2 Tamuwen 7:21 - Ala Wone Peenok Peebi Mbanak

²¹ Kat mondok iya negen eeppaniyak an kayeloman eerogo nappani wagandak yi, kat wone yo'negendak a'me nggelok ari, ndi, kat eeriyak kiniki mbake nogo ndak-ndak age, eeruwak nduk, wone eerogo nappani wagandak o.

2 Tamuwen 7:21 Iomraidhean Croise

1 Mbinineegwaarak 17:19

Kat mondok iya negen eeppanege logonet, Ndogop eeppagarak o, yinuk, wone mondok iya lombok yo'niruwak nduk yogendak yo'niri wagaarak yi, An kayeloman wone yo'negendak nogo a'me nggelok ari, ndi, kat eeriyak kiniki mbake nogo ndak-ndak age, eeruwak nduk, wone eerogo nappani wagandak o.

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Matiyut 11:26

Yi eereegindak nogo ti, kinikilom mba'nuk eereegindak me, kat nogoba wa, yokkigi o.”

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Lukat 1:72

At nen ninombomini inabuwa nen obeelom eeppiyoorak, yoragagerak nogo aret eeppiige, Ndi, wone mondok alik leenak at endage kumbatinuk, ninombo Abarakam yoreegerak nogo, a'me lik yuurak nduk, abeke, Eerikit nduk, eereegerak o.

Lukat 10:21

Ne ti eyom paga Aberiniki Yetut inikime mondok lik ari mbareegi, ale'nggen nen keyage wake logonet, “Mbogut nggween unde kat nogoba wa yokkege agarik o. Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, mbuulogwe ngget ndarak pogom paganogo yoragagindak me wa. Kinikilom mba'nuk eereegindak me, nogoba wa, yokkigi o.”

Lukat 12:32

Yorage nagagerik, at Yetut nen, “Nandombalogwe wae! Ala nen kit at abu'me pinagarak inikilom mbareegerak me, kinagabiti mbarugup o.

1 Korindut 1:1

Ala iniki mbareegerak paga an Pawulut nappiigak mendek logonet, Keritut Yetut wone wonok nege logokit nduk, nayonggo paneegerak ninore Totenet nimbirak nen

Epetut 1:9

“Keritut nen togop eeppiyaawak o,” yinuk, inikilom mbake nagagerik, koonogo pereegerak kote kumaarak wonage nogo aret paganogo yo'niragagerak.

Epetut 3:11

At Ala nen eereegerak nogo ti, ninowe Keritut Yetut nen eeppinanege logowak nduk, o maan togon koonogo pereegerak itok wonagagerak nogo ndak-ndak aret eereegerak o.

Epetut 4:32

Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Pelaareegerak 9:5

Kit nen obeelom eekwi, kiniki abu koonak wonogwe, eeko logomonggotak paga aakumi inanggween time unde arumunggup nduk, unggwi namunggup lek o. Ata, at Aliku kinogoba Ala nen wone abuk nggaruk togon kumbuk mbanogo kinombomini Abarakam inom, Itak inom, Yakup inom, yoragagerak nogo a'me lik yuwak nduk, eeke logonet, It aakumi inanebunu abok maluk lombok eekwi me, yinuk, at aa'nduk a'nuk mugogo wumbiyaagin o.