2 Tamuwen 3:25 - Ala Wone Peenok Peebi Mbanak

²⁵ At Net aput Abenet obaabut nogo ti, kat abu keenu areto. At wagaarak nogo ti, kat eerit nage inom, eeriyak koongge inom, abok aret eenu arikit nduk, kambokan lagani wagaarak kagak, nonggop nduk, nappegendak?”

2 Tamuwen 3:25 Iomraidhean Croise

Wakkagagerak 42:12

Yogo mbareegwa, at Yutup nen, “Lek! Nit niname yime, Tum waka'lek ambi wonogwe iyaamun ilik, lek a? yinuk, kinigen yombooni wogotak aret kiigi o.”

Wakkagagerak 42:16

Kit kinoone yogotak nogo abet aret yogotak a, pilit yogotak a, kinabut mbanikit nduk, kinawuluk yogotak nogo kit ambi nen wa nage kagak, kit apit aret keele maarak yime logomunggup o. An yagarak ti, eeka'lek kiinok, kit nggaganagalo nen pilit agan wogotak kinombarikit nduk, Pirawun owak o!”

Wakkagagerak 42:9

Kobak eeko mbareegwa, at Yutup nen o maan it eeriyak abi kagagerak nogo abeke nagagerik, yorage logonet, “Kit aap nggaganagalo yi, niname yime, Tum waka'lek ambi wonogwe iyaamun ilik, lek a? yinuk, kinigen yombooni wogotak kiigi o.”

2 Tamuwen 10:3

it aakumi Amon mendek inoweewi nagawan-nagawan nen inogoba Kanun nogo yogwi, “Kat kogoba kanggerak nogo, abuwa nen kiniki eyak wappagarak nduk, Ndawut nen awuri nappiya wagaarak mbaken? Lek o. Ata, o kota yime tebenggolaawok nduk, inigen yambik-yambok eeri wagaarak yi lek a?”

2 Tamuwen 3:24

at Yowap yogo mbareegwa, Yowap nogo Ndawut wonage me wage nagagerik, yoge logonet, “Nogoba. At Abenet nogo, kat kowagam wage mbaki, nonggop eekendak? Kat nonggop nduk, warulik nappegendak?

2 Tamuwen 3:26

Yoge nagagerik, Ndawut nogo teppunuk, Abenet woraawak nduk, aap yonggo nappiya wagagerak. Yonggo nappiya wagagerak wogo nogogwaarik, Abenet nogo niyo nggween kabunik me Tira taati inom lambumbunuk, Ndawut eenggo'lek kagak wonok iniyokan nogogwaarak.

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Endagembogut 18:32

eekwi wonogwe me, an wage logominggirik, wogoren it iname abe mengga kwak, o gandum inom, anggur amburu ambik inom, oroti ambik lombok menggim inom, anggur awi yarak menggim inom, eyo tayitun amburu ambik menggim inom, nggiin amburu lombok menggim inom, piya naminggirak nonggo logonet, kangga'lek ineenik aret logogun, yegerak me, at aap Kitikiya nen yokkirage nogo, konenggo logorak mage o. At Kitikiya nen kiniki nomongginake logonet, Aliku ALA nen ninagap ndarigin o, yokkirage nogo kinaruk koneniyak mondok mage o.

Ndawi 121:8

Wundi nogwe, unggwi wogwe, eekwi kiigak, Aliku ALA nen o yogondak nen nok, Peebi kuli mondok-mondok kinarum aret wonage, Eeke logogin o.

Yetaya 37:28

At togop eeppiinet nage nogo ti, Puk age, wundi nage, unggwi wage, anini mbake, Eeke nogo ti, Aliku ALA eenu aret o.

Yaya 7:12

It aakumi ambik lakome wogogwaarak nogo nen yagap wone paga Yetut abok ambik mbanggo logonet, ando nen, “At aap obeelom aret o,” yogwe, ndi, ando nen, “Lek o. At nen aakumi nomoninake menggerak aret o,” yogwe, eeko nogogwaarak kwe,

Yaya 7:47

Yorogo mbareegwa, it Pariti mendek nen, “Kit kunduk kinambokan laganggerak me, yogo ogotik?

Oroma 2:1

Togop me, noreewi o. It ando kenok mban maluk agago piigo ogotik? Kit togon maluk eekulik ti lek o. Eeko monggotak aret me, kit ambi nen it eekwi togop eeko logonet aret kwe, it mban maluk agago piigwi kenok ti, kit aret maluk eekkologo ogotik o.

Pelaareegerak 28:6

Ndi, kit wundi nogwe, unggwi wogwe, eekwi kiigak, ale'nggen kinoba pinagage, Eeke logogin o.