2 Tamuwen 6:22 - Ala Wone Peenok Peebi Mbanak

²² An aap iya mendek lek o, yinuk, nenggali eerogo pake neegendak nogo ti, abunuk eeke logogin o. Ndi, Kayeloman mini nen togop kombarugun, yagandak kwe, it nen togop nombarugun lek tiyappanugo logogun aret o,” yinuk, yoreegerak.

2 Tamuwen 6:22 Iomraidhean Croise

Wakkagagerak 32:10

Ari nagagerik, “An aa'nduk tu yi paga niyo Yoraran ene paga wundage logonet ti, we waanggun ambit mban neenggime aret wundagagirak kwe, yogondak perak, nineebe mbere aago wogwe me, nogoba kat kayeloman an nogo nobaabut maluk tit neegak kwe, kat nabuwa nen yo'nege nogo liippaninuk obeelom eeppanege menggendak o.

2 Tamuwen 6:21

Yoge mbareegi, at Ndawut nen kwe Mikan nogo yoge logonet, “An nale'nggen nen ogut-togut wake neegendak nogo ti, aakumi inayuk wuke logonet warulik o. Ata, kogoba Tawun inom, owe-awot inom, wonogwe iigak, Aliku ALA nen at apuri Iterali mendek inowe nendagembogut logonet, inarum logokit nduk, inenggela'me nen leenogo mippaneegerak nogo enggaanom paga eekirak me, op aret eekirak o.

2 Tamuwen 6:23

Ndi, at Tawun apuluk kwe Mikan nogo aagaluk ndaka'lek wubili aret logonet, kambeegerak.

Ayup 40:4

“An aap abu yunduurak aret me, Wone nonggop yokkirubok kenok, noone lek puk ari o.

Ayup 42:6

Togop aret me, Nela nen yagarak o, yinuk, niniki wakkolage, Wun nanobak paga yumbunogo pake, liirubu paga lagak-mbagak ari, Eeke logonet, Noone maluk yagarak nogo ti, Ao, yinuk, mbo pigi o,” yinuk, yoreegerak.

Ndawi 131:1

Kaliku ALA wae. An niniki wogoppake, Nenegen tebenak lek tiyanak lombok nege, Yi wone ndi wone nggwok mendek an koonit nage, Yi eekak ndi eekak iya mendek eeriyak mbake, Eekeelik o.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Marakut 14:66

Wakwi iigak, at Peterut nogo oore'nggam kogona time wonage me, kolaga aap Ala unde inowe nggwok nogo ayeloman ambi wage nagagerik,

1 Timotiyut 1:15

“Aakumi maluk eeko menggaarak nogo inagap ndaruwak nduk, Keritut Yetut o yime wambi wagagerak o,” yinuk, yogo menggaarak wone nogo ti, abet aret me, woorak op aret o. “Aakumi maluk eekwi o,” yogo menggaarak nogo ti, maluk eeka abe iyagalo an aret kwe,

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

1 Peterut 4:14

It aakumi nen, “Kit Keritut oone wagangga mendek o,” yinuk, miyuk-meya eerogo pinagagwi iinok, “Ala Aberiniki mondok tiyanak menggerak nogo nit ninoba wuppi wagaarak ninom wonage kenok, yo'nirogwe iigo o,” yinuk, kiniki ale'nggen logonip o.

1 Peterut 5:6

At Ala nen, “Ne ti eyom paga tiyappiyaakit o,” yinuk, kooneegerak nogo a'me lik yi wage kenok, tiyappinagawak nduk, at omaawi ambik menggerak Ala nogo abu'me tebe yinuk, logonip o.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,