ala unde Lewi mendek inom, it nen aakumi Iterali apit aret yorogo logonet, “Nowe-nawot Iterali yi wae. Kinoone lek kinaruk liirogon konenggo logonip o. Ne yogondak yi paga aret at Aliku kinogoba Ala apuri aret ogotak me,

Pelaareegerak 32:6

Kit aakumi kiniki lek wi-wa yi wae. Ala nen obeelom eeppinagit wage onggo nogo togop eeriyak op mbakop? At Ala ti, kinogoba a'nuk, kinonggo mbanogo pinagage, Kinanebunu ambit mendek agago pinagage, Eereegerak ti lek mbakop?

1 Peterut 2:10

Kit maan aa'nduk nen Ala apuri lek aret wonogogutak kwe, yogondak perak, at apuri eekkinabeegerak wonogwe, ndi, kit aa'nduk Ala nen kinabuwa mbake nagagerak nogo kineenggo'lek wonogogutak kwe, yogondak perak, at Ala kinabuwa nen obeelom eeppinagage nogo liippugwi, eeko ogotik o.