2 Tamuwen 3:14 - Ala Wone Peenok Peebi Mbanak

¹⁴ Yorage nagagerik, at Ndawut nen wone ambi Tawun aput Itibotet yori woraawak nduk, wone agago nappiya wage logonet, “It Pilitin mendek inayo ambiragap 100 mbanak nogo paga nakwe Mikan onggo mbaneegirak nakwe aret me, nappani mok o,” yinuk, wone agago nappiya wagagerak.

2 Tamuwen 3:14 Iomraidhean Croise

2 Tamuwen 2:10

At Tawun aput Itibotet nogo ndarak kagak tahun 40 eeke mbareegi, it Iterali inowe endagembogut mippereegwaarak wone lengganogo yorage kagak, tahun mbere eereegerak. Ti yorage kagak, it aakumi Yekura mendek nogo perak, Ndawut mban mugurok nogo nogogwaarak.

2 Tamuwen 3:15

Nappiya wagagerak Itibotet yori wogo mbareegwa, kwe Mikan nogo aap Layit aput Palitiyen wapporogo wonage me, ndininuk woraawak nduk, at Itibotet nen aap nappiyareegerak kwe nogo ndininuk wogwe me,

2 Tamuwen 6:16

Aliku ALA aloobut mbanak nogo, wonok Ndawut agota unggwi wogo logonet, at Ndawut iniki ale'nggen nen at Aliku ALA enggaanom paga ku'mbo nagak ogut-togut warit wage at akwe Tawun apuluk Mikan nogo, pugagi ambe mbanak me nen enegen wunggage nagagerik, inikime nen, “Aap yi agan wage abu neebi a!” mbareegerak.

Matiyut 1:18

At Yetut Keritut nda'nagagerak nogo ti, yogop aret nda'nagagerak. Agalo Mariya aap Yutup nen miireegerak imbirak awo lambungga'lek kagak, Aberiniki nen eeppereegerak paga kwe nogo abila agagerak kin age mbareegi,

1 Tamuwen 18:27

at Ndawut nogo owe endagembogut aru arikit nduk, awuri inom o Pilitin iname unggwi nogo nogogwaarik, aap Pilitin mendek ineebe dua ratus kuli inooppunuk, inayo ambiragap mbanogo aap endagembogut Tawun nggino yereegerak nogo ndak-ndak wogori wogo mbareegwa, at apuluk Mikan nogo akwe kolaawak nduk, Ndawut aret wogoreegerak.