2 Tamuwen 3:35 - Ala Wone Peenok Peebi Mbanak

³⁵ Ndi, o awo kiyoma aga'lek liingge kagak, aakumi abok nen mbi nawak nduk, at Ndawut yori wagak mban eereegwaarak kwe, at Ndawut nen yorage logonet, “Oonegen awo kilu yi naga'lek kagak, an mbi ambi nengge neenok, at Ala nen aaninggin noba panege logonet, nooriyak op areto, yinuk, kumbuk mbanggirak me, noorukwak an mbi nagin lek o,” yinuk, yoragagerak.

2 Tamuwen 3:35 Iomraidhean Croise

2 Tamuwen 1:12

Nibinogo patinuk, Tawun aput Yonatan imbirak inom, at Aliku ALA apuri wim eeka inom, aakumi Iterali mendek inom, wooluwak paga inoorogo piyareegwaarak kenok, at Ndawut awuri inom mbi nengga'lek inambe mage negen logonet, leenggu maakwi iigak, oonegen kilu yi nagagerak.

2 Tamuwen 12:17

Yoge kagak, it aap at ame menggaarak inoweewi nogo wogo nagaatik, “Mi'naru o,” yogaatak kwe, mi'na'nuk it inom mbi noorak eebi mbake nagagerak.

2 Tamuwen 3:36

Yorage mbareegi, it aakumi apit aret Ndawut yereegerak nogo konenggo nogogwaarik, iniki ale'nggen agagerak. Ndi, Ndawut nen yi eekak ndi eekak eereegerak nogo abok aret it aakumi nen op aret mbareegwaarak.

2 Tamuwen 3:9

At Aliku ALA nen, “Nowako,” yinuk, kumbuk mbanggolage logonet, Ndawut yoreegerak nogo, a'me nggelok yuwak nduk, an Abenet nen aret it aakumi Iterali kat kogoba Tawun abu'me menggaarak nogo abok aret waganogo Ndawut abu'me piya nage neenok, it Iterali inom, Yekura inom, inowe endagembogut logonet, wone lengganogo yorage menggim o Ndan nen nok, o Mberetiyeba kuli aret aruwak nduk, piya noorak koonggirak nogo eeka'lek neenok, at Ala nen aaninggin noba panege logonet, noorukwak, an eerigin aret mbake logot o.”

1 Mbinineegwaarak 10:12

it aap wakaa'ngget pekkagak kero mban ko waka'lek oonikiya ti paga nok-nok, o Mbet-Teyan unggwi wogo nogogwaarik, at Tawun apuri inom ineebe nogo wogonako nogogwaarik, kani kumbiinok, inowak nogo waganogo o Yabeti eyo kole alome time nggween kabunogo taambiinok, mbi nengga'lek inambe mage negen wonogwe iigak, nogo 7 aret yereegwaarak.

Yeremiya 16:7

Ndi, kambemenggaarak tabun ndoombunuk inale yogwe me, iniki eyak wappiyaawak nduk, mbi worarogo wogora nogwe, yi toologo ira nogwe, eeko logogun lek mban aret o. Inagalo a, inogoba a, kambemenggaarak kunduk inale yogwe iigak kwe, iniki eyak wappiyoorak lek mbo aret piyaagun o,” yinuk, yegerak.

Yetikiyen 24:17

Waminggirak kangge kenok, aleendawi tiyaniyak mage o. Ata, koone mbabok mban kiniki wakkolage logonet, kayum kanobak paga lenggenak mban wonage, kiyogogut yirik mban wonage, eerak logot o. Ketenggen nobakkolage, tabun ndoombunuk inambi larogo nunggwi nogo kat nengge, eeriyak mage o,” yinuk, an yo'nereegerak.

Yetikiyen 24:22

nengge kenok, kat Yetikiyen eeremenggendak nogo it ndak-ndak aret eeruwak o. Inetenggen nobakkologwe, it aakumi tabun ndoombunuk mbi larogo nunggwi nogo, it nunggwi, eerugwaarik o.

Owak Loongga 20:26

Mbanogo piigo mbareegwa, Iterali nogo abok o Mbeten woraanuk, Aliku ALA enggaanom paga inambe mage negen a'nuk, leenggu maakwi iigak, o kiip age mbareegi, Aliku ALA enggaanom paga ake warogo kani kunggwi, Aliku ALA inom lambunik logowok nduk, at ake warogo wogogwi, eereegwaarak.

Urut 1:17

Ndi, kat ambime kangge keenok, an kunduk time aret kangge neenok, time aret nggween taambanugun o. Togop aret eeriyak me, neebe kambunuk nogo menggam nage logonet perak, nimbirak ninalitak aret nagun kwe, nineebe nineenik wonogo logonet, ninalitak ogwe kenok perak, Ala nen an maluk lombok eeppaniyak op aret o,” yoreegerak.

1 Tamuwen 3:17

Yoge mbareegi, at Eli nen Tamuwen yoge logonet, “At Aliku ALA nen nano yokkegerak o? At wone yokkegerak nogo, ambi teppuurak lek apit aret yo'niru o. Ala nen yokkegerak kagak ambi yo'nega'lek teppege keenok, Ala nen onggo eeppagarak nogo ti, mondok iya tit eeppagage kaamunggun o.”