2 Tamuwen 4:8 - Ala Wone Peenok Peebi Mbanak

⁸ at Ndawut o Keboron wonage me, wogori nogo nogogwaarik, yogo logonet, “Yogondak aret at Tawun inom, apuri inom, kat nowe kendagembogut kooriyak nduk, eerit nugu nagaarak nogo, onggo at Aliku ALA nen aap yi aret wo'niragaarak me, kimbirak wim menggendak Tawun aput Itibotet anobak mbanak yi aret wokkiri wogo o.”

2 Tamuwen 4:8 Iomraidhean Croise

2 Tamuwen 18:19

Aap Abatalom wako mbareegwa, awuri mbaganit nogwe iigak, aap Tarok aput Akimaat nen Yowap yoge logonet, “At Aliku ALA nen awim ineenggime nen muk agap ndakerak o, yinuk, wone ti wonok aap endagembogut yori naakit nduk, Op aret, yo'niru o.”

2 Tamuwen 18:31

Mi'nari nagagerak kagak, aap Kuti mendek nogo wage nagagerik, ari logonet, “At Aliku ALA nen it aakumi kat tebenogo pagarak eekwi nogo, o yogondak yi paga ineenggime nen ndinogo kagap ndakerak me, kat nowe kendagembogut obeelom wone yi, wonok yokkiri wagi o.”

2 Tamuwen 2:8

Ti eekwi iigak, aap Tawun awuri ineegin warak inowe Net aput Abenet nogo nen Tawun aput Itibotet wonok o Makanayim time pi nage nagagerik,

2 Tamuwen 22:48

It an nookwi nogo, onggo inooke, It aakumi inanebunu lombok nabu'me piya wage, Nawim ineenggime nen wondet eerogo panege, Ineebi nombakwi nogo tebenogo piinok tiyappanege, It inogogun ambik ineenggime nen nagap ndake, Eekendak kat nogoba Ala aret o.

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Matiyut 2:20

“It aap elege wariyak nduk, kwaarit nagaarak nogo muk kambit nagaarak me, kat mi'na'nuk elege nogo agalo imbirak wogoret aakumi Iterali iname nak o.”

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,

1 Tamuwen 18:11

at Tawun nen, “Ndawut kobat inom polok togon aret warikit o,” mbake nagagerik, awooluwak paga Ndawut wariyak nduk eereegerak mendek, Ndawut ne mbere paga molok togon woppateegerak.

1 Tamuwen 19:1

At Tawun aput Yonatan inom, awuri inom yabu eeko menggaarak nogo inom, abok aret nen Ndawut mondok warogo puwak nduk, Tawun nen yoragagerak kwe, at Tawun aput Yonatan perak, Ndawut iniki kunik lombok wonagagerak me,

1 Tamuwen 19:15

Yorage mbareegi, it iniyokan Tawun yori wogo mbareegwa, at Tawun nogo nen it yorage, “Kit nogo logomonggotik, at eebe wonage kenok, an nen warikit nduk, at eebe ndoonak nogo yege menggerak inom enaani aret piyaninuk woro o.”

1 Tamuwen 20:1

At Ndawut o Arama Nayot time nen mbaganit Yonatan ka nage nagagerik, yoge logonet, “Kat kogoba nen an nenggaawak lek eeppaniyak eeke ti, nano eeppiigirak? An maluk eekirak ngge? Ndi, ngge eekirak paga eeke agaarik?”

1 Tamuwen 23:15

Ti eyom paga at Ndawut karume Tip o Korep nogome wonage me, “At Tawun nen kat kooriyak nduk kwaakkake agaarik o,” yogwi nogo konembunuk, wonage me,

1 Tamuwen 24:4

at Ndawut awuri nogo nen at yogwi, “At Aliku ALA nen, Kawim eeppuurak mbakendak nogo eeppege logonok nduk, keenggime pagagin o, yereegerak nogo yogondak nanonggwan yi aret aga o.” Yogo mbareegwa, Ndawut nogo mbawok aret Tawun wonage me wage nagagerik, ayum abo irip mbanogo waganeegerak.

1 Tamuwen 25:29

Aap ambi nen kat kooriyak nduk, mukkeren woramenggerak kwe, aap ambi amendek nggerenogo kumaappatinuk menggi kwak, yi aap ndi aap iigak, at Aliku kogoba Ala nen togop aret kumaappaganuk wonage, ndi, aap ambi yugum keele paga nabembunuk, namburogo nappege menggi kwak, kawim togop aret mugogo nappiige, eeke logogin o.