2 Tamuwen 4:11 - Ala Wone Peenok Peebi Mbanak

¹¹ aap maluk eeka'lek ame ageyo ndoonak paga windak ugun wonage kagak, kit aap maluk mendek nen ame unggunuk, warogo pogotak nogo ti, abunuk maluk nggwok eekotak me, kit teppinagarak mbakop? Amiya wunakotak onggo o nggween paga yime nen kinenggaawak lek eerogo pinagarak lek mbakop? Lek eerogo pinagarak areto.”

2 Tamuwen 4:11 Iomraidhean Croise

Wakkagagerak 4:11

Yoge nagagerik, “Kat kawuluk wakendak amiya kiluk togon nggween paga wanggerak kenok, pulunogo pakendak me, nggween nogo ambe a aago wonage me, at amiya nen ambe ndoongge kagak abe yarogo nengge logomunggun lek o.

Wakkagagerak 6:13

aap Nu nogo yoge logonet, “It aakumi maluk eerit nugwi paga o nggween paga yi awi ndi awi abok aret inanini ambik agaarak me, ambinom ineenik logowak nduk teppiyaagin lek o. Aakumi tigitogon lek eerogo piige, ndi, o nggween yi mondok lek eerogo pege, eerikit o, yinuk, wone abuk nggaruk togon yokkigi o.”

Wakkagagerak 7:23

O nggween paga yime menggaarak yi aakumi ndi aakumi inom, yi mendek ndi mendek inigen mbolok lek inigen mbolok kwi inom, inaanogum paga nugu menggaarak inom, wiga agan nugu menggaarak yirowe-ndirowe inom, abok tigitogon lek eerogo piyareegerak kwe, at Nu inom yiiro paga wonogogwaarak nogo perak, ambi ndonggoninabulik Ala nen inili agago piyareegerak.

2 Tamuwen 16:8

Aap Tawun endagembogut wonagagerak obaane'me kat kendagembogut age nagandik, at owe-awot inamiya kilirogo piige nogo, onggo at Aliku ALA nen kendagembogut logonet, kabu'me piinok wonage nogo, ndinogo kaput Abatalom unde eeppegerak me, kat aakumi inooka yi, kendage lek aret agaarak me, kenggali aru o,” yinuk, pulunogo pereegerak.

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

1 Endagembogut 2:32

At Yowap nen an nogoba Ndawut eenggo'lek kagak, aap Iterali ineegin warak inowe Net aput Abenet inom, aap it Yekura ineegin warak inowe Yetet aput Amata inom, at Yowap obaabut ndak-ndak lek it imbirak inobaabut abu abe li'lak mban eeko menggaarak iigak, at awooluwak paga inooreegerak me, inamiya kilireegerak ti, inane'me at Aliku ALA nen at aret eeppigin o.

Ndawi 109:15

Inomaluk ti, Aliku ALA nen Mondok-mondok aberak wonage, Ndi, o nggween paga yime it imbirak ti, inoba aberak logokwak lek eerogo piige, Eeruwak o.

Wundeegwaarak 21:12

Yoge nagagerik, wone ambinom yoraawak nduk, yoge logonet, “Aap ambi nen aap ambi waremenggerak kangge kenok, onggo at aret warogo puwak o.

Wundeegwaarak 9:15

An neenggi omaawi paga nen at inom, at apuri inom, kugi andi ogole warak mendek paga abu pup agago piyoorak op aret kwe,

Kini Wuppiige 2:22

Aap maluk mendek perak, O nggween yi paga nen ineebe lek eerogo wumbiige, It aap Ala liirogon mugurok nogolik nogo iri'ngga kinogo wumbogo mengga kwak, eerogo nappiige, Eerigin o.

Kini Wuppiige 25:26

Aap ambi iniki abe koonak nen aap maluk mendek eeriyak koongge nogo, “E o,” yinuk, imbirak eerit nage nogo ti, Niyo eneeri nggut wungge kwak, Niyo nggween kambunik me obari age menggi kwak, Aret menggerak.

Yeremiya 10:11

Togop me, kit Ala apuri yi wae. “It nen mbogut ogobakkigirogo pugwi, nggween nenaarogo pugwi, eerulik inagugi nogo, o nggween paga yime nen inenggaawak lek ogwe, mbogut abu'me o oolo ya'i nen ineebe lek ogwe, eerugun, yegerak o, yinuk, yi aakumi ndi aakumi yorogo logonip o,” yinuk, yegerak me, yokkiragi o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Abakuk 1:4

Togop aret me, wone eeko logorak yugu nogo omaawi lek eerogo pugwi, A'me nggelok eeppiinet nogo logorak wone nogo eeka'lek tayoppugwi, It aap maluk eeka nen it aap iniki abe koonak nogo, inawone liirogon mbangga'lek yaga-taga eerogo pugwi, Eekwi ti paga A'me nggelok eeko logorak wone yugu nogo a'me ageelik alik aret age menggerak o.

1 Yaya 3:12

At Kayin nen eereegerak nogo pogom, kit togop eeriyak mage o. Maluk eeriyak ee'ninake menggerak aput at aret me, awuluk mondok wareegerak. Nonggop nduk awuluk wareegerak mbakop? Lek o. At Kayin maluk mban eeke menggerak me, awuluk obeelom mban eeke kage nagagerik, anini nen aret awuluk wareegerak.