2 Tamuwen 6:21 - Ala Wone Peenok Peebi Mbanak

²¹ Yoge mbareegi, at Ndawut nen kwe Mikan nogo yoge logonet, “An nale'nggen nen ogut-togut wake neegendak nogo ti, aakumi inayuk wuke logonet warulik o. Ata, kogoba Tawun inom, owe-awot inom, wonogwe iigak, Aliku ALA nen at apuri Iterali mendek inowe nendagembogut logonet, inarum logokit nduk, inenggela'me nen leenogo mippaneegerak nogo enggaanom paga eekirak me, op aret eekirak o.

2 Tamuwen 6:21 Iomraidhean Croise

2 Tamuwen 5:2

O maan aa'nduk nen at Tawun nogo ninowe endagembogut logonet, wone lengganogo yo'nirage kagak, wim namburiyak nduk, wundi nage kenok, it Iterali ineegin warak nogo kat nen aret wogoren wundi nagak eeke keegak, at Aliku ALA nen kat yokkege logonet, Kat an napuri Iterali inowe kendagembogut logonet wone lengganogo yorage, ndomba ndegeninako mengga kwak ndegeninake, eeke logomunggun o, yinuk, yokkereegerak nogo o,” yinuk, yoreegwaarak.

2 Tamuwen 6:14

Wogoge nagagerik, iniki ale'nggen nen kani kunik negen inikime wunuk ari logonet, Aliku ALA enggaanom paga kayin yawenak amuni mbanak yum agale warak epod nogo mban yirik logonet, kwirabik-kwirabok agan

2 Tamuwen 6:16

Aliku ALA aloobut mbanak nogo, wonok Ndawut agota unggwi wogo logonet, at Ndawut iniki ale'nggen nen at Aliku ALA enggaanom paga ku'mbo nagak ogut-togut warit wage at akwe Tawun apuluk Mikan nogo, pugagi ambe mbanak me nen enegen wunggage nagagerik, inikime nen, “Aap yi agan wage abu neebi a!” mbareegerak.

2 Tamuwen 6:22

An aap iya mendek lek o, yinuk, nenggali eerogo pake neegendak nogo ti, abunuk eeke logogin o. Ndi, Kayeloman mini nen togop kombarugun, yagandak kwe, it nen togop nombarugun lek tiyappanugo logogun aret o,” yinuk, yoreegerak.

2 Tamuwen 6:5

at Ndawut aakumi Iterali mendek abok aret inom inale'nggen alik negen inikime nggelok ari logonet, at Aliku ALA enggaanom paga nggitat mbuuluk mendek inom, nggitat nggwok mendek inom, togolowak oone lobale inom, nggawiwak mbanak inom, togolowak tabak pu ndale eeka inom, oone eekak ti mendek abok aret oone eerit kwirabik-kwirabok agan ndawi warit wogogwaarak.

2 Tamuwen 7:8

Togop aret me, At Omaawi Lombok Menggerak Aliku ALA nen ndogop yegerak, nayeloman Ndawut yorenok nduk, yokkiri o. At o karume kambin-ndomba ndegeninabit nege me, an nen wagangge nagagirik, napuri aakumi Iterali inowe endagembogut logonet, inarum logowak nduk, eerogo pereegirak o.

1 Mbinineegwaarak 15:29

Aliku ALA aloobut mbanak me wone yugu yonggolak nogo wonok, at Ndawut agota paga pi wogwe iigak, at Tawun apuluk kolaga Mikan nogo, pugagi mbanak me nen ena wunggage nagagerik, at aap endagembogut Ndawut nogo, ndawi lubuk ari, ale'nggen nen ku'mbonggak wage, eeke nogo, kage nagagerik, “Aap yi, agan wage abu neebi a,” yinuk, mbareegerak.

Nappiigak 13:22

Ti'nuk, at nogo tebembunuk, obaane'me, At Itayi aput Ndawut nogo an niniki mbake minggi kwak, at ndak-ndak mbake menggerak me, an niniki mbake mban eeke logogin kagi o, yinuk, inowe endagembogut Ndawut aret mippereegerak.

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

1 Tamuwen 13:14

Aliku ALA nen wone lengganogo yokkegerak nogo liirogon eerulik me, yogondak aakumi Iterali inowe kendagembogut ambinom inarum logomunggun lek o. Ata, aap alik ambi Aliku ALA iniki mbake ndak-ndak eeke menggerak kero, at apuri inarum logowak nduk, leenogo mippigin o,” yoreegerak.

1 Tamuwen 15:28

Nibik ari mbareegi, Tamuwen nen at yoge, “Eekerak ti kokwak, o yogondak yi paga aret at Aliku ALA nen kat kendagembogut logonet, aakumi Iterali kabu'me piinok wonage nogo ndinogo koreeluk aap obeelom kenok wogogerak o.

1 Tamuwen 16:1

Ti'nuk, at Aliku ALA nen Tamuwen yoge, “At Tawun nogo ti, it aakumi Iterali inowe endagembogut logorak an mbo pigirak neegak, at paga kat kiniki wakkolage keegak, ne mande logomunggun o? Yogondak eyo tayitun amburu togolowa'na toologo wonok, o Mbe'lekem aap endage Itayi wonage me nage logomenggendik, at apuri ambit-ambi Iterali inowe endagembogut logowak nduk, an muk leenogo pigirak me, amburu oba kilippi nak o.”

1 Tamuwen 16:12

Yoge mbareegi, at Itayi nogo nen aap ambi apuluk wa nawak nduk, nappereegerak wonok wage mbareegi, etenggen teretak eebe abu kigirikwe mondok yelok abe wonage mbareegi, at Aliku ALA nen Tamuwen yoge, “An miikkirak nogo yi aret me, mi'na'nuk, amburu oba kilippu o.”