2 Tamuwen 5:23 - Ala Wone Peenok Peebi Mbanak

²³ at Ndawut nen Aliku ALA kin wokkage mbareegi, at nen wone onggo yoge logonet, “Kat nen it aakumi wonogwe enaame nggwe nagun o. Ata, inambo'me eyo tin logonak me time ari nanuk, inoba kwi'nari wundi woraanok nduk, enaa'nari nak o. Time namenggendak wonage me,

2 Tamuwen 5:23 Iomraidhean Croise

2 Tamuwen 2:1

Ti'nuk, ne ambi paga at Ndawut nen Aliku ALA yoge logonet, “An o Yekura inawi kota ambi time na ilik?” Yoge mbareegi, at Aliku ALA nen, “Nako.” Yoge mbareegi, at Ndawut nen yoge logonet, “Inawi kota nggeeme na o?” Ari mbareegi, at Aliku ALA nen, “O kota Keboron time aret nak o,” yoreegerak.

2 Tamuwen 5:19

at Ndawut nogo nen Aliku ALA yoge logonet, “An aap Pilitin mendek ninom wim perenggola na ilik? Ndi, perenggola nage neenok, kat nen neenggi paga panumunggun ilik, lek a?” Yoge mbareegi, Aliku ALA nen at yoge logonet, “An nen aret aakumi Pilitin mendek ti, waganogo keenggime pagagin me, kinom perenggola nak o.”

1 Mbinineegwaarak 14:14

at Ndawut nen Ala kin wokkage mbareegi, Ala nen wone onggo yoge logonet, “Kat nen it aakumi wonogwe enaame nggwe nagun o. Ata, inambo'me eyo tin logonak me time ari nanuk, inoba kwi'nari wundi woraanok nduk, enaa'nari nak o.

Yotuwa 8:2

Kwi'nari unggwogo logomonggotik, o Yeriko inom, aap endagembogut Yeriko mendek inom, abu lek eerogo piigendak nogo ndak-ndak, o Ayi lek eerogo pege logonet, inamendek inom, inaanggumi inom, nogo perak, inagugun kinalitak aret ko'nok ndi yumunggup o. Togop eeriyak me, it aap ineegin warak nogo o Ayi ambokan time ku taani nawak nduk nappiyet o.”

Yotuwa 8:7

kit ku taanak logomonggotak nogo pilak yogo logomonggotik, o Ayi paga kwi'nari unggwi wogwe kiinok, at Aliku kinogoba Ala nen o ti, kineenggime wokkiraagin o.

1 Tamuwen 22:15

Ndi, an nen at ake Ala yogirak nogo ti, we yogondak yi mban eekirak mbaken? Lek o. Eeke minggirak aret me, wone alom yi agaarak nogo ti, an kayeloman neenggo'lek aret me, kat ninogoba kendagembogut nen kayeloman an inom, nowe-nawot inom, wone yi ninoba lenggenugun o,” yinuk, yoreegerak.

1 Tamuwen 23:2

Yoge mbareegi, at Ndawut nen at Aliku ALA yoge logonet, “An aap Pilitin mendek ninom wim namburi noorak op ilik, lek a?” Yoge mbareegi, at Aliku ALA nen wone onggo yoge, “E o. Aakumi Kekila mendek inagap nda'nok nduk, it Pilitin mendek ti, kinom namburi nak o,” yoreegerak.