2 Tamuwen 7:14 - Ala Wone Peenok Peebi Mbanak

¹⁴ An ti, at ogoba aret age, Ndi, at ti, an naput aret age, eerugun me, maluk eeke kenok ti, aap ambi nen apuluk iniki koonnaruwak nduk, muun yawi paga wake menggi kwak, aakumi nen at togop aret aaninggin oba pogo logowak nduk, eeppiige logogin o.

2 Tamuwen 7:14 Iomraidhean Croise

1 Endagembogut 11:34

Togop aret eerigin kwe, at abu'me piinok wonage menggim abok aret eenggime nen ndinigin lek o. An miireegirak nayeloman Ndawut, Yogop ee'nu ndogop ee'nu, wone yugu inom, eeko logorak wone yugu inom, liirogon eeke nagagerak paga Talomo kangga'lek eenik awo wonage kagak wone lengganogo yorage logorak mippereegirak me, mbet-mbet ndinigin lek o.

1 Endagembogut 9:6

Togop eeppagagin kwe, kat ilik, kapuri a, wone, Yogop ee'nu ndogop ee'nu, yugu inom, wone lengganak inom, an yokkiragagirak nogo eeka'lek taganogo mbo punuk, melak togon an Ala nalut eekwi nobaane'me kugi eerit nogo logonet, inayuk wukwi kiinok perak,

1 Mbinineegwaarak 17:13

An ti, at ogoba aret age, ndi, at ti, an naput aret age, eerugun o. At endagembogut awo aga'lek kagak, aa'nduk endagembogut wonagagerak Tawun nogo, abuwa nen obeelom eeppege nagagirik, ti'nuk, mbo pereegirak nogo kwak, at abuwa nen obeelom eeppege nogo ti, lek arigin lek mondok-mondok eeppege logogin o.

1 Mbinineegwaarak 22:10

At nen aret an nendage ki logowam wurogo pigin o. At nen an naput age, ndi, an at ogoba aret age, eeko logomonggoorik, it aakumi Iterali abu'me piinok wone lengganogo yorage logowam mondok-mondok omaawi eerogo pigin, yo'negerak o.

1 Mbinineegwaarak 28:6

Koonogo pege nagagerik, an yo'nege logonet, At Talomo ti, an naput age, ndi, an nen at ogoba age, eeriyak miirogo pereegirak me, kat kaput Talomo nen aret an nawi wuke, ndi, nawi wurik owa'nagat wuke, eerigin me,

Ayup 5:17

Aap Ala nen inaruk wake nogo inale'nggen wonogo menggaarak me, At Omaawi Lombok Menggerak nen niniki koonogo pinanege kenok, Neebi, yuurak mage o.

Ndawi 2:7

An nendagembogut nogo nen Aliku ALA wone lengganeegerak nogo yokkira o. “At nen an yo'nege logonet, Yogondak kat an naput age, Ndi, an kat kogoba age, Eekoorak o.

Yeremiya 30:11

An ninom wonogwe me, inagap ndake logogin o. Yi aakumi ndi aakumi abok aret inenggela'me mak eerogo piyareegirak nogo it lek eerogo piyaagin kwe, It an napuri perak, lek eerogo piyaagin lek o. Iniki koonnaruwak nduk, maluk eekwi onggo inoba piyaagin lek ti lek, piyaagin aret kwe, Eerumenggaarak ndak-ndak mban inoba piyaagin o,” yinuk, yegerak me, yokkiragi o.

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

Pelaareegerak 8:5

Aap nen inapuri wone lunirogo mengga kwak, at Aliku kinogoba Ala nen wone lunggiragagerak nogo liippinip o.

Iberani 1:5

At Ala nen malayikat mendek ambi yoge logonet, “Yogondak kat an naput age, ndi an kat kogoba age, eekoorak o,” yinuk, ti yorulik. Ndi, ambi ari logonet, “An ti, at ogoba age, ndi, at ti, an naput age, eerugun o,” yinuk, ti yorulik mban.

Wayu 21:7

It an noone mbo pega'lek inogogumbuk logonet, liirogon mugurok nogwe iinok, ineyate wogorogo mengga kwak, eeginaburak wone karuk konenggendak nogo eeginake logominggirik, an inogoba Ala aret age, ndi, it an napuri aret ogwe, eeko logogun kwe,

Wayu 3:19

It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.