2 Tamuwen 6:14 - Ala Wone Peenok Peebi Mbanak

¹⁴ Wogoge nagagerik, iniki ale'nggen nen kani kunik negen inikime wunuk ari logonet, Aliku ALA enggaanom paga kayin yawenak amuni mbanak yum agale warak epod nogo mban yirik logonet, kwirabik-kwirabok agan

2 Tamuwen 6:14 Iomraidhean Croise

2 Tamuwen 6:15

it aakumi Iterali abok aret inom iniki ale'nggen paga Aliku ALA aloobut mbanak nogo wonok, oone nggwok eekak trompet nogo oone pu eekwi, keekok yogwe, eerit wogogwaarak.

2 Tamuwen 6:20

Nogwe iigak, at Ndawut nogo at inom menggaarak ale'nggen inoba piyaakit nduk, ame nage mbareegi, Tawun apuluk kwe Mikan nogo wundi woraanuk, at Ndawut imbirak lambungge nagagerik, yoge logonet, “It aakumi Iterali inowe endagembogut yi, aap iniki mbanak inayum yirik lek nugu mengga kwak, o yogondak yi paga it komologwe kayeloman mini inigen iigak kenggali lek, kayum yirik lek nege keegirak nogo ti, Wi, kombaki o.”

1 Mbinineegwaarak 15:27

At Ndawut nogo, yum nok nggorek yawenak abe mendek yike, ndi, it aap Lewi mendek Ala aloobut mbanak wonok wogwe inom, it ndawi piyangga inom, it ndawi tiyangga inowe Kenaniya inom, abok aret togop mban yikkologwe, eereegwaarak. At Ndawut nen ayum yawenak agale warak epod nogo inom yikkolagagerak.

Ndawi 149:3

Aliku ALA nen at apuri inikilom mbake, Aap iniki tebenak, “Wi!” yogo logowak nen Nggare-nggare yippiigo mengga kwak Ineegin tiyak yuwak nduk, eeppiige, Eeke menggerak me, At endage tiyappogo logonet, kwirabik-kwirabok yogwe, Ale'nggen kaawak nduk, lobale inom, nggitat inom, Oone eeko logonet ndawi wakwi, Eeko logowak o.

Ndawi 150:4

Oone lobale eekwi, kwirabik-kwirabok yogwe, Nggitat inom, nggawiwak inom, Eeko logonet, at endage tiyappugwi,

Ndawi 30:11

Kat nen nale mbanogo paninuk Nale'nggen nen ndawi lubuk yikit nduk eerogo panege, Nayum nibinik maluk mendek yirik nogo nggoorogo paninuk, Nale'nggen mbarikit nduk, yum abe kwak yippanege, Eekendak me,

Ndawi 87:7

Aakumi apit aret kwirabik-kwirabok yogo logonet, “Ninawi alom kota Tiyon aret o,” yinuk, Ndawi paga o ti anep pogo logonet, Yiraakut negen inali-inale yogwe, Eeko logogun o.

Wundeegwaarak 15:20

Karun awuluk Ala wone yoraga kwe Miriyam nogo nen togolowak eenggime wagangge nagagerik, oone lobale eeke kenok, it kumi apit aret kwirabok yogo logonet, at eeke ndak-ndak eekwi iigak,

Wundeegwaarak 15:21

Miriyam nen, “At Aliku ALA alut eeke logonet, ndawi ambi tiyanikit o,” ari nagagerik, “Aliku ALA mondok tiyanak menggerak me, kuda inom, Kuda inamborowak paga kwi'ndak wogwe ineebe inom, Aliku ALA nen niyoome mbo mambiyareegerak o,” yinuk, ndawi tiyangge kagak, kumi nogo nen ndawi eebe aret wako nogogwaarak.

Wundeegwaarak 19:6

it mban an inowe nendagembogut nabu'me logonet, neebe unde logowak nduk, miirogo piige, an napuri maluk eeka'lek nake leenak logowak nduk leenogo piige, eerigin me, wone yi abok aret aakumi Iterali mendek yora wambu o,” yinuk, yoreegerak.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetikiyen 46:10

Aap endagembogut nogo ti, it aakumi unggwi wogwe iinok, inom aret unggwi wage, ndi, wundi nogwe iinok, inom aret wundi nage, eeke logowak o.

Lukat 15:25

Ale'nggen eekwi iigak, oweeluk nogo yabu yarak me wonagagerik, ame wok yi wage logonet, ndawi lubuk wakwi aruk koneneegerak.

Pelaareegerak 6:5

Togop aret me, kiniki inom, kineebe inom, kinomaawi inom, abok aret at Aliku kinogoba Ala mban kiniki kunik eeko logonip o.

Kolote 3:23

Yi mendek ndi mendek abok aret eerit nogo logonet, “Yi aakumi inake eekwi lek o. Yi ninowe ake aret eeko ogoorik o,” mba'nuk, kiniki aganggen kerek togon inake eerit nogo logonip.

Owak Loongga 11:34

Inoorogo piige nagagerik, at Yepata nogo ame Mitapa wagagerak. Wage mbareegi, at apuluk kolaga nogo aret ogoba keyage wappuurak nduk, togolowak oone lobale eerit kwirabik-kwirabok agan endekem ka wundi nagagerak. At apuri alik ambi komologwe inom, wologwe inom, ambi ndaganabulik, we kolaga ambiriluk ti aret manggu lombok me, eereegerak. Apuluk ambiriluk nogo nen aret eeke ogoba nogo enegen kage nagagerik, ayum nibinik-ndelenak eerogo pake nagagerik, apuluk nogo yoge,

Owak Loongga 21:21

Enaarak kinigen wonogwe me, it Tilo mendek inapuri komologwe wundi wa'nuk, kwirabik-kwirabok agan wogwe iinok, pilak yogo logonet, kinalitak lombok komologwe Tilo mendek ti, Nakwe yi aret o, yinuk, pikko'nok it Mbeniyamin wonogo menggam kiname aret namunggup o.

1 Tamuwen 2:18

Togop aret eekwi iigak kwe, Tamuwen nogo perak, wulaga awo mbuuluk kagak ayum ligi yawenak amuni mbanak paga penggaarak agale warak epod nogo yippunuk, Ala alut eeko menggam awooliya wurik me ake eeke nagagerak.

1 Tamuwen 2:28

Nigiya wage logonet, it aakumi Iterali inanebunu lombok iigak, at lombok ombo nen neebe unde logonet, ndomba-tapi nake warogo wo'nege, obari abe kaga mendek kani kungge, it aap neebe unde inayum agale warak epod nogo yippunuk, nimbirak wone mbani unggwage, eeke logowak nduk, leenogo mippereegirak. It aakumi Iterali mendek nen ndomba-tapi warogo an nake kani kuniyak mendek nogo kunduk, at ombo wiganak unde eeppiyareegirak kwe,

1 Tamuwen 22:18

Puk ogo mbareegwa, at Tawun nen Ndowek nogo yoge, “Kalik nen mban aret inoori omok o.” Yoge mbareegi, at Ndowek nogo wage nagagerik, inoorogo piyareegerak. Ne ti eyom paga inoorogo piyareegerak nogo ti, it aap yum agale warak epod yiriko menggaarak nogo ineebe 85 aret.